當年係因為放假冇咩野搞，某某仁兄俾左張圖我，同教我合檔，開展左我既畫車生涯
眼見出面有咁多高手，所以小弟畫既車都喜歡揀偏門既車
一黎我覺得偏門車系冇人畫，唔會點作比較，二黎我相信偏門車總會有其需求
於是，第一部車，即係Asia Aero Scania K310，就面世
中間覺得旅遊巴其實都有些少人想玩，於是主力畫旅遊巴
畫左年幾兩年，就開始有人講，不如合作啦，我都覺得OK既
於是就係原模同上色上改良，例子有Mtrans MM10
係呢度想提一提，旅遊巴車頭係彎，唔會直到成塊板咁...
近期邊個貼出黎，車頭畫到成塊板，軸距怪異既心裏有數啦下...
我畫simutrans仲有一個原因，就係為聯營save/online save
有時因為有款車諗倒想用但冇，就會自己畫
例如泡菜系列，雖然大部分車係後期 自家save 時畫，但最先畫既三部車，係為聯營save既
仲有近期既魚蛋車，其實係為一個進行緊既online save而制作
但同時，發覺有部分人開始出車鬥快，鬥多
之前聽講有一日一pak，至到近期準確至 1px 等唔知應該笑定喊既理論
你要出車快、多元化，係你既事，但事實亦證明 快 只會令品質下降
為左避免令人為求狙擊其他制作人，飯都唔食咁瘋狂出貨，之後畫到樣貌怪異
咁不如收埋自己用，等其他人覺得少個競爭
或者咁講，我諗番當初畫車既目的，咪就係為玩save，自用對其他人影響唔大，但至少自己開心
最後我想講，我覺得simutrans，50%友情，40%娛樂，10%係你用既交通工具
因為制作，或者娛樂時同人反枱、反面，你覺得撐到行 好威 ，我會認為咁係 無謂
