去到奧海城時都未夠10點半，原來已經開始o左，我估佢其實8點幾已經開始，我排了成個鐘先入到去，做完職業導向測試之後交表，原來佢有分區收表，我去到元朗區的counter時已經攞唔到票，要後補，之後見到幾個中學時的同學，佢地前日中午前交表，但昨日下午先有得in
令我最O咀的係昨日下午一點過後仍有大量人排隊，真係唔知佢地仲有幾多機會
不過今次招聘會後令我對前景更無信心，香港失去工業，職位種類大量減少，現在的工種不是sales、文員就是主任，從前男人可以只挑選最適合男人做的工業，例如工廠、造船，現在男人要和女人一齊去爭以前只有其中一個性別做的職業，競爭過大，導致失業大軍急升。同一種職業當過多人競爭時，老闆就希望用學歷較高的人(當老闆都係高學歷時)，導致就算有工作能力的人都可能因為學歷而失業。
更嚴重的問題係公司的老闆只看重經濟前景，當經濟前景不好時，人工自然會下調，現在$5,000月薪的文員工多的是，甚至只有$35時薪的文員工都有。$5,000一個月如果冇屋企人養的話，又獨個兒申請唔到公屋的話，睇怕連基本生活都難。但香港只能夠高消費去維持經濟，這樣的工作真的難以再作高消費，為什麼那些老闆不能在省錢和經濟前景之間平衡一下？
當人工每況愈下，大學生唯有屈就，昨日在招聘會聽到有些大學生連$6000-$7000的工都要屈就，認真可憐！其實呢個人工遲早係大陸都搵到，甚至大陸將快超越香港，點解佢地仲要留係香港？但亦有一個問題，就係香港沒有了他們又係唔得，因為香港係冇工業後就變成了較高科技產業的城市，但當大陸都能力做呢樣o野的時候，佢地仍會選擇留係香港嗎？
老父說再過多十年後當他們退休，就業市場就會好返，但十年後香港會被糟蹋得怎樣呢？哈，我都唔敢想像
*修正了"今日"和"昨日"時間的問題，因為我在blog打時未過12點，sorry
