話說, 我最近同一位朋友既關係好... 迷離? 唔識形容...
有時可以叫做好好傾, 有時又好似唔識對方; 有時又笑笑口, 有時又嘈交; 間歇性的冰河時期...
每次係MSN搵佢就好似同個好熟既陌生人傾計咁, 每次都唔知果次傾計有咩結果...
返到學校雖然同一班仲要同一行, 但都可以o係學校係零接觸(交談)...
我係班上打關係都叫做打得OK, 佢果個圈子既人基本上得佢唔肯咁近我...
但其餘既都可以玩到好埋, 甚至好似做左"姊妹"咁 banghead
我唔知點解呢段"友誼"會搞成咁, 試過好多方法;
逃避? 唔夠三日都已經搵返佢啦 sosad 面對? 但又唔想次次都傾到好地地又嘈左冇野傾...
次次都由開心傾到唔開心既 sosad 放棄? 又唔想喎... 繼續? 但又唔知點面對呢段友誼喎...
嘗試用唔同方法; 甚至問佢佢想我點用先得, 太埋又亂諗; 太疏又覺得唔值, 唔止咁...
呢段友誼俾我既感覺應該係可以再埋D, 但E家就好似只係D見到面吹兩句果D"朋友"囉...
我識過既"朋友"完全唔係咁囉...
一係就成日嗌交一係就成日都好好傾; 但同佢係每次傾計都唔同果下難頂囉-口- 寧願成日嗌交...
唔知有冇人可以教我點做呢... (講到呢到, 都唔難估佢係女仔掛...
)
