AP入沙廠
一睇睇左十四集，我自己同樓主現實既情況差唔多
加油啊﹗期待下集

AP42 :AP入沙廠
一睇睇左十四集，我自己同樓主現實既情況差唔多
加油啊﹗期待下集

唉... 現實之中, 該女孩其實知道我喜歡她
並曾經因此鬧出重大事件
友誼不再......
在此之前, 她很關心我, 簡直是我心中的天使

事隔大半年(該事件在2006年12月發生)
我與她在今年8月尾恢復聯絡, 但我們已經不再在同一學校就讀
一個在理大, 一個在中大

我真的不知道, 我是否應該放手

第十五集

在家裡呆了幾個小時，一天的工作，令我睏得要死，但我卻還沒收到Catherine的回覆......

夜晚十時多，我被睡魔打敗了。被帶進夢鄉成為俘虜之前，我隱約聽到我的手機發出「Aloha~」的聲音──這是我的手機收到短訊時的鈴聲，可是我已經沒能力去看這個短訊...... 呼~ 呼~ 呼~

翌日早上，看到了短訊，原來只是電話公司寄來的帳單提示，唉！枉我期待了一整晚...... 現在唯有寄望待會兒駕駛270B的時候會遇到Catherine，到那時候才跟她相約吧！

回到派更部，今天的更紙上寫著車牌FR667，我心想這還不錯！總算是舊款的巴士，駕駛時不會像現在那些新車般複雜，樣貌也沒有新車般不順眼。可是，當我在車廠後備車的車群中，找到這輛FR667，我頓時目瞪口呆，因為在我眼前的，沒錯是一輛舊型巴士，但是與我想像中的有很大差別，至少這輛FR667沒有了上層！

算了吧！不用再駕駛昨天的車子，已是幸運，可能今天這輛車會帶給我不少難忘回憶──最少會有不少巴士迷來為我，不，是我駕駛的車子拍照......

車子到了上水總站，周圍的站長、車長們都對我的車子議論紛紛，不停地對我的車子品頭論足，他們就像沒有見過單層巴士似的。不過，說句實話，我還是第一次看見單層巴士載客行走大埔公路路線。在車子的路線牌布上攪呀攪，找不到「270B」和「九龍地鐵站」的牌子，只有「上水」，很不容易從站長室內找到缺少的牌子，放到車子上，可以順利開工了！

開車後才發現公司沒有為我準備報站機的記憶卡，所以報站機是關著的。在平時，我每天都會準確的按報站機，為的是要滿足自己的期待，期待報站機快站說：「下一站係，牽晴間。The next stop is, Dawning Views. 下一站是，牽晴間。」，其實也就是期待著Catherine的來臨。

完全寂靜的車廂，沉默的來到了牽晴間的車站，Catherine今天甫登車，就佻皮的向我說：「尋日壞車，今日渣單層，你都幾唔好彩喎~~」又是這樣，Catherine那些搗蛋的說話與表情，令我的無奈全消。我對她說：「日日新鮮唔好咩？等你可以估下我會渣咩車黎接你嘛~」我們對望著，忍不住笑了，是發自內心的歡笑。

「係喎，你幾時得閒出黎食飯呀？」她竟然問這個問題......

「下？你收唔到我個sms咩？」我真是很害怕，昨晚的短訊究竟去了哪裡。

「唔係呀，我收到~只係想當面問你。」她說。

「咁要睇下你幾時得閒喇，我真係冇所謂喎~」我說。

「我星期三off，你得唔得閒？」她問。

「得呀~ 不如我地去朗豪坊食野丫~ 我知o個度有間食燒烤幾正......」我說。

「嗯...... 咁好啦！我o個日等你放工丫~ 之後一齊搭270B出去~」她說。

「一齊搭270B出去」這句話有點奇怪，乘火車去不是更快捷方便嗎？而且她說要來等我下班，我內心真是有點...... 有點難以形容的感覺，像是害羞，又像是受寵若驚......

「Kenneth，我到喇，夜d放學打比你。」她說完這句話，就下車了。

我同樓主唔同既係，佢依家同我同一班，
不過自從8個月之前...
由個日開始，依家大家望見對方都唔知俾咩反應好
唉﹗好似個故事咁順利就好

第十六集

「嗞．咇．咇．咇．咇．咇．咇．咇．咔嚓！」竟然在車上落實了約會，而且還是在兩天之後，看來我現在得好好準備一下，好讓Catherine能看到我最好的一面......

心裡不斷想著下班後要買甚麼衣服，新潮一點？成熟一點？可愛一點？輕便一點？究竟要怎樣的打扮才合適？畢竟Catherine是個堂堂正正的大學生，而我卻只是個掛名的「大學畢業生」，要是我在打扮上不作點補救，和Catherine同一場合出現，總是覺得怪怪的......

