以前搭開13:04開0個班車，今日就照推斷，搭12:28班車，小弟26分去到，等到56分都無車(30分鐘，本人候車時段的班次為17-18分鐘一班車，而269M最疏之時段的班次為21分鐘一班車)，忍唔住打去KMB投訴，跟住個職員就幫我打去天中到問，然後覆我，指天水圍市中心巴士總站的站長話今朝油柑頭有事，所以我等車既時段的開車時間為12:20,12:40(即20分鐘一班車)，但小弟由12:26開始等，一直都無離開過巴士站，一架269M都見唔到，真係唔知站長所謂既12:40開左既0個班車去左邊(以平時5分鐘到我樓下個站，送12:20班車車尾就正常，但絕對無可能40分開既班次到我打電話既56分都未埋站)...再加上，與上次我投訴一樣，一收線就有車到，我好懷疑係熱線員打去天水圍市中心巴士總站的站長室，站長先叫司機開車(等車期間兩部269M入天中，但係無269M出葵涌，上車後過多個站見到等三班269M去緊天中)，令本人對天水圍市中心巴士總站的站長感到失望
呢條線等親都脫班，都係轉投港鐵好過，雖然每個月要比多$50，但起碼唔駛等都發火都見唔到車 banghead (個巴士站又曬又焗=.= sosad )
P.S.我13:02先上到車，足足企左兩班車時間
