e編文章我睇得好少..............

不過我只係想講..........

迷咩都好.........唔好迷上腦...........

見過有d人迷到......坐巴士以為自己揸巴士...........揸相機以為自己揸大炮........

影相影到自己變左海軍陸戰隊咁搶位........叫人借位就個個變哂黑社會.........

有d玩到以為部巴士係佢私人擁有既添........玩牌就玩牌.......開燈就開燈.....................

完全無哂應該有既禮貌..........

唯一見過最有禮貌既都係消防車同救護車迷...........至少未見過有以上情況.......

興趣還興趣.........不過唔好阻住人地做野...........

所謂面係人地比......架係自己丟...........<<<<我諗無人睇唔明掛????????






講開又講埋落去.............

硬係覺得有一種好奇怪既現象...........

鍾意跑車就正常.............鍾意...巴士....鐵路....運輸.....工程....救急車輛就變左怪人

唔知有無人發現e個情況呢????????????

AVW2=LF5502 :鍾意跑車就正常

唔一定係跑車既,鍾意名車都算正常(泛指平治,瑪莎拉蒂呢d)

仲有,古董車迷都唔會比人話唔正常

dennis_l_bus :我所謂既朋友都知道我係巴士迷,亦都知我有影相,無咩咁大驚小怪
影相個時遇到老師(班主任...),同學都係咁啦 :roll:

另一個角度講,我同朋友出街多數佢都係巴士迷,本身我地手上都揸住相機... :lol:

就算知都唔一定要去影架囉
同埋我覺得你個社交圈子係極窄

金家潘 :如果你O個個 D 所謂o既朋友見到你見到特見走去影就對你保持距離 or 背後對你指指點點我諗呢d 唔會係你朋友.

好坦白講 , 而家呢個圈子真係係人聽到都驚
連我識得既相熟司機都係咁話 (我同佢地一得閒既話都會去行山 / 跑步 / 出去大埠逛街咁)

dennis_l_bus :無錯,朋友會尊重你既興趣(太過奇怪既興趣唔計)
我歷年來既班主任都知我鐘意巴士,我覺得無咩問題,只要唔好比興趣>學業/興趣太過奇怪,老師通常都唔會干涉
我都會寫我影相既經歷係交比班主任(中文老師)既周記上,老師都會比D評語
老實講,平常年輕人做既野我好少做,甚至唔會做,又或者未做過(我好少去shopping,就算係都係去80M/賣Mirai精品既店舖)
唱K我更加未試過,因為我知道自己把聲唔好

你年紀細就仲話有老師聽下你講姐
到你大左之後就完全係兩回事

*興趣就有大把既 , 你絕對應該係呢段時間入面去好好發掘
小弟係對上呢幾年都係不斷搵緊唔同既興趣
結果就係有唱歌 , 影相 (非巴士相 , 主要係風景相 / 人像相 , 後者就極少 , 通常係要係 d 活動幫手影相果陣先影)

dennis_l_bus :如果你影到一D你好想影既特見,你個排會好開心
我舊年8月影到+搭到KZ4755@273A,個排真係幾開心,追車都特別快D(當然唔係係馬路上追啦)
當然,後尾影到LS996@273A就仲開心啦
有時,上堂比較悶個時,我就會計下仲有幾多日可以出黎影相
計好自己影既目標(但成日都轉目標... ),我心想"仲有XX日就可以影到啦"
咁我就突然間覺得唔悶,有心機上堂啦(真係好似"謎"講既<<著魔>>咁樣)

* 正如我上堂覺得眼訓既,我會攞銀包出黎,睇下Mirai張相,特別醒神

只要有個目標既話,相信你既人生唔會沉悶得去邊

有目標都唔係咁樣做法呀化
成鬼日上堂就諗住呢 d 野 , 真係要送句係曾國藩講既 "坐這山 , 望那山 , 一事無成" 比你

*你長期都係咁既話 , 準備入去睇精神科架喇

～倖田來未～ :
由上面果篇同呢篇文黎睇, 足夠證明你玩巴士玩到上左腦
天慈燒車果d, 未影過又點, 使唔使全香港每一架車都要影一張咁?
仲有講真, 特見呢樣野又係咪咁值得追?
一架車禁唔同數字出黎, 佢咪又係同一架車, 架車會有唔同咩?
我真係唔明點解咁大架車一個咁細既數字仔都咁值得d人追lo

另外, 如果你人生入面得巴士呢個目標, 咁我都想信你人生會好悶
放眼世界, 有大把野你都會發覺你未玩過, 未見過, 未試過
有目標唔係唔好, 但係將個目標set 係巴士呢d 冇建設性既野到就真係好極有限

都係啦 , 同揀女朋友差唔多 , 唔好因為一棵樹而放棄成個森林囉

同埋長年都 keep 住咁既話 , 做定成世寡佬都得架喇

S3N232 :就算知都唔一定要去影架囉
同埋我覺得你個社交圈子係極窄

我係學校既社交圈子的確窄得驚人,但係校外就唔一定既(都有一班平時都有一齊做義工既朋友)

S3N232 :*興趣就有大把既 , 你絕對應該係呢段時間入面去好好發掘
小弟係對上呢幾年都係不斷搵緊唔同既興趣
結果就係有唱歌 , 影相 (非巴士相 , 主要係風景相 / 人像相 , 後者就極少 , 通常係要係 d 活動幫手影相果陣先影)

