香港巴士論壇

社民連擲蕉大罵無能愧對長者
(星島)10月15日 星期三 13:18

行政長官 曾蔭權 宣讀施政報告，期間社民連三名立法會 議會在會上抗議，全部被請離場。其中黃毓民 更在會上，大叫口號，大罵：「曾蔭權無能，愧對長者」，並向主席台擲香蕉。在立法會內，當曾蔭權進入會議廳後，立法會議員梁國雄 在即時走到曾蔭權面前，直斥曾蔭權失職，又批評他不增加生果金、不為最低工資立法等，立法會主席曾鈺成 多次勸喻無效，將梁國雄逐出會議廳，勒令他不能再回來會議廳。其後當曾蔭權將報告宣讀至「生果金」部分時，社民連立法會議員陳偉業 突站立質問曾蔭權，是否拒絕增加長者生果金。之後黃毓民加入抗議，高呼：「曾蔭權愧對長者，曾蔭權無能，即刻磅水！」等口號。曾鈺成屢次要求他們靜止無效，最後唯有請他們離開會議廳，黃毓民被保安員請離期間，向立法會主席台投擲兩隻香蕉。

《施政報告》提出，將來六十五歲或以上長者，申領俗稱「生果金」的「高齡津貼」時，須先經入息或資產審查，令有現時未申領生果金的長者大呼失望，更認為將用來敬老的生果金引入審查制，是對長者的不尊重。

今年三月剛滿六十五歲的陸婆婆沒有申領生果金，因估計未必能通過現時資產審查，有超過十六萬積蓄及居住在灣仔區私人屋宇的陸婆婆指，本來滿心希望等到七十歲可順利領取生果金，若將來引入審查，生果金可能成為泡影。「生果金本來是敬老，引入審查對老人家非常唔尊重，我為香港貢獻了幾十年，捱了幾十年，都最後一丁點受惠都沒有，仲要查我們，我覺得好唔開心，好唔高興。」

陸婆婆現時靠十多萬的積蓄生活，一對子女偶爾會給予生活費，而現時與胞弟同住母親留下來的房屋，每月開支約四千元。她昨日與四十名長者及爭取生果金至一千元的團體一同觀看特首的《施政報告》，當特首宣布生果金將設資產審查時，全場長者高舉「交叉」紙牌示意反對。陸婆婆氣憤地表示「真是一點也不尊重我們。」

浚-118P :雖然我支持毓民的理念, 不過佢打斷發言兼扔野, 真係好過份.

cmbsf1 :對生果金果部份想信好多人都唔會滿意，但擲蕉大罵係唔係對成件事有幫助呢？絕對相信係無。
咁擲蕉大罵又為乜呢？大家都明。

一個議事既地方如今變左做一個劇團表演既地方，香港仲有未來？

今日毓民掟野，睇佢幾時係立法會講粗口

teaelle :

今日毓民掟野，睇佢幾時係立法會講粗口

毓民係大專教授出身﹐中國文學無所不識﹐又唔會無端端爆粗

月入10萬的尊貴議員唔會咁無品﹐最多係搞下對抗

teaelle :

今日毓民掟野，睇佢幾時係立法會講粗口

毓民係大專教授出身﹐中國文學無所不識﹐又唔會無端端爆粗

月入10萬的尊貴議員唔會咁無品﹐最多係搞下對抗

Snoopy@S3BL :

cmbsf1 :對生果金果部份想信好多人都唔會滿意，但擲蕉大罵係唔係對成件事有幫助呢？絕對相信係無。
咁擲蕉大罵又為乜呢？大家都明。

一個議事既地方如今變左做一個劇團表演既地方，香港仲有未來？

好認同
睇完佢地咁做後除左覺得不知所謂外
甚至去到反感
但係我又唔覺得咁做可以訴求
咁究竟做過D咩?