在日常生活中，不論你是在求學/工作，你有否遇到一些

只會在有事時才找你，但無事時又不理會你，當你透明的人~


「有事相求走過來，閒來無事請行開。

遇到困難找你問，玩樂食飯無你份。

平生不好這種人，奈何文靜難合群。

形單隻影欲親近，面帶笑容做好人。

獨孤一人無處伸，打上論壇覓知音。」

以上詩句是本人有感而發而自創，歡迎給予意見~

我都會咁

不過又唔會話食飯無人陪嘅…

我諗如果有人問你嘢只係顯得你識嘢姐…

我呢啲睇化哂了

你未做返佢的方法囉…(即係你未問佢嘢,但係又唔同佢傾咁…)

食野飲野扮窮鬼，唔俾錢佢變黑面。

上堂煩人比sir鬧，call人陪佢無人睬。

平生麻煩似女人，奈何態度難合群。

形單隻影欲煩人，面帶笑容扮好人。

放學一人無處伸，打個電話狂煩人。

用我fd即改首詩黎形容我學校一個人...
呢個仲衰過樓主講果個
接受現實啦....

無事不登三寶殿

我暫時冇啲咁既同學 banghead

vincent :在日常生活中，不論你是在求學/工作，你有否遇到一些
只會在有事時才找你，但無事時又不理會你，當你透明的人~
「有事相求走過來，閒來無事請行開。
遇到困難找你問，玩樂食飯無你份。
平生不好這種人，奈何文靜難合群。
形單隻影欲親近，面帶笑容做好人。
獨孤一人無處伸，打上論壇覓知音。」
以上詩句是本人有感而發而自創，歡迎給予意見~

唔洗遇 ..
我就係你詩入面個種人 banghead

頭一句我自己有時都會係，因為好多時候我都唔得閒，有人得閒無事走黎 Hi 一聲都幾煩…

不過得閒既時候想搵人傾計就無人得閒，都唔知點解

至於第二句就都唔知係咪叫岩岩相反，無論吃渴玩樂定係窮人遊街都一樣會一齊出黎

第 一 句 的 人 有 ， 皆 為 同 班 同 學 。

識 的 人 有 好 多 ， 但 經 常 交 往 的 同 學 就 寥 寥 可 數 ， 找 人 談 天 不 會 太 難 ，

上 至 預 科 ， 下 至 初 中 都 多 的 是 。

因 為 本 身 健 談 ， 我 本 身 比 較 熟 的 同 學 同 樣 是 健 談 ，

但 談 到 一 齊 去 街 就 真 是 少 之 又 少 ， 因 為 實 在 交 心 的 不 太 多 ，

跟 其 他 識 的 人 都 只 局 限 於 吹 水 的 層 面 。

係都能係只怪自己社交能力有問題 sosad sosad sosad banghead banghead

vincent :「有事相求走過來，閒來無事請行開。
遇到困難找你問，玩樂食飯無你份。
平生不好這種人，奈何文靜難合群。
形單隻影欲親近，面帶笑容做好人。
獨孤一人無處伸，打上論壇覓知音。」

我就係一個咁既人 banghead
不過我樂得清閒自淨,唔洗煩住我小息睇課外書
而且,我無興趣用班人玩

有時,我地係特別室上堂,某D人叫我借筆比佢,我通常都唔會理佢,我心想"係課室帶筆上黎都咁辛苦?"

另外,我同班上樣貌較好/身材較出眾既女仔傾計,我自己都會有戒心,避免自己忍受不住,做出什麼行為
而且,我唔想做花心蘿蔔頭