有關AMS GMB 63車長態度

由 2081．ST ~ * » 2008年12月11日 13:50:33 (p#1532679)

話說我放學搭4系落香港仔買飯，買完飯去聖伯多祿搭63，貪有$1轉乘

等咗兩個幾字左右，終於等到部GM1xx1，撞正幾個月前搭個位「黑面神」嘅車

如我所料，佢又係未轉$3.2分段嘅...

跟住同幾個月前一樣，叫佢轉返啦...

然後一上鴨脷洲橋，事情就咁發生啦，首先佢想爬係黃竹坑私牌上嚟嘅MCxx63，個carlo指住佢，姐係唔服氣嘅態度...

跟住有人係大街口落車，最後係一位老太婆落車，呢個時候，個燈綠都變紅，佢塊面就越嚟越黑...

去到南區小學，西邨巴總對面個陣有人嗌巴士站有落，隔嚟線有部校車，去到西邨彎位個頭，部校巴cut線...跟住就停係巴士站前，但係我搭緊個部小巴想爬頭，放人落，之前嗌巴士站個個人再嗌有落，點知有個阿嬸以為佢想飛站，就話...「有人嗌係度落喎」...

到我想過咗街市轉彎落車，點知佢就用唔服嘅態度答：「呢度冇得落丫，總站落啦...」

佢咁樣講我都廢事惹佢，因為之前都見過佢黑口黑面...跟住入到總站車坑尾咁滯，發脾氣大力開門放我落...車坑圍欄條行人路鬼咁窄，佢停個位有冇得畀我攝出去更亭條大路行...行到去車坑頭，有人要入，咁咪讓佢入囉...

跟住仲要畀個乳臭未乾嘅細路好輕佻咁話：「傻仔傻仔傻仔...」

真係搭小巴一次畀一次受氣...希望各位版友幫我評下理，究竟我打唔打6xx5 2xx5投訴佢好?

由 FU 6538. » 2008年12月11日 19:29:08 (p#1532802)

個細路又真係幾冇家教既