小弟歌喉麻麻,唱得普普通通,影風景相我都有既->尖碼會比較多些少
我本身既興趣除左巴士之外,仲有做義工;係學校參與環保工作/活動;閱讀;打羽毛球->本人技術唔差,但奈何知心波友少

S3N232 :有目標都唔係咁樣做法呀化
成鬼日上堂就諗住呢 d 野 , 真係要送句係曾國藩講既 "坐這山 , 望那山 , 一事無成" 比你
*你長期都係咁既話 , 準備入去睇精神科架喇
都係啦 , 同揀女朋友差唔多 , 唔好因為一棵樹而放棄成個森林囉
同埋長年都 keep 住咁既話 , 做定成世寡佬都得架喇

我平時上堂間唔中都會覺得累(都唔知點解),我真係要些少精神食糧先可以撐到落堂
我累到訓著就真係一事無成啦... sosad
揀女朋友方面,我已經選定左目標,當然自己會為左自己既幸福而努力啦
再講返句,我揀女朋友係有要求既,我唔需要飢不擇食(就算我無女朋友都好)
我的確可以為左一棵樹(心上人)而放棄其他樹林(其他女仔);就算最後尾我唔成功追到佢,我都唔會後悔

S3N232 :文長恕刪

我諗該位人兄唔認為自已係 "太沈迷" 於某一兩樣野入面.....


"人靠衣裝, 佛靠金裝" 呢個point其實佔好大比重......

anyways..

金家潘 :我諗該位人兄唔認為自已係 "太沈迷" 於某一兩樣野入面

如果真係太沈迷"於某一兩樣野上面,相信我既學業已經荒廢左,而師長就會發現呢個問題
但我而家兩邊都兼顧得到(可能有人認為我偏向某一兩樣野入面多過學業)

dennis_l_bus :我係學校既社交圈子的確窄得驚人,但係校外就唔一定既(都有一班平時都有一齊做義工既朋友)

小弟歌喉麻麻,唱得普普通通,影風景相我都有既->尖碼會比較多些少
我本身既興趣除左巴士之外,仲有做義工;係學校參與環保工作/活動;閱讀;打羽毛球->本人技術唔差,但奈何知心波友少

我平時上堂間唔中都會覺得累(都唔知點解),我真係要些少精神食糧先可以撐到落堂
我累到訓著就真係一事無成啦... sosad
揀女朋友方面,我已經選定左目標,當然自己會為左自己既幸福而努力啦
再講返句,我揀女朋友係有要求既,我唔需要飢不擇食(就算我無女朋友都好)
我的確可以為左一棵樹(心上人)而放棄其他樹林(其他女仔);就算最後尾我唔成功追到佢,我都唔會後悔

第一 , 你承認你自己既問題就絕對應該對症下藥
唔係坐以待斃

第二 , 唱歌把聲係絕對可以用時間去練番黎
同埋你肯去識多 d 朋友既話 , 絕對可以係用 d 得閒時間約朋友出黎 book 場打羽毛球

第三 , 我上堂都一樣係會攰 , 我朝早上 8 點半既堂 , 朝早 6 點幾已經要起身
我有時都會攰到訓左
同埋後尾果 3 段野 , 你講唔講都無乜幫助
你絕對應該對付左最根本既問題先

S3N232 :第一 , 你承認你自己既問題就絕對應該對症下藥
唔係坐以待斃

第二 , 唱歌把聲係絕對可以用時間去練番黎
同埋你肯去識多 d 朋友既話 , 絕對可以係用 d 得閒時間約朋友出黎 book 場打羽毛球

首先,我係學校少朋友係因為我同佢地既主流思想唔同(我不嬲都係一個異類)
佢地做既野,好多我都唔會做/接受唔到
再加上,而家既年輕人無責任感,錯左就賴人,又自私,無禮貌(全靠中一/二個20個班主任教左一堆垃圾出黎)
而家唔係佢地唔同我做朋友,而係我唔同佢地做朋友
如果我同佢地做朋友,我遲早會變成佢地咁樣 banghead

另外,我既聲線係偏低,老牛聲,我自己都唔係幾接受到自己把聲(都係細個把聲好)
同埋,我打羽毛球係比較鐘意跟返規則打(睇界,指定既開波方法)
但佢地用上手開波,個波打到遠一遠都話無出界
個波打到低一低,接都接唔到,就話自己勝利
我學佢地咁打(擺到明要佢自己辛苦返),佢反而話我犯規
同佢地打,真係無乜癮
同埋,同人地打,好快佢地就話要休息(唔係讚自己打得好)
因為我本身係打消耗戰;所以有次比賽,有個選手突然間跌低左就係因為要左走右走接波)
我而家都少打左羽毛球,打機算數

FT7052 :今日係課室入面, 老師係全班面前話我係巴士迷

引起左全班恥笑.

有人仲話:「嘩.. 你變態ga?」




究竟鐘意巴士有乜野問題?
我真係百思不得其解

我諗你都未見過交通督導員，藍灣半島呢D益人
巴士迷個名，一早臭晒啦

我之前都比D同學笑過 sosad 但係唔多 今個學年都有 但之後就無事 大家一樣玩得 有計傾

namsanwai :

FT7052 :今日係課室入面, 老師係全班面前話我係巴士迷

引起左全班恥笑.

有人仲話:「嘩.. 你變態ga?」




究竟鐘意巴士有乜野問題?
我真係百思不得其解

我諗你都未見過交通督導員，藍灣半島呢D益人
巴士迷個名，一早臭晒啦

臭晒都係多得D死巴膠!