真心。

屈指一算，由2013年1月7日至今，已經搭了九次「非正規短途巴士」，計有E22X、67X、A22、A10、682、E22、692、961及962，合計用了227元。

「長途線搭短途車」在巴士迷界看來不太受歡迎，每次我發出影片後回應也不外乎是「認真你就輸了」、「Show Blocked User」之類。「豪華巴士」與前者也是每公里收費較貴，但提倡豪華巴士有罪嗎？現將兩者合而為一討論。

先講「非正規短途巴士」。

先前推出65歲乘車2元優惠，使許多長者使用長途線乘搭便宜的短程，引致不少討論區的批評性討論。其實巴士路線（嶼巴B2、B2P除外）有限制乘客上落車嗎？長途線在上公路前沒有人下車，只是慣常情況，但不是必然情況。我不是使用長者八達通，故乘搭短途巴士亦須支付全程車費，沒有浪費納稅人金錢這個問題。然而，短付車資固然有罪，但長付車資也有罪嗎？

舉個例子，由屯門碼頭前往黃金海岸，直接車程只有962（$18.80），因此若沒有價格誘因，一般乘客也會選乘962。當然有人會說，乘搭506轉乘K51可以節省大量金錢，但賠上了不少的精力左轉右轉。又或者由藍田（北）往麗港城，直接車程只有E22（$18.00），不乘搭就必須步行一大段距離，在花費精力和花費金錢兩者的選擇，為何花費精力會被認為合理，花費金錢則會被版友白眼？

小弟於2010年之前通常只會乘搭鐵路出門，故已慣常地見合路程的車便會乘搭（當然將軍澳線往寶琳康城我是識得分辨的），甚少試過候車5分鐘以上，是之後愛上了輕鐵才稍為放寬了此時間限制。當我乘搭選擇多多的短途巴士時，便會出現不同路線「同程不同價」的問題，此問題在輕鐵不會出現。例如，由觀塘前往牛頭角，你可以選擇乘搭班次疏落但較便宜的14B，亦可以選擇乘搭班次頻密但較昂貴的101，但為何我必須久候便宜的巴士，而乘搭「短途貴車」就要被人鬧？

節省時間精力與節省車資這個關係，不少人會選擇節省車資，但為節省時間精力而花費較多有錯嗎？事實上，就算我由屯門碼頭搭962往黃金海岸，我也只是貢獻了六件麥樂雞的錢，並不是「全副身家」。

巴士「短程收費」不合理及「富貴獨市位」過多，我已想講好耐。我不是「巴士愛好者」，只是「巴士關注者」，但也有察覺到此問題，反而討論區裡眾多的「巴士愛好者」則不予理會，或將責任完全推卸於乘客，而不考慮服務本身的問題。這樣好嗎？

後講「豪華巴士」的問題。

於去年9月，我提出了將一條來往屯門及九龍的九巴路線改為豪華巴士服務，引來強烈的反應。當然，我沒有考慮過33元會比合乘的士高昂，我先在此致歉。但是，「豪華巴士」真是這麼不受歡迎嗎？

九巴在1975年曾經提供過豪華巴士服務，但後來被地下鐵路導致息微。當然，當時因為豪華巴士沒有空調，與地鐵有空調不能競爭。然而，現時巴士技術進步，港鐵及普通巴士又經常過度擁擠，為何不能提供（機場以外的）豪華巴士以向乘客提供較舒適的選擇？

我知道如果我在建議區提出「215X增設豪華巴士服務」會引來「可行性極低」的負評或停版，但其實豪華巴士有罪嗎？豪華巴士收費較高昂是事實，但就是因為收費較高才能使載客率降低，讓乘客有較舒適的車程。本人沒有準巨的「胸壓乘車大法」技能，不可強行擠上車。即使成功登車，其擠逼情況也不能忍受。在此情況下，提供「預期客量較低」的高級巴士服務有何問題？難道要繼續強迫沒有汽車的市民及中產家庭學生繼續迫巴士？

即使215X的豪華版本服務收費12元，其實來回車費也不足一個午餐。但為何不少版友寧願乘搭$6.80的普通巴士，繼續迫車？難道精神付出就不在意，車費付出就非常敏感？

這兩個問題若觸動了任何經濟有困難而無法乘搭有關車程的版友，先此致歉。

P.S. 請各位「不要」認真對待此問題。

你知唔知其實你好煩, 日日都出post講獨市巴士同埋自己有錢
仲要好笑到搭的士由兆康站北搭去兆康站南, 我真心覺得你好可憐
係要網上引起其他人注意你既活動, 仲有另外一個西區學生都係咁架
都唔知點解HKBF會變到咁, 好似淨係得返兩個"高質"板友出post
得閒就俾其他人插下笑下。 無錯, 你好成功引到我回post啦
要講就係咁多。

依 D 根本就唔係價值觀嘅問題 , 而係你對某樣事物嘅心態

因為有人食米唔知米貴。
假若筆錢係閣下打工賺番黎，你鐘意用起邊，I don't care。
但事實並非如此，閣下只係亂用你父母既錢，先會引起極大迴響。
見到樓主既行為，我實在看不清香港的未來‧‧‧‧‧‧

朋友我留意左你好耐

由你開POST話要買5D Mark3 到依家搭短途巴士 我相信好多人都想比dislike你

你咁耐以黎所做既行為,除左曬命 我睇唔出有咩意義
冇錯既 你花費係邊一處 的確係與巴士迷冇關 不過 如果唔係曬命 你放片黎有咩用丫?

