(麻帆良市時報記者 / 桜高輕音部記者琴吹 紬報導)
隨住被改裝行走 51 號線嘅 Dennis Dart 單層空調巴士於 2000 年代末踏入退役年期,
而車隊內其他嘅其他 Dennis Dart 同三菱單層巴士亦年事已高
九巴喺 2010 年向 Alexander Dennis LTD (ADL) 訂購 30 架 Enviro200 巴士,
並且喺 2011 年開始陸續投入服務, 以取替到期退役嘅單層巴士,
呢批新巴士擁有 10.4m 長嘅車身,
配備左歐盟 EEV 標準, 有 225 匹馬力嘅 Cummins ISB6.7E5225B 引擎,
連接 Voith D854.5 四前速自動波箱, 主要行走 53 同 276 等受路面限制嘅路線,
其中 7 架專為行走 51 號線嘅 Enviro 200 新車, 更配備手控減速,
並且喺 2011 年投入服務, 取代舊款嘅 Dennis Dart,
同時亦為 51 號線實現全線低地台化。

今日, 麻帆良市正式歡迎兩部 ADL Enviro200 登場!
呢兩架 E200 巴士對市長 Super Bus 嚟講已經唔陌生,
因為早前佢都已經入左一架 E200, 但係今次呢兩架對市長嚟講可以話係來頭十足啦,
行 51 嘅 E200, 作為九巴嘅大帽山爬山傳人, 佢擁有靈活嘅車身設計,
加上附有手控減速, 上山下斜輕而易舉已經不在話下,
至於另一架行走 8A 嘅 E200, 睇起嚟平平無奇,
但係對 Super Bus 嚟講卻係別具意思, 皆因佢以前住黃埔花園,
有時出尖沙咀都會搭 8A, 亦因為咁而認識一D九巴師姐,
而且佢地唔只知道 Super Bus 係巴士迷, 仲係一位美少女戰士 Sailor Moon 嘅粉絲,
有時坐巴士, D師姐就會問佢: "喂靚仔, 今日又有冇買乜野美少女野呀~?"
對於身為紅磡人, 特別係曾經喺黄埔花園居住過嘅 Super Bus 嚟講,
8A 無疑係其中一條令佢充滿回憶嘅巴士路線之一,
難怪今次九巴出正呢架行 8A 嘅 E200, 亦令 Super Bus 不禁要同 51 號嘅 E200 打孖上啦,
始終真係有感情嘛~

隆重歡迎! 九巴 Alexandr Dennis Enviro 200, 見參!!









8A E200, 證書編號 0110, 全球限量 600 架






51號 E200, 證書編號 0110, 全球限量 1200 架 (做乜兩架都係 110 嘅... o3o )


正式落地! Vocaloid 大家姐 Meiko 又嚟迎接新車啦~
































九巴 E200 家族合照






大帽山嘅爬山英雄


呢個合照, 相信現實亦冇可能實現



小劇場~~~ XDDD

餓左一排車, 今日終於又有新車到, 雖然今次係 E200,
而初音對於 Enviro 巴士亦一向有厭惡感, 不過對於今日嚟到嘅呢兩架 E200,
初音反而並冇乜反感...

(初音) Super Bus 今次入呢款 E200 又真係與別不同啵,
雖然都係 Enviro 巴士, 不過又真係有一種講唔出嘅特別...
呢架行 51 嘅......仲要係爬山車添, よし~~


言訖, 初音開始郁手 Tune 車啦, 首先打開車尾引擎位......


再插葱~~


10 分鐘後, 啱啱 Tune 完車, 鹿目まどか就走過嚟...


(鹿目まどか) 咦~~~初音又喺度 Tune 車呀?
(初音) 妳又嚟做乜呀? 妳個廢怯少女, 成日同D巴士玩大變身,
因住 Super Bus XYZ 妳呀!
(鹿目まどか) 車, 嚟睇下都唔得咩! 話哂都餓左車成兩個月啦,
有新車到梗係要嚟睇下呀嘛, 仲有呀, 我係魔法少女唔係廢怯少女呀~~!


