話說呢排經常係山道等巴士,有次搭101去九龍,由山道去到紅隧港島入口大約用左30分鐘左右
咁5X有個X字佢又行四幹以為會快D
今日就搭5X,係山道埋站先有部5,冇乜人,5號走左之後就即刻有5X,基本上座位都坐左八八九九
山道接近尾站就堅係快既,好快就去到港澳碼頭
但係發現之後係中環碼頭入返電車路係好惡頂,仲要慢慢排隊入
最後去到銅記同樣係接近30分鐘,係SOGO落左車之後,入左銅鑼灣廣場去一去廁所出返黎(~5分鐘)就見到頭先果部5號
睇返其實5X飛既路段同車站(相比5)其實唔多,而呢條路線係市區落腳點就唔理想,導致特快效果欠佳
但係就因為有個X字就吸引左成堆客去避搭5(見客都係灣仔銅鑼灣落得最多)

其實個X字係咪真係咁有吸引力?

一向都話5X東行過咗碼頭係零優勢，所以按目前行法根本唔應該加車俾佢。

快五分鐘重唔夠?

hBx219xFz :快五分鐘重唔夠?

慘在死起上嚟輸返突呢......

講真我差不多每次搭5X都是國金落。
去銅鑼灣又想快，除了上環/中環轉港鐵都無辦法。行軒尼詩道落車方便但避不到堵車，基本上無得你兩全其美。

http://www.hkbf.org/p1479311.htm
其實幾年前都有人講過呢樣野
點解我記得?因為個篇文既樓主講既版友就係我

唔係飛咗交廣，可能連嗰5分鐘「優勢」都無埋...

5X快唔快我諗都要睇咩時間
有次搭慢車，西營盤果邊已經塞塞地行得慢，跟住中上環又多車，上落客又多，都搭左好耐先到金鐘
雖然5X中環果邊有時都塞得勁，但慢車一樣有可能塞，咁班客可能諗住快得一段得一段，起碼5X直出就中環碼頭
照計就值博率高d

不過俾我，除非預左內街好塞，否則呢$1 我覺得唔係好值（尤其慢車先到）

watery :講真我差不多每次搭5X都是國金落。
去銅鑼灣又想快，除了上環/中環轉港鐵都無辦法。行軒尼詩道落車方便但避不到堵車，基本上無得你兩全其美。

銅鑼灣最快係 18P 行返入去

ck38 :不過俾我，除非預左內街好塞，否則呢$1 我覺得唔係好值（尤其慢車先到）

咁就奇怪,呢樣就係我諗極唔明既地方,點解咁多西區水魚會俾多$1去搭條"慢"X
因為我今日出發前係大快活望住條電車路既車,5同5B窗口都未滿,10就比5/5B好D咁話,5X上層大致坐滿晒,
到我出走搭車果陣都係咁,明明5黎先有堆人係唔上5
(雖然個人認為5X唔係比5貴好多,相比2vs2X,18/18Pvs18X)

GK9141@93A :

ck38 :不過俾我，除非預左內街好塞，否則呢$1 我覺得唔係好值（尤其慢車先到）

咁就奇怪,呢樣就係我諗極唔明既地方,點解咁多西區水魚會俾多$1去搭條"慢"X
因為我今日出發前係大快活望住條電車路既車,5同5B窗口都未滿,10就比5/5B好D咁話,5X上層大致坐滿晒,
到我出走搭車果陣都係咁,明明5黎先有堆人係唔上5
(雖然個人認為5X唔係比5貴好多,相比2vs2X,18/18Pvs18X)

我要去中環碼頭當然會搭5X啦，難道你不見5X到中環碼頭及康樂廣場均有相當數量的乘客下車嗎？

去銅鑼灣梗係搭43x/5x/54轉地鐵
或者搭18p行返入去

如果西環尾班友唔坐5X，1/5/5B/10減左班之後仲有無位清西營盤同上環客?
5X東行合理黎講係要班班爆住出水街，非繁都係咁話

點解班友咁鐘意坐5X，我只會話5X係咁多條中最好等係佢，其他個d基本上等運到，15/20分1班既1、5，趕時間都唔搭佢，5B/10要睇佢班次生唔生性

不過我試過係西環上5B，35分鐘都到左銅鑼灣

5X基本上係條跑公路既流水，當你見到5X，趕時間梗係上車啦(某d位5X飛左既例外)

貴1蚊唔算過份啦，新城藉口話本身可以再收貴d，收平你係仁慈

5X東行響中環條定線的確唔掂, 記得有人話過係受路面劃線影響, 如果唔入碼頭, 沿天橋直落就停唔到中環, 但城巴偏偏又唔想咁...

但係無可否認佢西行條定線真係特快喎, 砵典乍街之後就直剷入堅尼地城, 多得有呢條線我可以由中環走入堅尼地城食飯 (易搵位好多), 然後又可以準時返到公司. 呢段如果坐流水線, 以1, 5B為例, 閒閒地要20分鐘 (5X可以10分鐘內), 因為德輔道西日頭成日泊咗好多貨車, 近排加埋有D位整路, 慢上加慢...

因為道路工程, 四幹落橋位變左中環碼頭, 然後要經碼頭同國金二期, 果度都浪費左好幾分鐘時間

或者5X唔應該再經德輔道西, 改為堅城海旁後直接上橋 (即係銅鑼灣返堅城之反方向走法)
咁呢度都應該至少可以快多十分鐘