想起昨晚在家裡的衣櫃，看見的除了公司的車長制服外，就只有隨隨便便的一大堆短袖衫...... 我的天哪！看見這樣不堪的情景，只好在僅餘的時間去改善吧，唉！

車子到了九龍地鐵站之後，由於比預定時間早了十五分鐘，所以在開下班前最後一程車之前，有四十五分鐘休息時間。我沿著附近路上那些惹人注目的廣告牌，走到一個名叫「圓方」的商場，希望在那裡可以買到我後天需要的裝備......

可是，在那裡看到的東西，如果我不加思索就購買，肯定會墜進無底深淵，看來我還是回頭是岸吧......

唉，竟然沒有甚麼收穫...... 後天就要和她吃飯了，雖然說是期待己久，可是現在，我有點兒不想去，總是覺得很自卑...... 是為我平常的打扮，和自己的學歷而自卑。

完成了返回上水的車程，我走到附近的一個商場。逛了幾間售賣衣服的店舖，心裡知道再不下決定，就要穿著平時那些不堪入目的衣服，於是，我把心一橫，決定買下眼前這件黑白紅格子短袖襯衫，還有這條墨綠色的長褲子。我想，這已經比我平時的裝束好得多了......

心裡一直顧慮著學歷的問題，衣服能掩蓋嗎？我真的很擔心，這會令我後天跟Catherine談天的時候，多了一層厚厚的隔膜......

其實朋友之間既關係
坦誠相處係一件好事既
未必有需要為一 d 外在既事而掛慮

AM 有 落 車 門 ? ...

忘 記 了 自 己 作 緊 AM ? ..

↙NＤSｌ．Km↗ :AM 有 落 車 門 ? ...

忘 記 了 自 己 作 緊 AM ? ..

難道用救生門來當落車門?

樓上兩位~ FR667係AN12...
雙門版來的~

好似電車男咁姐…
佢都比左佢最真實既一面比Hermes小姐睇啦！

270B 第十七集

很快又過了兩天，期待已久的星期三終於來到了......

中午，我收到了Catherine寄給我的短訊，內裡寫道：「Kenneth，今日你幾點收工呀？我去上水總站等你丫~~^o^~~」

還好，我還以為她要把這次聚會延遲...... 我看看手上的時間表，預定今天回到上水總站下班的時間是下午二時半，於是我回覆她說：「我今日收兩點呀~ 你兩點三左右先過黎丫~ 等我換埋衫先~~」

「喂！做咩睇完個message就咁冧咁o既？」我回頭一望，原來是270A的女車長Nicole，真被她嚇了一跳......

「er...... 冇野呀~」我吞吞吐吐的回答說。

「冇？快d講呀~ 係咪上次個女仔黎ga？」Nicole又再一次對我嚴刑逼供，她嘴不停叫嚷著：「講啦~ 講啦~」我就在一邊裝鬼臉，一邊在叫著：「唔話你知~ 你估下~」如果是不認識我們的人，看到我們在這樣玩，可能會以為我們是情侶，其實我們的關係可算是兄妹般的好友......

最後，我還是落敗了，真拿她沒辦法，「係呀~ 佢係我上次同你講過o個個女仔......」

「哦~~ 你鐘意o左人地呀？」Nicole問得真直接。我回答說：「唔知呀~~ 你快ｄ去開車仲好啦~ 唔好塞住我開車呀~~」

「車~~ 好叻咩？唔講咪唔講囉~~ 陣間你唔好爬我頭頂住晒添呀~~」真是個愛賭氣的傻妹子。270B在九龍地鐵站的泊位在270A的後面，我可以輕易的超越Nicole駕駛的車子，而且我的開車時間跟Nicole的一樣，那就讓我跟她玩玩吧。我故意的先把車子駛到前面，剛好停在Nicole的車子旁邊，她果然真的立刻開車，想逼我停下來，不讓我超車，她在我停車之後伸出手來，給了一個勝利手勢......

可是，先讓她開車又如何？彌敦道堵車，反而新填地街則暢行無阻，看來要給勝利手勢的應該是我才對。

果然，暢順的交通跟270B長期低迷的客量，使我很快就到了上水，比Nicole快了十分鐘。Nicole看到我，就扁起咀來在彆扭，好像不太接受到落敗了...... 嘻嘻。

「我唔同你玩喇~ 要去換衫，約o左人趕時間。」我說。

「唉...... 淨係掛住女朋友就得啦~ 唔洗理我呢個細妹lu......」Nicole繼續扁著咀，唉，真拿她沒辦法......

