多人影係預左, 但多人都可以有秩序同尊重他人, 可惜有巴迷做唔到...

好多人都諗住影70+國金合照又或者車頭大照(包括我), 開閃燈唔在講, 但當每架車埋站時硬有一兩個人企正o係車頭前同架車合照...此舉會影響其他人影車, o係公眾利益黎講佢係冇顧及其他人(我亦係被人阻既一份子), 但使唔使大大聲用粗口鬧人? 佢最多都係阻10秒左右(平均黎計), 架車迫o係度都至少有5~10分鐘先再開, 最多都係影遲少少...點解巴迷間唔可以互相忍讓一下? 佢係阻住人影相, 但點解唔可以稍為忍耐? 我見用粗口鬧人既大多都係年輕巴迷, 而老一輩或較成熟既巴迷見有人阻就自己換位影. o係呢d場合用粗口鬧人只會令人覺得幼稚同心胸狹窄而唔係威或者惡. 點解年輕巴迷唔可以向前輩學習, 要做到所有野都要按自己意願實行? 呢個已經唔係影巴士既問題, 而係為人處世既問題.

跟住一開車又有巴迷跑住追車, 我當時冇追車, 因此唔推測佢地點解要追車. 但有人拎住腳架連機起身就跑, 唔理個腳架會唔會撞到人/物, 有人都唔睇車就跑出馬路...真係為左追車要做到咁?

以上情況係我o係佐匯逗留約45分鐘所見既野, 相信只係巴迷行為問題既九牛一毛. 各位巴士迷, 可以成熟d嗎?

多言了, 如有得罪請見諒

今日見有人衝出馬路影...
心諗： 一張相緊要定條命緊要？

算喇……部分巴士迷已經敗壞到如此地步…

今日坐轉70……狂開閃燈、在非可行情況下在路中心影相、偷乜偷物……見過晒…



長此落去，我冇眼睇喇……，到時可能會大條斯理扑暈個司機然後揸走部巴士 sosad

其實根本係一d好基本既待人接物既野 點解依家既一代會淪落到咁既地步
係咪真係一代不如一代呢
自己都係8、90年代出世既人 有時見到呢d人都覺得羞愧 sosad

GX7063-eric :其實根本係一d好基本既待人接物既野 點解依家既一代會淪落到咁既地步
係咪真係一代不如一代呢
自己都係8、90年代出世既人 有時見到呢d人都覺得羞愧 sosad

呢個係我而家好日都唔出去影相，就算出開街帶埋相機都唔影ge原因...
係70要取消先令我有衝動特登去影...
相信之後我都會繼續潛水 sosad

其實宜家某 D 人係令到巴士司機對我地既巴士迷反感囉 ..

但我地好多人都唔會做果 D 野 ..

閃光燈問題
其實尾車果晚有好多影70既都唔係巴迷
佢地唔知唔開得
呢個我覺得可以理解

巴士狂徒 :

GX7063-eric :其實根本係一d好基本既待人接物既野 點解依家既一代會淪落到咁既地步
係咪真係一代不如一代呢
自己都係8、90年代出世既人 有時見到呢d人都覺得羞愧 sosad

呢個係我而家好日都唔出去影相，就算出開街帶埋相機都唔影ge原因...
係70要取消先令我有衝動特登去影...
相信之後我都會繼續潛水 sosad

如非必要我都唔會表明身份 承認自己係一個巴迷 因為社會上已經有一部份人對巴迷有主觀負面反應

Fu8336. :其實宜家某 D 人係令到巴士司機對我地既巴士迷反感囉 ..

但我地好多人都唔會做果 D 野 ..

雖然一竹"谷"打一船人係唔岩 不過真係一粒老鼠屎可以搞歪成煲粥
一個巴敗既出現 已經可能令到整個巴迷界名譽掃地

我一向都好討厭一大班巴士迷一齊坐車,因為真係會嘈到街市咁
我明白有d人對住自己鍾意既野會份外熱情,但都唔該唔好影響到其他人
而巴士迷俾社會既印象就係"我行我素","用盡千方百計影相"同埋"冇品",甚至可以用"傻仔"去形容

琴日特登起非繁忙時間坐左一單70,諗住唔洗同人迫
車上面都有十幾個巴迷,大多都係起車上面走黎走去,左影右影,拍埋片既都大有人在,
要俾司機喝先肯停,其他乘客都好無奈,大佬呀,唔好當巴士係自己屋企先得架
琴晚既情況我都唔係好敢想像,我知氣氛好好,
但其實粗口橫飛,不停追車影,甚至長鏡人鬧短鏡人阻住地球轉都必定會有

呢d野其實已經變成好普遍既事,耐唔耐都發生,大家仲記唔記得以前佐碼同荃碼要搬時既情況
巴士迷不斷要求車長派膠牌,派乳豬紙,甚至有人強行拆地點鐵牌收藏而俾警察拉

我知鍾意巴士其實唔應該收收埋埋,都算係一種正常興趣
但我從來都唔會對外承認自己係巴士迷,因為我實在怕左呢班迷上腦既人

聞仲 :多人影係預左, 但多人都可以有秩序同尊重他人, 可惜有巴迷做唔到...

好多人都諗住影70+國金合照又或者車頭大照(包括我), 開閃燈唔在講, 但當每架車埋站時硬有一兩個人企正o係車頭前同架車合照...此舉會影響其他人影車, o係公眾利益黎講佢係冇顧及其他人(我亦係被人阻既一份子), 但使唔使大大聲用粗口鬧人? 佢最多都係阻10秒左右(平均黎計), 架車迫o係度都至少有5~10分鐘先再開, 最多都係影遲少少...點解巴迷間唔可以互相忍讓一下? 佢係阻住人影相, 但點解唔可以稍為忍耐? 我見用粗口鬧人既大多都係年輕巴迷, 而老一輩或較成熟既巴迷見有人阻就自己換位影. o係呢d場合用粗口鬧人只會令人覺得幼稚同心胸狹窄而唔係威或者惡. 點解年輕巴迷唔可以向前輩學習, 要做到所有野都要按自己意願實行? 呢個已經唔係影巴士既問題, 而係為人處世既問題.

跟住一開車又有巴迷跑住追車, 我當時冇追車, 因此唔推測佢地點解要追車. 但有人拎住腳架連機起身就跑, 唔理個腳架會唔會撞到人/物, 有人都唔睇車就跑出馬路...真係為左追車要做到咁?

以上情況係我o係佐匯逗留約45分鐘所見既野, 相信只係巴迷行為問題既九牛一毛. 各位巴士迷, 可以成熟d嗎?

多言了, 如有得罪請見諒

企左係站長室附近好耐先影到.....

其實有人阻既話客氣d同人講咪係囉
何必處處你爭我罵?!
我覺得好無意義囉
70Last Day唔通唔鬧交收場唔得?

Fu8336. :其實宜家某 D 人係令到巴士司機對我地既巴士迷反感囉 ..

但我地好多人都唔會做果 D 野 ..

仲有唔只巴士司機
市民都有咁既睇法
有d影相既人唔係巴迷
唔通影巴士係巴迷既專利
普通市民影巴士就唔得?
我走果陣聽到有位市民話:影車大哂咩?!我都係阻你幾秒o者!洗唔洗咁惡啊?
搞到市民對巴士迷有負面影響都係害群之馬造成
希望班害群之馬自重