有好多巴士迷 (其他人) 經濟能力冇樓主你咁高 可能三餐未必溫飽 有一天上hkbf見到閣下up所謂既"曬命"片 佢地有冇感受

你被網友們不斷抨擊仍未懂得悔改 可見你已被眾板友視為敗家仔

你所謂既豪華巴士等片段只會慢慢被人無視落去

閣下慢慢繼續去發你既豪華巴士夢 早抖啦

留下幾條問題問樓主

一，所謂嘅獨市位係咪真係有需求
所謂嘅「獨市位」例如藍田北去麗港城，屯門碼頭去黃金海岸等等地方係咪真係有人去，前者可以步行到達，你行過去係咪會死？
後者唔係無開過線，不過營辦者因「乘客量太少，票務收入不足以應付營運開支」，此線永久停駛。你鐘意可意攞你啲錢開條線嚟做，到時無人再會話你有罪，不過會話你戇居。


二，路線目的何在
962、101為過海線，E22為北大嶼山對外巴士路線，顧名思義前者設計之乘客目的地為港島，後者為北大嶼山地區，而唔係你搭兩三個站就落車嘅區內地點，如要前往請善用區內線。
重有，唔係因為你搭「短途貴車」有罪，而係你「以此為榮」有罪，呢個行為唔係叫大家關注，而係你喺度炫耀你嘅財富。

三，路線"豪華化"無助解決路線容量不足之問題
攞番你過例子，215X為藍田至尖沙咀之特快路徑，亦為唯一之直接路徑(港鐵要多重轉車)，途經多個大型屋邨，多人乘搭係意料中事，
我相信開短棍，甚至拆線會比你開甚麼豪華版本更有效，真正能夠疏導乘客是提供平等價格的同類型選擇，而不是「另一種需付出更多的虛榮服務」，我要的是時間，不是要你趁火打劫。
豪華化只會令另一條路徑更擠擁，因為加價後，乘客會流向付出較少的選擇。

講左咁耐，其實點解你唔去信區議員，我相信你嘅「惠民」建議區議員會欣然接受

Hi Auntie !

論壇板務訊息

【注意】#18330　#C118 p2451305.htm#p2451305 " 【論壇通用規則】 8.9 不得發表偏離主題重心的文章 違例者最高處分：就每個離題主題凍結戶口 30 天 " 感謝　閣下在本論壇發表文章，唯請留意以上規則，謝謝合作！ 如有疑問，歡迎與當值板務人員聯繫、在板務討論分板提出或電郵本壇。

FT9178 :朋友我留意左你好耐

由你開POST話要買5D Mark3 到依家搭短途巴士 我相信好多人都想比dislike你

你咁耐以黎所做既行為,除左曬命 我睇唔出有咩意義
冇錯既 你花費係邊一處 的確係與巴士迷冇關 不過 如果唔係曬命 你放片黎有咩用丫?

有好多巴士迷 (其他人) 經濟能力冇樓主你咁高 可能三餐未必溫飽 有一天上hkbf見到閣下up所謂既"曬命"片 佢地有冇感受

你被網友們不斷抨擊仍未懂得悔改 可見你已被眾板友視為敗家仔

你所謂既豪華巴士等片段只會慢慢被人無視落去

閣下慢慢繼續去發你既豪華巴士夢 早抖啦

你曾經係我同學又靚仔可唔可以答我一個問題？

閣下如果是住荃灣的話，去油麻地/佐敦返學會搭咩車？

30X慢慢塞車？半價MTR？的士╱私家車？

如果係30X╱MTR，閣下有何大法可以忍受擠迫車程？

30x去佐敦…你都係搭番的士把啦

各位版友慳番啖氣啦我地無義務幫人教仔

講「豪華巴士」的問題

在現時資源緊絀、普通巴士都唔夠載既情況下，開辦載客率較低既豪華巴士，根本就係浪費資源
除非你架豪華巴士可以打爆，咁你要開都無問題，但打爆左既豪華巴士，又不能提供你想要既豪華、舒適服務
即使巴士公司有資源，但市區路面好多時都塞車，再開一批豪華巴士路線，製造塞車，亦唔係一般市民之期望
就算有線都應該會好疏車，而塞車亦浪費時間，違背左你「節省時間精力」的價值觀

你要講你既豪華巴士服務無罪，但如果你期望有較多正面回應、較受歡迎，呢個係你既問題
中產家庭學生若果認為乘搭平民巴士太過擠逼、不能忍受，請繼續搭你既中產的士

上面人嗡咁多冇用, 簡單一句：

患亞氏保加症原本係無罪, 但你就演繹成罪.

