咁我想問你定左數量又如何，一篇高質素的文章淨係因為佢夠字夠圖就叫高質素？

大家有無深思當中原因係咩？


唔好淨貼無意思的圖我贊成，但我絕對反對要為貼圖作出數量上的限制

不但膚淺，對版面無任何幫助。

真係趕住去食飯之後去溫書，草草回下就算

GJFT :咁我想問你定左數量又如何，一篇高質素的文章淨係因為佢夠字夠圖就叫高質素？

大家有無深思當中原因係咩？

個問題真係問得好，依家 MM2 區好明顯係一個整體風氣、甚至係會員質素既問題。或者咁講，如果本身 MM2 區係有好多 Meaningful 既 thread 既話，如果貼幾張相既 thread 只係佔左一個相對較細既比例既話，咁貼 online 相根本唔係問題；又如果篇篇 online 相都可以有好似 KR3941．KG4055 兄果種質素既，我亦都相信個區多少少相大家有傾有講分享下開心下笑下都無妨，討論區從來都唔係個個 post 都係要好 meaningful，但最基本係起碼大部分人都識得有 d 咩係所謂「出得街」，有 d 咩係唔出得街。

好多時個版面氣氛好唔好唔係剩係話 set d 好嚴厲既規定就得，而係靠大家共同既努力去維持。我亦都唔希望下下都撻條規則出黎話你點點犯規，而係好多待人接物應有態度你係應該要識，我撻條版規無啦啦限你字數限你唔准問咩問咩，根本其實個意義唔應該係咁。

講真，要氣氛好，好簡單，係細既要知情趣，大既要包容人。
咁就一團和氣，相安無事，如果唔係壇方真係決定禁就大家都無癮，一個分區入面既問題亦都無必要將佢複雜化。

Martin :如以貼圖為主題,則必須
1.) 張貼不少於3張圖片及
2.) 字數不可少於20字
3.) 不可於一星期內發表多於2 篇 以貼圖為主題之文章!!

以上內容只供參考!!

數字式限制從來唔係根治氣氛問題既方法，20 字 content 既 post 一樣可以好惡頂，三張圖既文章亦然。

既然我的提議不可行,
那版主們又有什麼大計可以預防版友只張貼一幅圖片, 且是無意義之POST?? banghead

Martin :既然我的提議不可行,
那版主們又有什麼大計可以預防版友只張貼一幅圖片, 且是無意義之POST?? banghead

Motorfore :講真，要氣氛好，好簡單，係細既要知情趣，大既要包容人。

人地Highlight 埋都唔唔明

我唔知我有冇理解錯
但係我會覺得
做人係要識做
人地話得你就要收斂

而家我話你班人成日話人講野無意義
我覺得你地仲無意義同更加煩
咁你又識唔識做

EK1557 :人地Highlight 埋都唔唔明

我唔知我有冇理解錯
但係我會覺得
做人係要識做
人地話得你就要收斂

而家我話你班人成日話人講野無意義
我覺得你地仲無意義同更加煩
咁你又識唔識做

唔，其實幾難得有人可以理解到我講乜野

Martin :既然我的提議不可行,
那版主們又有什麼大計可以預防版友只張貼一幅圖片, 且是無意義之POST?? banghead

首先一句好簡單既野，就係壇方唔受你既意見唔代表我地本身已經諗好更加周詳既解決辦法，而只要係當我地發覺個建議唔可行甚至唔 make sense（既話），我地自自然然有權拒絕，原因如上。

或者我唔直接答你，用例子回答你

有日「小馬」係 MM2 區開左個 post 貼左 3 張 MM2 車相，然之後加左段句咁既野

我岩岩渣呢部車上東涌道 ... 唉真係好慢囉 banghead
得果 10 kph .... 唉悶死我啦！！！

（唔計標點符號共 24 個中文字）

我唔知你會唔會覺得呢 24 個字係好有意義，但我想講如果畀我揀，我情願要一張相過既 post 都好過要人夾硬加段咁樣既野落去。

與其搞到咁煩，乜都要人用版規禁，不如自己用心留意下究竟咩 post 係個社區容納唔到，了解下果度既文化，十幾歲既智慧，應該要學識做呢 d 野。

大不了我可以寫過份好似 21 區《使用指南》第 5 章既指引畀 43 區，但最少，唔該大家試下理解下、試下盡自己既力維持返一個好既討論環境。

一個好既討論區唔應該由版務人員做主導，唔應該樣樣野都要人出 warning 先識收。

樓主潛左

佢(馬仔)d文都唔好得去邊

heihei107 :樓主潛左

潛唔潛都唔洗係到講呀 ?

不過真係要睇 D 相有乜意義
post 張 online 相 , 然後講下場內有咩笑料 / 有咩人搞左一 D 爛到爆既 gag , 我覺得 OK

真係得一張唔知做乜 .. 算啦 , 唔貼好過貼

heihei107 :樓主潛左

佢(馬仔)d文都唔好得去邊

人地可能深思緊呢
唔緊要啦
邊個冇做錯過事
無謂『迫得太緊』

除非...
仍然仲係堅持己見
仲係領略唔到改唔到

呢排考緊試
唔係潛水溫書都唔比呀

其實我開呢個Post既目的
可能我講得唔清楚啦
都係希望43版可以有更加多既改善
睇番Motorfore講既野
講既野未嘗唔係無佢既道理
我都係贊成既
與其用版規好強行控制
倒不如讓佢地自己去改
始終 , 人係改變唔到人的.

溫書已經溫到好眼訓，不過都上黎發下牢騷為樓主「平反」下

heihei107 :樓主潛左
佢(馬仔)d文都唔好得去邊

我相信樓主係 43 區「常客」黎講係算表現較好既一群，講野相對而言其實幾理性、中肯客觀，亦都相信係呢度出得聲既，都係想 43 區文章質素有改善。唔怕實話實講，呢個問題我地版務自己都已經頭痛左好耐，43 區個攤子究竟應該點搞。

順便講埋，如果大家真係想個區好好睇睇既，首先唔該某部分人士先學識收下把口，抽水抽乾人真係唔過癮，或者人地新手自己辛辛苦苦起模整車整到已經有板有眼都仲要走去要兜口兜面彈人，大佬人地新手試作，咪畀 d encouragement 人囉，駛唔駛一盆冷水照頭淋？邊個會好受？

無人可以一步登天。

L0K :以前 BF 好似唔俾貼 online 相
係近期放寬

原來唔記得回呢個，其實 BF 一向都畀貼 online 相，只係一路都限住一場 online 只可以開一個 thread。

如果無其他意見既，新《使用指南》最快會於 1 月 30 日前公佈，並計劃於 2 月 1 日生效。