HV 7287 番左水廠掛 78K ？

我都支持你！

多謝咁多位既支持, 好高興可以超過第十集!

如何離開妳 之 橫結良緣 - 第十一集

　　每天, 我也是如常在晚上駕駛, 70x 的客量已被 277x 搶得七七八八。當我在尾二那班車看見剛從 APM 駛出一部滿座的 277x 時, 我的車上一位乘客也沒有。車子到了九龍灣, 仍然一個人都沒有。我有點莫名奇妙的感覺, 好像感到有點兒寒酸, 希望在黃大仙有人與我渡過吧! 然而我正想飛「德福花園」站, 一隻長長的手伸了出來, 我高興的停站。本來有乘客登車是正常的, 但她上車後的行為卻令我不知以何是好...
　　「哎呀! 死! 我個八達通去左邊? 」女孩慌張地在銀包中找她的八達通。看起來, 她不能付款。
　　「司機! 請問呢架係咪最後一班車? 」「係呀~ 」
　　「死啦... 唔該你, 可唔可以聽日比返車錢? 我唔見左八達通, 紙幣又張張一百蚊, 硬幣得五蚊, 唔夠錢。請問得唔得? 我聽日實還返錢! 」真的如我所料。畢竟我是個好人, 就替她付款吧!
　　「還掂呢部係尾車, 我幫你比住先啦。但記住還錢喎! 」
　　「真係唔該晒你! 」
　　就是因為這事故, 巴士在德福花園撓攘了十分鐘。我答應替她繳交車費後, 她才如釋重負地舒一口氣, 找個位子坐下。車子不經不覺地前進, 我亦不經不覺地飛了很多巴士站。為何黃大仙一個 70x 的搭客都沒有? 今天是甚麼日子? 幸好在德福上了唯一一個乘客, 那十三元就當是「要有乘客」要求的代價吧!
　　「司機... 」恬靜的車廂裏突然傳出一把聲音, 一把甜美得令人感到可怕的聲音。「我而家有五蚊。不如我入五蚊先, 你再入八蚊啦。到時我就還返八蚊比你。」原來是那「唯一的乘客」。我口快快地回答道:「哦, 好啦~ 」「Okay, 唔該晒。」在駕駛室的我無聊得很, 只是扭「車太」, 踩腳踏, 望倒後鏡, 打燈... 忽然很想與別人談話家常。於是, 一句不應該由我理會的問題衝口而出:「小姐, 咁夜先放工既? 又會搭慢車 70x 咁搞笑~ 」女孩不知怎樣回答, 只是「一舊舊」的說:「哦... 今日要開 ot。不過你地 D 司機先辛苦, 咁夜都仲要渣車, 又少時間休息~ 」真令我百思不得其解, 她竟會與我說話起來!「你平時幾點放 ga, ot 得咁交關既? 」「唉, 真係唔好提啦! 明明六點就放工, 個死人 boss 自己 D 橋衰左又賴我地, 搞到要開 ot 重新度過 D ideas。」「你 design D 咩 ga? 」「衫呀~ 」看來, 我們都尚算投契。
　　「係喎, 你聽日夜晚七點幾有冇車? 」「而家睇唔到, 去到燈位先話你知。」原來車子已差不多到達圍頭村。下公路後停在燈位時, 我就拿出口袋的「派更紙」, 查查明天的開車時間。「我七點二係觀塘開車, 搭半應該到德福。」「咁好啦, 我係圍頭村落。」
　　交通燈變綠了。我把車停在圍頭村站, 讓女孩下車。「拜拜, 聽日見」一聲後, 我就繼續我的路途......

D 愛情成份寫得唔錯，

比得上 270B 喎！

不70X晚上真係咁少人搭？
唔錯呀！
努力呀！
第日主角會同個個女仔一齊？

張一百蚊紙令我諗起八號巴士站站情

輕鐵1070 :張一百蚊紙令我諗起八號巴士站站情

我記得有個女仔塞左張100蚊紙入錢箱，

揸車果個好似係田?妮

可能夜間掛...

昨日見到70X有長長的人籠...車全部爆到上唔到...

係牛頭角下邨一見...

愛情小說的開端還很好呢=], 講真依家香港真係個個都好夜番...