FT9178 :你咁耐以黎所做既行為,除左曬命 我睇唔出有咩意義
冇錯既 你花費係邊一處 的確係與巴士迷冇關 不過 如果唔係曬命 你放片黎有咩用丫?

有好多巴士迷 (其他人) 經濟能力冇樓主你咁高 可能三餐未必溫飽 有一天上hkbf見到閣下up所謂既"曬命"片 佢地有冇感受

ATR25 :重有，唔係因為你搭「短途貴車」有罪，而係你「以此為榮」有罪，呢個行為唔係叫大家關注，而係你喺度炫耀你嘅財富。

以上是重點。如果你不是相當部份的post都係「短途貴車示範」，大家應該不會這麼反感；
要討論獨市位、豪華服務當然沒問題，但不用每次都親身示範吧？而且示範對原主題沒幫助。
而且當大家提醒/批評你浪費金錢，你還覺得理所當然；
結論是「你喺度炫耀你嘅財富」然後被討厭

lrt505 :閣下如果是住荃灣的話，去油麻地/佐敦返學會搭咩車？
30X慢慢塞車？半價MTR？的士╱私家車？
如果係30X╱MTR，閣下有何大法可以忍受擠迫車程？

我不住荃灣，不過作為學生必定是半價港鐵，我想沒半價還是港鐵。
別跟我說擠迫車程，在省錢、快捷、舒服三捨其一，若舒服的代價那麼大，我必定放棄舒服；至於餘下兩者視習慣和心情取個平衡吧
利申：有試過坐$8的A12由西環去灣仔，但更貴的就不會付

你個人喜歡快捷、舒服而不介意多花金錢，是你的自由，作為版友無理由干預；但請將經歷留給自己，我們沒興趣去聽你分享。

[tab=30]補充：既然輕鐵兄你那麼熱愛輕鐵，你又記得輕鐵座位少乘客多，同樣是擠迫車程嗎？

ksba :各位版友慳番啖氣啦我地無義務幫人教仔

這次我就當樓主「天真無邪」地問來回答吧。有時將說話過度精簡變成可能帶人身攻擊的語句，會令人有機會分散注意力，反被指無理取鬧。
總之我不會僅僅因為車程貴而推post

講真一句，獨市位呢D野講甘多都未必有人理（你估真係有人會好似你甘搭？），更何況搭個陣洗唔洗拍片呢？要你自己示範？
加上67X個件事，你入$33代表到D咩？真實？呢D只不過你幻想咋，我地唔係細路仔，唔中意睇你拍呢D自篇自導自演既片（仲要浪費甘多錢）
仲有豪華巴士服務我地本身都覺得無可能（你望下203，208先發夢啦），你仲要去拍片搭自己幻想既豪華67X，有意義咩？

如果我無禮貌，對唔住，我只係講甘多會員想講既野

其實，宜家基層市民收入不高，樓主不如把金錢捐給有需要的人吧！
其實，你不用親身嘗試拍片，這不但浪費你的金錢，還浪費了你的時間。
古語有云：「積穀防飢」、「一寸光陰一寸金」。
其實，你只要簡單用文字便可以，不用自身拍片的。

這世界上，有更多有需要的人，如非洲兒童，中國大陸四川等地居民，很多
也是三餐不繼的。樓主應好好想想如何更善用金錢呀！
記著，這世界賺錢不易呀，不要使自己將來後悔！

我(地)呢d貧窮/基層版友,唔似你有巨額家產,我地令願忍受擠迫,慳得一蚊得一蚊,
我(地)都有善心,識得去捐錢,多左既錢唔捐,都會儲起,唔似你會亂洗錢,
我(地)收到由父母既錢,都知到父母賺錢辛苦,識得適當運用,
香港大把窮人,有人每日都要死忍迫鐵迫巴士,唔似你咁大把錢可以亂洗,215X轉豪華,咁d市民搭乜呀?
你係要倒錢落海,我奈你唔何,但你要明白呢個世界好多窮人,好多人三餐都成問題

lrt505 :每次我發出影片後回應也不外乎是「認真你就輸了」、「Show Blocked User」之類

家陣你有自由post影片,我地都有自由話你架

lrt505 :這兩個問題若觸動了任何經濟有困難而無法乘搭有關車程的版友，先此致歉。

家陣你歧視我地呀?