上次搭左部龍﹐今日又想試下搭部S3V﹐所以揀左搭15:35果班 (check左班次先去)
車埋站﹐唔舉手都唔想停埋來...又好難怪呢條線係九龍區好少人上車...一上車﹐坐係導航位﹐一起步就超大油咁扯住行﹐部車爽!!!
司機叔叔係彌敦道左穿右插﹐逢車過車﹐唔為意仲以為渣緊部私家車添...部車好力係的確好D﹐好多車想插入來佢反而仲要來一個巴士罕有的反抽頭(即係比人入左一半但係兜返去前面截住)!!! 唔會比其他的私家車恰...車惡始終係唔同D﹐唔係好多車可以咁好力頂住D車打尖
上獅子山時全程行35km/h﹐好強...一出隧道後扯極速﹐部車有上鎖所以都係行72-73km/h左右﹐不過都好好feel~
大埔道上中大斜鎖3波行2000轉@55km/h﹐但係入返4波就落返40km/h﹐呢位司機絕對唔會浪費時間﹐有班中學生係巴士停定後都猶豫唔上車﹐佢二話不說就關門開車費事理你﹐阿婆大肚婆上車後未坐定就即刻關門大油開車
過左廣福村站入街市段路都喪飛70km/h入去﹐不過過左街市後就開始慢左﹐到過左粉領先開始快返D~
全程用左85分鐘﹐比我上個禮拜搭S3N快左5分鐘左右...
司機叔叔可能知道我係特登捧場(由頭坐到尾)﹐所以都主動同我傾下計﹐非常好人﹐我諗佢都好enjoy我去睇住佢渣車~
呢個司機手車好﹐要去坐下~
希望今次唔係最後一次搭70號啦﹐唔想佢咁快取消~
p.s. 部車個波箱有D問題﹐有幾次行行下來50-60km/h無端端入返空波﹐轉數即刻彈到2200rpm﹐要等3-5秒先識得入返個波