鹿目まどか走埋架車面前...
(鹿目まどか) 咦, 今次呢架車個樣又幾 Cute 啵,
Enviro 200...個樣又有少少似 E400, 但係單層個樣又幾特別啵~


言訖, 鹿目まどか就跳上架 E200...
(初音) 喂! 妳想做咩呀?? 架車啱啱 至Tune 好仲未做試車o架!!
(鹿目まどか) 咁咪啱哂囉, 就一於等我嚟做試車啦~~!! XDD


講完, 鹿目まどか就坐上左架 E200...


點知一坐左上去, 架 E200 就有如脫韁野馬一樣快速起步, 將鹿目まどか跌到人仰馬翻!!


巴士繼續前進, 駛上大斜路......




???


What the heck?????? oAo


下坡中, 拓海送完豆腐, 揸住架 AE86 返屋企途中...


突然右邊殺出一架金色大巴!!


巴士以極級速度爬左 AE86 頭並且先到山腳, 拓海亦被 E200 嘅下坡神速嚇到標哂冷汗!!
(拓海) 呢......呢架巴士到底係乜野構造o架...... OAOlll


巴士終於返到車廠, 鹿目まどか仲依然喺地下嚇到僵哂咁款...
(初音) 抵死, 一早都話經過我手Tune 過嘅車佢地全部都超水準o架啦!


加同樣今日收嘅, Cosplay idea~~


小劇場只係 Extra, 志在過癮, 希望大家鍾意~ ^^

Thanks for reading

del

e200: 仲追黎? 落斜佬喇.. 我斜佬霸王鍊輸俾你呀我呢世唔揸車呀!!
拓海: 車尾燈都見唔到.. 點解~~~ (淚目


(設計對白 )

51不經不覺都出了四次...~
火箭...M21...M83...AAU.....51歷史都能儲齊lu~

愛麗絲公主 :51不經不覺都出了四次...~
火箭...M21...M83...AAU.....51歷史都能儲齊lu~

51 冇行過火箭o架, 火箭係亞比安 EVK41L 型,
大帽山批亞比安 EVK55CL 型, 或者叫老安

愛麗絲公主 :51不經不覺都出了四次...~
火箭...M21...M83...AAU.....51歷史都能儲齊lu~

未...我仲等緊312出爬山AA行51 ga

巴士狂徒 :

愛麗絲公主 :51不經不覺都出了四次...~
火箭...M21...M83...AAU.....51歷史都能儲齊lu~

未...我仲等緊312出爬山AA行51 ga

睇下 312 肯唔肯出先啦, 不過九巴都普 Dart 我始終都係鍾情第二批黄扶手同埋原裝方燈多D

又將41跟55掉轉了'~'
完全忘記了AA這回事,312 爬山AA,感覺會改模出的,可以幫大家儲51 set

尾6張睇下一隻巨型手指@@

論壇板務訊息

【注意】#26069　JX7899@16 p2382487.htm#p2382487 《 論壇通用規則 》 8.6 不得發表只帶有附和性質或只為表達情感的短小回應，或沒有附帶理據的簡短評語 違例者最高處分：每篇違規文章凍結戶口 30 天 感謝　閣下在本論壇發表文章，惟請注意以上規則，謝謝合作！ 此處分由 NA (#3139) 發出。 如有疑問，歡迎與當值板務人員聯繫、在板務討論分板提出或電郵本壇。

愛麗絲公主 :又將41跟55掉轉了'~'
完全忘記了AA這回事,312 爬山AA,感覺會改模出的,可以幫大家儲51 set

印象中...最初期o既51其實好似仲有用過阿比安23...

魔法先生 Super Bus :

電牌d字唔整齊, 上下波浪咁...

lktmclkn :

愛麗絲公主 :又將41跟55掉轉了'~'
完全忘記了AA這回事,312 爬山AA,感覺會改模出的,可以幫大家儲51 set

印象中...最初期o既51其實好似仲有用過阿比安23...

又要拎番篇舊文出嚟先... o3o
p2239536.htm#p2239536

AV98 :

魔法先生 Super Bus :

電牌d字唔整齊, 上下波浪咁...

我拎上手睇又唔多覺, OK 啵...