有一次表演到11點鐘先完, 人在荃灣唔知點算...唔知搭咩車, 想搭到沙田再搭85又唔夠時間...最後搭MTR~

P.S:昨日原本想靠運氣睇下搭唔搭到KU8676@15~最後搭左熱狗番黎

KMB60x :

輕鐵1070 :張一百蚊紙令我諗起八號巴士站站情

我記得有個女仔塞左張100蚊紙入錢箱，

揸車果個好似係田?妮

係 我仲記得果部好似係AM

如何離開妳 之 橫結良緣 - 第十二集

　　「心中想你, 如今想你, 懷念昨天~ 的你。懷念著你... 」熟睡之際, 突然傳出陳百強的《心愛著你》。這首歌本是令我著迷的, 但它卻在半夜三更的時候發出來。「喂... 邊位呀... 咁夜打黎玩野呀... 」我用我殘餘的力氣說。「唉, 呀鴻啊! 你估我想咁夜打比你咩, 係派更部 D 人... 」他還沒說完, 我就搶著問:「有話直說... 咩事? 啊~ 啊! 冇啦啦比人嘈聲... 早知熄左手機佢。」「我都唔想煩你。你個 parter 工傷, 今日返唔到早。你幫佢替住先啦。你原本個夜更由個替更代~ 」「... 」「喂? 喂?! 得啦, 五點半見啦! 拜拜, 唔阻你... 」唉! 面對著這個要求, 我可以拒絕嗎? 現在是 03:00,「s***! 」我不禁說了出來, 因為我現在要起行到觀塘了。深夜的粉嶺, 用兩小時到達觀塘是沒可能的事來的! 我應如何是好? 啊! 我靈機一動, 想了個較快捷的方法。那就是先乘搭 N270 及 N271 到九龍, 再乘的士到九龍灣。雖然乘搭的士會花多幾十多元, 但總好過失去幾百元的工資吧!
　　結果, 我在 5:00 準時到達九龍灣車廠取車。在車廠裏, 我很快就找到了 KR3941。不知為何, 她整潔了很多。經追查後, 原來她上了九巴的自家廣告, 所以順道清潔巴士。到了翠屏道總站, 就與一眾巴士司機及站長談天起來。
　　「啦, 等我黎介紹~ 呢個係 11B 既新司機呀豪。新仔黎, 盡量比佢出站先。」
　　「你好。」呀豪說。「你好~ 」11B, 89B 及 70x 的司機很有禮貌地說。
　　「我叫陳澤豪, 入巴士行業冇耐。如果小弟有咩做錯請多多指教! 」豪仔很謙虛地說。「一定! 一定! 」我們笑著說。
　　「好啦, 呀豪你都夠鐘開車。大家返番工作崗位喇! 」
　　我最喜歡這種風氣! 大家互相遷就, 和睦共處.... 這環境是頗耐人尋味的。呀豪也十分健談, 常常主動與我聊天。經這渠道, 我知道原來呀豪是個孤兒, 自小就在孤兒院生活, 他的朋友不算多。亦是因為這件事, 他沒有太多學歷, 所以只好當巴士司機。這令我回想當初, 沒有心機讀書。及後到了中五才發奮圖強, 但後悔已太遲了。會考只有八分, 甚麼學校都不肯收我, 所以才考巴士牌, 到現今當了司機。如果可以再選, 我真的想把我的學位送給呀豪, 讓他不用淪為巴士司機這樣辛苦...
　　駛過十幾班車後, 終於下班了。
　　另一邊廂, 晚上的德福花園站...
　　「唉, 又要開 ot! 咦! 佢部車咁耐未黎既? 琴日同樣時間佢部車黎左 ga 喎... 」
　　「Woo... Woo... 」車子來了。
　　「點解個司機唔係佢既? 」
　　KR 3941 的車長把上車門開了, 問道:「小姐, 你上唔上車 ga? 」
　　「唔該, 我想問下黃家明司機係邊? 」
　　「我唔係咁清楚喎... 我只係做替更~ 咩事? 」
　　「哦, 冇野啦。」接著, 她就上了巴士離開。

個女仔等得咁辛苦...點知...替更

輕鐵1070 :個女仔等得咁辛苦...點知...替更

呢d野佢都唔知，
無辦法，
只可以講有緣無分

好期待下一集
唔知幾耐先有一集

輕鐵1070 :好期待下一集
唔知幾耐先有一集

多謝 7287, 7610 同 1070 既 support!
第十三集會係聽日推出

* 雖然轉左第三 chapter 開始少人睇

第六集?

小弟也期待你的作品...

很可惜要等到四月中了...唉溫書

KV8663 :第六集?

小弟也期待你的作品...

很可惜要等到四月中了...唉溫書

多謝晒 KV 兄...
我黎緊都有報分試...
唔知作到幾多...