「唉~ 聽日我同你食飯，再同你玩啦好冇？我真係要走喇！」

「咦...... 咁好啦，拜拜」Nicole說。

向Nicole道別後，我趕快把身上的制服換成幾天前買的衣服，這身裝束看起來好像有點說不出的奇怪，但既然距離約會時間還沒有多少時間，唯有算了吧！

換過衣服後，時間剛好是二時十五分，Catherine果然真的準時在上水總站等候我。

「Hello，Catherine，等o左好耐？」我說。

「唔係~ 我o岩o岩到咋~~」她說。

「係咪搭270B出去呀？就有車喇~ 我地去排隊先啦~」我說罷，來接我班的師兄就來開車了，他的駕駛技術原來這麼棒，從他傻乎乎的樣子完全看不出來。

車子在下午三時多到了朗豪坊，我們甫下車，就見到一個賣「懷舊糖蔥薄餅」的路邊小攤檔。

「Catherine，不如我請你食丫~」我指著這個小攤檔說。可是她裝著鬼臉說：「要請o既話就請我食d貴野啦~~」佻皮的她又來了，還好我本身已經決定了今天這頓飯是由我請她的......

<< 待續 >>

終於有第 17 集 !

唔知遲 D 個主角同個女仔會發展成點呢 ?

( 期待 add oil )

270B 第十八集

我們來到了預定的餐廳。在這裡，我們吃了比想像中更豐富的燒烤晚餐。

「你都幾識揀地方喎~ 你成日黎呢度ga？」Catherine說。

「唔係~ 我好少黎呢度...... 一年都唔知有冇一次。」我說。

「其實呢度幾好呀~ 氣氛唔錯，拍拖黎呢度都幾o岩~」聽了Catherine這樣說，我心中不禁引起了一個疑問......

還記得第一次在270B遇到Catherine的那天，無意聽到她與一個男孩的談話，那個男孩名叫Andy，而那天Catherine乘搭270B，就是為了去佐敦找Andy。

「咁你以後咪可以同你男朋友黎囉~ 即係o個個Andy呢~」我這樣一說，幾乎弄得Catherine把嘴裡的綠茶都噴出來，然後她哈哈大笑，扭作一團的，看來我又說錯了話......

「哈哈...... 你唔係呀嘛？聽我講一次電話就覺得Andy係我男朋友？哈哈......」自從中學畢業之後，很久沒有看過Catherine這樣捧腹大笑，而從前在中學時，我有時也會做出一些趣怪的舉動、說一些有趣的說話，有意無意的逗Catherine笑，想不到在兩年以後，我再次有這樣的機會。

「Andy係我同學黎架咋！我上次搵佢傾project咋嘛~ 你竟然...... 竟然...... 哈哈.......」Catherine仍是停不了的笑...... 她說Andy不是她的男朋友，我心中竟然有些奇怪的感覺，究竟今天Nicole說的是不是真的呢？

一輪嘻嘻哈哈過後，我們都吃得飽飽的。我在不停的思索究竟如何才可以阻止Catherine付錢。幸好，機會來到我的面前......

「唔該，埋單！Ken，我去一去toilet先，張單黎到叫佢放低先。」Catherine說。

我趁Catherine去了洗手間，便趕快的從錢包裡拿出錢來，希望可以盡快把錢付了，免得待會要與Catherine爭著付錢。

「先生，多謝您六百四十蚊丫~ 收您七百蚊，多謝晒~」侍應很快就來了，整個找贖程序，Catherine全不知情。

「咦？張單咁耐都未黎？」Catherine問。

「我比左錢喇~」我說。

「下？話明我請架嘛~ 你做咩比錢呀？」Catherine想從錢包裡拿錢還給我，我阻止她說：「你真係唔洗請我~ 我同你傾到咁耐好開心，好多謝你，今次就由我請啦~」

Catherine好像有點不願意，卻又無可奈何，只好說：「我下次一定請返你~」

現在已經很晚了，我和Catherine乘火車回到上水，在火車上，我們無所不談，感覺就像回到從前......

睇左第 18 集
令我諗番起 3 年幾之前 ( 當時係小弟既中學階段 )
同一位關係都算唔錯既異性同學
一齊放學 , 一齊搭巴士
仲記得當初我同佢傾既每一句偈
亦記得自己特登遲兩個站同佢一齊落巴士

好可惜既係 , 而家我同佢讀唔同既學校
返唔同既教會
已經無乜可能同佢再次聯絡

S3N232 :睇左第 18 集
令我諗番起 3 年幾之前 ( 當時係小弟既中學階段 )
同一位關係都算唔錯既異性同學
一齊放學 , 一齊搭巴士
仲記得當初我同佢傾既每一句偈
亦記得自己特登遲兩個站同佢一齊落巴士

好可惜既係 , 而家我同佢讀唔同既學校
返唔同既教會
已經無乜可能同佢再次聯絡

我有時都會特登遲兩個站同佢一齊落巴士
我住秦石, 佢住新田圍
放學經常都同佢搭87B返屋企, 我會專登搭埋上新田圍
不過... 已經冇乜可能再發生了

第十九集

昨晚興奮得久久不能入睡，今天早上起床，我變成了樂樂和盈盈的同類......

