佢地兩個真係我有親咩嗜好都唔會鐘意
由細個跟人落街踏單車已經係咁，
每次都唔可以和平收場
咁都算啦，
細個可能係咁唔出奇
之後上中學之後，
其實我都冇點反判，
父母叫去食飯我都陪佢地去，
但佢地好似唔識欣賞咁囉，
每次出到去都要捉d野來罵先得咁
約人出街更加唔使旨意會得
之後係IVE時買了相機，
又識到一d信教的朋友，
本來唸住呢個嗜好唔會有事啦掛，
點知原來仲衰，
佢地兩個完全對信教的人有成見，
我次次去親教會想見下d朋友，
佢地就即刻罵罵聲，
有一次真係插到好勁，
我完全冇得去，
之後都搞到同教會的朋友的關係唔係咁好
買了相機之後有一排去影飛機，
出o左三兩次後佢地又插，
又話車錢多又話哂時間，
我唔知想點囉，
唔同日日係屋企影隔離屋咩？
佢地就係咁愈來愈針對得我勁，
讀完IVE後個暑假去搵FT工啦，
搵到有份工唔算好好，
但IVE阿sir介紹到，
又好有興趣想試下，
大家可能認為到個時我同父母關係好轉，
但唔係，
由六月到八月辭職可以講係我同佢兩關係最差的時期，
佢地成日都話唔想比我做，
但份工都係IVE阿sir介紹，
唔會係非法工啦，
份工係放工永冇準時，
但我都係為自己真真正正搵第一筆錢同經驗，
以前少量PT個d唔計，
我都唔明點解佢地仲係要針實我
我承認我係有儲模型的習慣，
錢係有駛，
我又衰唔係炒家，
比佢兩插死，
佢地晚晚我去返PT大學時就去搜我間房，
睇下有冇多o左野少o左野，
咩都插一餐
我唔知佢地唸咩，
現在放假我都係自己坐係房做自己野就算數，
野都費事講多句，
唔知佢地係咪認為我應該只有飯食有學返就算數，完全唔應該唸其他野
現在我都搵緊野做，
阿sir又介紹o左一間係北角的contractor，
但我心唸佢地又唔會比我做囉.....
我由細到大咩壞事都唔做，
佢地話一家人食飯我一定去，
佢地話係屋企食我一定係屋企食，
我家務都有做，
但唔知點解佢地就永遠唔可以對我開放d....
打完呢篇文好想哭
