http://hk.news.yahoo.com/article/081205/4/9lf2.html

【明報專訊】電車依然行走，可以證明，交通工具未必愈快愈好。35年來連接佐敦至上水 的九巴 70號線，今天走到最後一天。

婆婆：下周唔知點返屋企

雖然路線恍如「行大運」、雖然每半小時才有一班車、雖然車程長達兩小時、雖然大部分巴士無冷氣，但75歲的丁婆婆依然願意等候個半小時，等它出現。「我而家驚緊下星期二晚去完夜總會跳舞，會唔知點返屋企！」

運輸署 及九巴是以載客量只有約20%，明天起取消此線。35年來，巴士經過獅子山隧道 ，行走大埔 道及大窩西支路，穿過沙田 、大埔、粉嶺 和上水，全程67個站。平日繁忙時間的巴士上，在九龍市區上車的乘客的確不多，丁婆婆是其中一個。

「一個星期有6日，我都坐70號由大埔圍頭村去旺角 。喺旺角住咗幾十年，每日唔出旺角我真係會鬱死！」丁婆婆在窩打老道等了超過半小時70號才出現，超過了班次表所列的22分鐘一班車，但她依然癡癡地等﹕「我試過等一個鐘零九個字都係咁等！」

終於上到車。「我唔坐上層㗎！」丁婆婆說﹕「我唔鍾意坐地鐵 ……老人家隻腳唔好，上落級好辛苦！圍頭村離火車站又遠，坐火車要轉好多次車，又要上上落落！ 我又唔識字，邊認得地鐵啲出口！」丁婆婆的活力遠比腳骨力好﹕「我日日都坐70號，一星期仲有兩日坐5點8個字嘅頭班車。一早去旺角花園街室內運動場做gym，之後搵班舊街坊飲下茶行下街，下午去跳舞，有時去夜總會跳到十一點，坐70號返屋企。我知70號要取消呀，下星期二應承咗夜晚去夜總會跳社交舞，都唔知點返屋企，邊度有車咁夜直接返到屋企門口呀？」

乘客守候巴士站拍照

由佐敦坐到上水可能費時失事，但途中不少乘客在沙田、大埔、粉嶺間上上落落，把這班流水客計算在內，載客量似乎不只兩成。住新田圍邨的Andrew經常跟太太帶着一雙年幼女兒搭70號探訪粉嶺的親戚。「要由新田圍邨坐車去沙田火車站，去到上水再由火車站坐車去聯和墟，拖住3歲半和半歲的女兒轉來轉去，仲慢過坐70號！」遊車河亦成了女兒最喜愛的節目。

巴士停站，忽見鎂光燈閃爍，原來有乘客在巴士站守候，為70號拍照留念。Andrew說以往70號線平均只有1架是冷氣巴，其餘9架都是「熱狗」，但一路遇上的70號全是冷氣巴﹕「有巴士迷懷疑是九巴知道會有巴士迷最後幾日來懷念，故意增加收費較高的冷氣巴班次！」

1973年70號投入服務時，東鐵仍使用柴油列車，每小時才有一班車由尖沙嘴 開往新界東，當年還沒有吐露港 公路，70號曾是九巴的「王牌路線」之一呢！



70號其實已經服務香港40年,
而1973年只係將呢條線換上"70"呢個No.

70號果然係深入民心,亦見證住新界東新市鎮既發展
佢既取消係特別令好多人關心,
自70號取消既消息傳出後,有部分非巴士迷既人士,如果由佐敦,油麻地一帶入新界東都會專登乘70

I want to take 70 today too!! But I want to go to NT west

如果派下d AM行70 咁都唔使咁...

【明報專訊】電車依然行走，可以證明，交通工具未必愈快愈好。

電車行市區
電車只係收 $2
電車多數係短途客，而且車程同搭巴士唔差得遠


又點可以咁樣比較呢？

除左報紙之外,
Cable News 一樣有就 70 報導

Here:
http://cablenews.i-cable.com/webapps/ne ... ?id=289225