「你尋晚做賊黎？今日個樣殘到咁o既？」原來是Nicole，她看見我第一趟車也未開，就累得這個樣子，於是前來慰問，「你咁樣渣車得唔得架？」

「我冇野，都不知幾精神~ 獅子都打死幾隻~」我說。

「下？咩呀？乜唔係老虎先o岩咩？d人係講老虎喎~」Nicole竟然去深究這個比喻...... 我呆呆的看著她，然後忍不住笑了，說：「你... 竟... 竟然咁認真同我研究？嘩哈哈哈......」

「妖~ 你笑到咁即係冇野啦！你尋晚去邊黎呀？」Nicole問。

「約左人食飯嘛~」我說。

「呀~ 係喎！食得開心嗎？」Nicole問。

「梗係開心啦~」我說。

「其實你係咪鐘意佢架？」Nicole問得很直接...... 「我覺得如果係就快快趣趣搞掂佢，唔好拖拖拉拉啦，而且我覺得個佢似係一個事業型o既女性，佢心目中愛情會排第幾，同重唔重要真係冇人知，如果你唔盡快搞清楚，一味o係度等，咁樣會o徙你時間咋，我唔忍心睇住你咁樣等落去囉......」

能夠有像Nicole這樣的好友，是我的幸運，她常常說中了我心裡的問題。不過，這次我真的不知道，自己想與Catherine形成怎麼樣的關係，我的心裡是對Catherine有很大的好感，可是有些外在的條件，卻令我混淆不清，究竟我這些是單純的好感還是喜歡她呢？看來，我要弄個清楚明白。

在幾個往返上水與九龍地鐵站的車程中，我不停反覆思索這個問題......

送劣作改圖一張...

gj5069 :

S3N232 :睇左第 18 集
令我諗番起 3 年幾之前 ( 當時係小弟既中學階段 )
同一位關係都算唔錯既異性同學
一齊放學 , 一齊搭巴士
仲記得當初我同佢傾既每一句偈
亦記得自己特登遲兩個站同佢一齊落巴士

好可惜既係 , 而家我同佢讀唔同既學校
返唔同既教會
已經無乜可能同佢再次聯絡

我有時都會特登遲兩個站同佢一齊落巴士
我住秦石, 佢住新田圍
放學經常都同佢搭87B返屋企, 我會專登搭埋上新田圍
不過... 已經冇乜可能再發生了

第十九集

昨晚興奮得久久不能入睡，今天早上起床，我變成了樂樂和盈盈的同類......

「你尋晚做賊黎？今日個樣殘到咁o既？」原來是Nicole，她看見我第一趟車也未開，就累得這個樣子，於是前來慰問，「你咁樣渣車得唔得架？」

「我冇野，都不知幾精神~ 獅子都打死幾隻~」我說。

「下？咩呀？乜唔係老虎先o岩咩？d人係講老虎喎~」Nicole竟然去深究這個比喻...... 我呆呆的看著她，然後忍不住笑了，說：「你... 竟... 竟然咁認真同我研究？嘩哈哈哈......」

「妖~ 你笑到咁即係冇野啦！你尋晚去邊黎呀？」Nicole問。

「約左人食飯嘛~」我說。

「呀~ 係喎！食得開心嗎？」Nicole問。

「梗係開心啦~」我說。

「其實你係咪鐘意佢架？」Nicole問得很直接...... 「我覺得如果係就快快趣趣搞掂佢，唔好拖拖拉拉啦，而且我覺得個佢似係一個事業型o既女性，佢心目中愛情會排第幾，同重唔重要真係冇人知，如果你唔盡快搞清楚，一味o係度等，咁樣會o徙你時間咋，我唔忍心睇住你咁樣等落去囉......」

能夠有像Nicole這樣的好友，是我的幸運，她常常說中了我心裡的問題。不過，這次我真的不知道，自己想與Catherine形成怎麼樣的關係，我的心裡是對Catherine有很大的好感，可是有些外在的條件，卻令我混淆不清，究竟我這些是單純的好感還是喜歡她呢？看來，我要弄個清楚明白。

在幾個往返上水與九龍地鐵站的車程中，我不停反覆思索這個問題......

送劣作改圖一張...

繼續努力,送你一劣相,當支持