豐田 Coaster 名稱含貿易船、巡航船之意，自 1969 年 2 月生產以來，已經生產超過四十年，更加成為本港小巴業界主要車型。現時由首代 Coaster 至今，已經踏入第三代，經歷過多款車身及引擎變化。

現時香港代理只引入 LX 以及 DELUXE 兩款車，並於日本豐田吉原工場生產時已符合本港巴士要求加設太平門。另外，本文主要介紹香港曾經或現有車型；日本本土版另有多款引擎，以及 4WD 版本等不同選擇。

---

初代

1969 年 2 月至 1982 年生產，主要採用 2B 型 3,168cc 柴油引擎，馬力 93 匹。車頭配一體化鬼面罩上附有四個圓燈大燈。香港並無引入本款 Coaster。

---

次代

1982 年 5 月開始生產，1984 年開始供港，直至 1987 年改款。香港俗稱「第一代」、「方頭」。使用 2H 型 3,980cc 引擎，馬力 110 匹。

1987 年 Facelift，3B 型 3,431cc 柴油引擎，馬力 120 匹。1987年至1989年供港版本使用「第二代」、「細燈箱」，1989年至1993年供港版本使用「大燈箱」。本代除 6.255米 標準陣外，亦有豪華版 6.99米 長陣供港，硬窗、趟門規格。此代公共小巴、專綫小巴已於 2011 年全數退役，但仍有少數機構尚未退役，甚至有個別酒店仍使用中。

---

三代

1992 年 4 月開始生產，1HZ 型 4,163cc 柴油引擎，馬力 135 匹，歐盟1型排放標準。香港俗稱「第三代」、「圓燈子彈頭」，只提供 6.225米標準陣。學校私家小巴、香港政府小巴設有電動摺門。

1995 年 4 月 Facelift，15B-FT 型 4,104cc 柴油引擎，馬力 135 匹，歐盟2型排放標準。底盤代號 JT743，香港俗稱「第四代」、「Turbo」。6.225米標準陣學校私家小巴、香港政府小巴設有電動摺門；6.990米長陣版配硬窗及電動趟門，部份更配置日本原廠絲絨座位。

2002 年 3 月，配合香港政府「另類燃料小型巴士試驗計劃」，標準陣小巴停止供港。由 1BZ-FPE 型 4,104cc 石油氣引擎，馬力 116 匹，歐盟3型或 Japan 2005 排放標準，現時石油氣小巴均使用 1BZ-FPE 型石油氣引擎。香港俗稱「5LS」。

配合 2004 年香港法例規定，所有新登記的小巴座位必須設有安全帶及改配高背座椅，豐田提供日本原廠附安全帶座椅，香港俗稱「5LS2」。本代設標準陣 6.225米 及長陣 6.990 米可選擇。復康巴士曾大量訂購石油氣引擎，趟窗配電動趟門，車尾設雙太平門連英國 Access 升降台。

2004 年 7 月提供日野 NO4C-TQ 柴油引擎，4,009 cc 引擎，馬力 150 匹，歐盟3型排放標準。香港俗稱「5DL」。學校私家小巴配備趟窗、電動摺門，配硬窗則跟電動趟門。

2007 年 7 月提供日野 NO4C-TQ 柴油引擎，4,009 cc 引擎，馬力 150 匹，歐盟4型排放標準。香港俗稱「6DL」，本代於長陣 6.990米提供 6前速自動波波箱選擇。其他長度 6.225米 標準版、7.725米超長陣均只能配置 5前速手波波箱。石油氣版本 1BZ-FPE 型 4,104cc 石油氣引擎，馬力 116 匹，歐盟4型排放標準，配設電動摺門，香港俗稱「6LS」（標準陣）、「6LL」（長陣）。

2008 年中提供標準陣配日野 N04C-UH 柴油引擎，4,009 cc 引擎，馬力 150 匹，歐盟4型排放標準。香港俗稱「6DS」。

2010 年初全數日野 NO4C-TQ 柴油引擎，4,009 cc 引擎，馬力 150 匹，提升至歐盟5型排放標準。6.990 米長陣可配 6前速自動波波箱或 5前速手波波箱；7.725米超長陣仍然只能配置 5前速手波波箱。

---

純粹分享，有錯請指正。

另請分享復康巴士及易達巴士車門電動踏板及車尾升降台牌子。

小學個陣好中2 坐方頭車頭同尾二,感覺高D 好坐D

宜家子彈頭好似代表左香港小巴既象徵

eric2316 :小學個陣好中2 坐方頭車頭同尾二,感覺高D 好坐D

宜家子彈頭好似代表左香港小巴既象徵

豐田其實有佢既好處……因為半年前分別去過豐田同三菱睇小巴，最終都係揀 Coaster，可以作少少分享。
　
1.易維修，周街車房都搞得掂，但有大量三菱用家投訴維修困難；

2.成本低，車價比起三菱吸引好多；

3.油耗低，柴油大約三蚊一公里，三菱歐洲引擎話慳油我就未了解過，不過香港環境大家可以無視；

4.引擎，Coaster 引擎有保證，唔係因為電腦簡直冇得輸，相反好多行家都對三菱歐洲引擎 3,000cc 冇太大信心；

5.駕駛舒適，Rosa 堂軚同司機位唔係對準既，司機位設計係完全偏右，大打印象分。（利申：小弟冇 4 / 5 / 9 / 10 牌）

三代都有6.990米長陣版配硬窗+電動趟門+絲絨座位(最少有部DG2813係咁)。

FF3170 :三代都有6.990米長陣版配硬窗+電動趟門+絲絨座位(最少有部DG2813係咁)。

三代果陣，印象中唔多原裝絲絨座位……反而係勁多硬凳。

PS.其實代代都有長陣版配硬窗、電動趟門，訂就有。