月薪$3200請人　勞處做無良僱主幫兇

【本報訊】勞工處成為無良僱主幫兇，協助僱主聘請廉價勞工。有公司最近透過該處網頁招聘辦公室助理，負責包裝、清潔雜務、外勤每日工作八小時，但月薪只得 3,200元，較外籍傭工薪金低 11%。

網頁刊職位空缺
工會形容人工低得離譜，猶如回到 20至 30年前的香港，勞工處刊登這類空缺更有失職之嫌。
超低薪空缺本周五於勞工處互動就業服務網頁刊登，提供空缺的公司位於九龍灣，從事進出口貿易生意。這個辦公室助理職責包括樣辦包裝、公司清潔雜務及一般外勤工作。該職位並無任何學歷要求，但須懂閱讀中文，每日工作時間朝 9晚 5（包括 1小時用膳），每周工作 5天，月薪只得 3,200元，按實際工時計，時薪不足 20元。
本報瀏覽勞工處網頁，發現現時辦公室助理空缺月薪平均在 5,000元或以上，根據統計處最新的《工資及薪金總額按季統計報告》，現時辦公室助理的市場平均工資為月薪 7,855元，上述超低薪職位較市場工資減少了 60%。

薪金低過 20年前
成衣、文職及零售業職工總會總幹事張麗霞，批評勞工處此舉等同縱容僱主剝削員工，「簡直係幫兇。」她說，雖然有關職位入職要求不高，但按工作性質及時間，月薪只得 3,200元根本不合理，直斥勞工處把關不力。「勞工處見到咁低薪嘅工，一係拒絕刊登，一係叫僱主畀高啲人工，如果冇咁做就係失職。」
她說， 20年前的香港，辦公室助理月薪最低也有 4,000元。工會過去收過不少員工投訴，指勞工處網頁刊登的空缺人工不合理，部份則貨不對辦。「明明份工寫住月薪 6,000蚊，但有工友上去見工，僱主就話每月要額外做多兩個鐘先有呢個價，分明呃人。」她促請勞工處加強監察網上職位空缺，以防僱主渾水摸魚。勞工處過去多次被揭發刊登超低薪空缺，包括日薪 160元請註冊中醫及時薪 18.9元請教材撰寫員。

http://hk.apple.nextmedia.com/template/ ... d=13470293

--------------------------

$3200一個月仲要朝9晚5，一星期五日，仲要係香港，香港幾時突然落後到咁？

依家d老細最興請[超人]架啦
人工低到冇人有,工時長到冇人有
話就話中三學歷,又要中英文了得
又要識d咩咩咩....你做埋個份啦

還要是你有病，老闆都不給你請假；病重了就解僱你，不發任何遣散費。
在一些老闆眼中，僱員只是公司一顆廉價零件而已，磨蝕了就扔掉換新的。

UCR683 :還要是你有病，老闆都不給你請假；病重了就解僱你，不發任何遣散費。
在一些老闆眼中，僱員只是公司一顆廉價零件而已，磨蝕了就扔掉換新的。

唔比請病假呢樣我都覺得有d離譜，我以前係酒店做FYP都試過，有次起身個時已經有d發燒，而且已經病o左好多日，直接請病假第二日都要比人事部罵 banghead ，當然有d人亂請病假係唔o岩，但好多人真係會捱到病 banghead

勞工處亦係廢柴中的廢柴，之前有份工有問題上到佢到求助，d職員只係識講：「你同老闆協議o左係點就係點囉！」，即係有勞工處係度同冇勞工處咁本冇分別，都係老闆惡哂

ATR175 :依家d老細最興請[超人]架啦
人工低到冇人有,工時長到冇人有
話就話中三學歷,又要中英文了得
又要識d咩咩咩....你做埋個份啦

班老闆覺得最好就請班有父母養一世的年青人同大學生，咁就可以壓到人工有咁低得咁低 sosad

政府工的工作可以拉長黎做，但要考入公務員的難度都好高