編輯：Motorfore (#7480)
 | 本文內容以《  》授權，按左圖查閱授權標章（英文版）按此查閱《 共享創意授權條款 》說明（多國語言） |
由年少無知、攞住部 Windows ME 電腦、玩 MM2 年代到依家嘅 OMSI，好多嘅爭拗都係由「版權」或者要鳴謝邊個邊個而起；由以前嘅改車、偷聲，到今日嘅大廈、City ……
咁大家又有無諗過，世界上係有一啲解決方案可以平衡作者嘅權益，而「二次作者」又唔需要捲入紛爭，令到最後大家都無得玩呢？
大家從來對版權嘅認知，唔係老師話本書唔可以影印，或者板主話擅自改車會被停板，就係書後面寫住嘅「All rights reserved」。
傳統嘅「All rights reserved」，其中文意思係「保留版權」，即係話作者係擁有哂上面幅相嘅知識產權。以上面幅相為例，當我買左佢，或者響地下執到佢，或者喺 Google 搵到佢 ……
我唔可以 複製
我唔可以 改圖
我唔可以 將佢再 post 去第二個網，例如 Facebook
只要我是但做左以上任何一樣嘢，個作者都可以咬住我。雖然大部分嘅情況都唔會咁樣，但總有唔少人，會為左俾人知道佢嘅成就，或者不忍其子遭受凌辱（劣改），而用呢種條款去限制檔案流通，咁樣某程度上會唔會多咗不必要嘅限制，窒礙咗遊戲嘅發展呢？
如特警成所講，大家只係個別「朋友」私傳，先可以避免哂呢啲責任：
當然呢個世界上，有人會為左幫人，會學 Bill Gates 咁「裸捐」，即係將自己嘅作品，無條件俾其他人使用，呢個就係大家平時講開嘅「Public domain」（公有領域），例如下面嘅相片、Tweet 同作品咁：：
又或者你死後 50 年，件作品先至會「解鎖」，好似《 蒙娜麗莎 》咁。
但作為一個作者，你一定會覺得：我咁辛苦整嘅野、咁辛苦影嘅相，唔通就應該由得佢進入歷史洪流，俾人瘋傳 N 次之後，最後個作者就係「佚名」？
![[sosad]](https://www.hkbf.org/images/smilies/icon_sosad.gif "So Sad"){kind=icon}
All rights reserved 唔啱，Public domain 又唔啱 …… 可唔可以
Some rights reserved？
Creative Commons ── 共享創意，就係大家要搵緊嘅野。
當你嘅作品，以 Creative Commons 方式授權後，代表左你嘅作品，可以按你訂下嘅條件，再自由分享：
署名，Attribution，簡稱 BY創作發佈時，或者在作品中，要聲明原作者嘅姓名
非商業性，Non-commercial，簡稱 NC二次作品不可用於商業用途，就算你自己無從中獲利都唔可以，除非經原作者同意，例如是出版成書
禁止衍生，No derivs，簡稱 ND可以任意分享、傳閱，再發佈作品，但絕對唔可以修改原作品，一定要原汁原味
相同方式分享，Share Alike，簡稱 SA要求對方再分享、創作時，必須再用同樣嘅 CC 授權，推廣到作品之餘，又可以按你嘅意願分享，其他人唔可以據為己有
而佢地可以用呢啲方式組合
：
例如本文就係用 BY-NC-ND，即係話你分享時，當出唔到
呢個 Logo，就要說明返作者係「MM21」（Yuuji）；同時，呢個作品你唔可以攞去賣錢，或者改任何嘢（包括授權方式），保障返資料嘅準確同完整性。又或者好似我個 Wordpress 咁：
咁嘅話，以後呢啲事，就唔會發生
編按：作者自 2007 年起一直參與 Creative Commons 共享創意香港的籌備工作，其中一項比較知名的，是聯同香港電台推出「創意通」計劃，將這個公營廣播機構的庫存（archive），如英國皇室、政府文件的 Crown Copyright 一樣，在註明出處後，無條件和市民大眾分享。如果各位在使用 CC 授權上有任何疑問，可以在 f#120 板務討論（涉及論壇政策的問題）或 f#67 生活（一般問題）提出，讓 MM@! (#19189) 回答查詢。
