８月頭玩晒大家既假期，８月尾放假就得返自己一個 =.=
唔想悶，唔想無所事事，一個人繼續搵一ｄ易走既路線閒遊一下
今次就黎一個期待已久既地方．上城門水塘環湖！
與香港唔少水塘一樣，城門水塘都同樣分為上同下兩個水塘，
下城門水塘就已經遊走過多次，以城門隧道底下既峽谷最具特色，
但係上城門水塘，今次卻是初次遊走，即使遠景不多，
但水塘旁邊甚為壯觀，茂密的白千層樹森林及塘中倒影，亦極具特色～！
今次又係下晝先出發，食過午飯，乘車到達"可風中學"站下車，
巴士站後既路邊，就會見到"城門水塘"既路牌，沿車路上走
就會到達一個形似城樓既"城門郊野公園"牌，此處亦係今次既起點！
向左走上石級，經過一少段菠蘿壩自然教育徑既山路，接回車路
再走上幾分鐘既腳程，前方兩旁就出現兩排高大既白千層樹，
就似夾道歡迎著大家既到來！在大樹之下走過，抬頭向天觀賞，實在壯觀！
從樹底下走過之後，沿途有著不少休憩長椅與涼亭，走進休憩既大草地
路旁輕鬆的就找到樓梯，往水塘既邊緣走出去，圍繞著水塘邊的
全都是巨大的白千層樹森林，沿著水塘邊一直伸廷到盡頭，一層一層的
樹影下的風光確實令人心曠神怡！一直走到"鉛礦坳"路牌，
中途也是不斷的走到水塘邊緣，欣賞塘邊的白千層樹，
由於近期水塘的水位也不算太高，在走到最後一個白千層樹的大草地上，
亦能尋回少許昔日鄉村的遺跡地基，在最後的白千層樹林下，
欣賞著眼前既樹景，實在不捨得離開．．．
不過怎樣不捨得，路還是要行，都是離開眼前既景色，走回車路，
之後便接回緩跑徑的山路，沿著水塘邊迂迴曲折的山徑走往主壩
沿途大多數都是在樹蔭之下走著，偶爾都可以在樹林中的空隙觀賞對岸的森林
走過了不少的路，前面便出現一個警告牌，颱風韋森特的威力將山路都毀了
就站在路口考慮了一會，還是硬著頭皮的繼續往山路邊走，看到了，
被毀的山路，原來都已經修復好了，再走一陣，離開山路
終於見到城門既主壩了！過了主壩，回頭一看，眼前就似有一面鏡，
將天空和山景一一倒影在湖面上，之後再走一段車路，便回到起點
起呢到搭上開往荃灣既小巴離開了！
後記：
輕鬆的環繞城門水塘走一圈，不用３小時，沿途都是平坦的山路及車路
雖然沒有太多遠景可以觀看，但只是樹景及倒影卻已經令人眼前一亮！
在樹蔭下走過，即使夏天悶熱的氣溫下也覺得清涼，而塘邊既千層樹林景色
也是城門水塘獨有的，假日來閒遊一下這條特色路線，走得輕鬆，景色豐富
只是今次並不是在連場大雨之後遊覽，未能欣賞到"水中白千層"既景色
似乎要欣賞"水中白千層"，也是可預不可求，難得的景色呢！
ＴＨＸ ＦＯＲ ＲＥＡＤＩＮＧ．
![[photo]](https://hkbf.org/images/smilies/Photo.gif "傾偈無圖無偈傾")
