(麻帆良市時報記者 / 榊野町時報記者桂言葉報導)
利蘭勝利二型巴士 (Leyland Guy Victory MK2) 曾經叱咤香港巴士界達二十年有多,
o係九巴車隊入面更曾經係九巴o既主力車款,
最高峰時期九巴有多達 540 架同款巴士服役, 車隊編號由 G5- G544,
因為當中英文名 Guy 同雞諧音, 而被冠以雞車o既稱號,
其中一架與別不同, 車牌 CM3879 o既勝利二型,
車廂以客車規格示人, 並附有空調系統同高背座椅同 2+2 座椅編排,
為全球唯一一架客車版本o既勝利二型,
九巴於 1981 年為佢配上特別o既客車色彩,
行走當時來往美孚至尖沙咀o既 206 豪華巴士線,
可惜巴士上o既空調系統並唔可靠, 加上載客量比一般勝利二型低,
唔合乎營運效益, 九巴於是o係 1983 年將巴士上o既空調系統拆除,
改回普通巴士規格, 再被編為 G544, 成為九巴車隊中最後一架勝利二型車隊o既成員,
一直到 1998 年功成身退, 雖然客車版勝利二型未嘗成功o既滋味,
但係亦為九巴帶來經驗, 以至後來空調版都城嘉慕 MCW (Metro-Cammell Weymann) Metrobus 11m o既登陸,
再後來o既 Leyland Olympian 11m 同 Dennis Dragon 11m 空調巴士試驗成功,
為後來雙層空調巴士o既機械規格奠下基礎, 亦為今日九巴o既車隊空調化鋪路
今日, 麻帆良市亦迎接勝利二型客車o既到來,
本來先前已經有解凍雞出左, 咁點解 Super Bus 又唔入埋佢呢?
原來 Super Bus 對於巴士都有一定o既執著, 佢話 G544 原本係空調巴士,
拆左冷氣即係變左同普通巴士冇分別, 冇左佢o既特別意義,
而且 CM3879 全世界只有一架, 只可以有一架客車版, 一係一架 G544,
就係冇可能有兩架 CM3879! 其實原來 Super Bus 入呢架車果陣都有一個忐忑,
就係車尾唔係佢睇開o既雞車樣子, 感覺有D怪, 不過車身色o既吸引力,
最後亦令 Super Bus 受唔住誘惑, 依家眼見新車到步, 更令佢愛不惜手添,
我地就一齊睇下到底呢架勝利二型有乜野咁令人醉倒o既吸引力啦~
證書編號 1600, 全球限量 2000 架
正式落地! 長門歡迎你~
九巴 206 號同空調版勝利二型一樣, 已經成為歷史
同普通版勝利二型來個對比
留意空調版尾部下層三隻窗下部係升起左,
因為下層車尾地台下面就係空調系統位置所左, 要佔用車尾底盤空間,
下層車尾亦升高一級, 車窗亦要o係設計上作出遷就
車尾窗亦要升高, 連帶牌箱, 上層車尾太平門亦要升高遷就
九巴勝利二型車隊合照, 空調版o既車身色, 比其他三隻九巴色特別,
亦突顯出佢o既與別不同, 雖然未見過真車, 不過亦比佢o既車身色所吸引~
九巴三大空調試驗車合照
值得一提, 巴士來港前曾經參加過 1980 年英國o既倫敦香港節, 唔知呢隻色又會唔會出呢~?
小劇場~~ XDD
市長今日又有新車到, 初音巡例又o黎做驗車官
(初音) 少有啵, 平時市長入親都係 E500, 今次竟然入番架唔同款既~
唔......係就係舊款D, 不過個樣又 OK o既~~~
初音正想準備 Tune 車之際, 見到巴士旁邊擺左一D野...
(初音) 咦, 有個藍色包包啵...
初音走埋去細睇, 原來仲有一把鋸...
初音好奇拎起把鋸睇睇...
(初音) 唔...把鋸似乎幾好用咁啵~~~~~~唔唔~~~~~~就用呢架車做試刀啦~~~~~~
初音正想出手, 好彩 Super Bus 見到及時阻止!
(Super Bus) 喂!! 妳個死丫頭拎住把鋸想對我架新車點呀?! 即刻放低把鋸呀!!!
Super Bus 二話不說, 即時送上初音一拳!
(初音倒地呻吟)嗚嗚~~~~~~嗚嗚~~~~~~
(Super Bus) 你同我D巴士 Tune 車由自可, 同我 "湯" 車就絕對唔得!!
No matter you like it or not, thanks for reading~
