香港巴士論壇

劉曉波因「煽動顛覆國家政權罪」判處劉有期徒刑11年，剝奪政治權利2年，很多香港人要求中共釋放劉曉波。
我覺得佢係正敗類，因為呼籲為六四平反和要求中國當局進行民主憲政改革不是愛國的人，我們現在的生活幾好，呢條契弟就響度呱呱嘈。
點解香港人可以連是非黑白都分唔清？民主未必是一件好事，就舉一個例子：台灣總統陳水扁貪污事件，他也是民主制選出來的。
我將呢件事同同學分享，他們都不支持我這說法，有些人還叫我回家計數（早抖），故此希望大家可以討論，聽唔同人有咩意見。

一個總統貪唔貪污, 同係唔係民選出黎係兩回事, 如果民選出黎選左一個被公認為好0既, 咁又點計?? 民選出黎0既真正意義, 係在乎一個領導人0既認受性, 選出黎之後發覺佢做衰野, 好簡單, 用返民主方法去換過個, 遊戲規則就係咁.

當然, 有冇得普選我覺得都仲係其次, 最重要, 係一個國家點樣去對待向佢提出意見0既人. 就算「呢條契弟」點「呱呱嘈」, 相信作為一個令市民尊重0既政權, 最多都係聽完算數, 而唔係將一的講唔0岩聽0既說話0既人作出嚴刑. 究竟一個政權對一d「言論」咁大反應, 係咪代表佢不堪一擊, 連一d不同意見說話都驚到咁呢? 連講左一的唔0岩聽0既說話就當佢好似恐怖份子咁嚴懲, 合理嗎?

有好多學生都對學校校規不滿, 諸多批評, 咁作為校長, 係咪又要立即踢佢出校呢??? 拿, 批評咋, 唔係獨犯呀...
提出批評就等於不愛國, 我不太認同, 如果一個人真真正正不愛國, 晨早對呢個地方死心, 仲講咁多黎做乜...

本文章評分: +4

 

評分:

會員	時間	評分	評語
HN7687	2009年12月29日 19:35:27	+1
KZ4977	2009年12月29日 22:25:15	+1
HV9990@211	2009年12月30日 02:20:51	+1
Penny	2009年12月30日 18:37:43	+1

HX273 :劉曉波因「煽動顛覆國家政權罪」判處劉有期徒刑11年，剝奪政治權利2年，很多香港人要求中共釋放劉曉波。
我覺得佢係正敗類，因為呼籲為六四平反和要求中國當局進行民主憲政改革不是愛國的人，我們現在的生活幾好，呢條契弟就響度呱呱嘈。
點解香港人可以連是非黑白都分唔清？民主未必是一件好事，就舉一個例子：台灣總統陳水扁貪污事件，他也是民主制選出來的。
我將呢件事同同學分享，他們都不支持我這說法，有些人還叫我回家計數（早抖），故此希望大家可以討論，聽唔同人有咩意見。

點解要形容人地係契弟 ?

aweiavana :點解要形容人地係契弟 ?

宣揚極端政治，嚴重影響國家安定與繁榮。

HX273 :

aweiavana :點解要形容人地係契弟 ?

宣揚極端政治，嚴重影響國家安定與繁榮。

嘩...佢咁犀利, up一句野就可以? 咁不如叫劉我講句我會中六合彩頭獎...

aweiavana :點解要形容人地係契弟 ?

唔緊要, 呢度有言論自由, 唔會因為佢一句「契弟」對人作出批評而被判監11年的

瘋波裡的大班 :嘩...佢咁犀利, up一句野就可以? 咁不如叫劉我講句我會中六合彩頭獎...

唔剩只噏一句咁簡單，佢叫埋其他人去反中國，簽《零八憲章》。
國家政府都係忍咗佢咁耐先判佢坐監！

HX273 :唔剩只噏一句咁簡單，佢叫埋其他人去反中國，簽《零八憲章》。
國家政府都係忍咗佢咁耐先判佢坐監！

好啦, 依家簽左, 中國有冇動亂? 佢有冇用「實際行動」, 例如衝擊政府場所, 上街搞暴動呢? 如果佢有呢D「危害人民安全」既「行動」, 咁黎拉佢, 我都覺得仲有得講喎

其實我都覺得依家生活幾好, 曾蔭權無端端又搞乜野政改呢? 民建聯又搞乜野聯盟叫埋其他人去支持呢? 好地地搞乜野政改邁向普選? 民主好嗎? XDXDXD

瘋波裡的大班 :其實我都覺得依家生活幾好, 曾蔭權無端端又搞乜野政改呢? 民建聯又搞乜野聯盟叫埋其他人去支持呢? 好地地搞乜野政改邁向普選? 民主好嗎? XDXDXD

我覺得普選其實係一件極之無謂嘅事，特首梗係由國家選出，如果唔係嘅話香港市民會作反。其實，立法會有一半議席是市民票選已經好夠，仲嫌三嫌四。劉曉波佢想搞騷動，中國政府都係防止佢亂嚟先的佢走。比如話你有意圖行劫，俾警察發現，唔通佢地唔拉你？


p.s:我差不多二十歲，但是沒有登記做選民，因不想涉及政治，只要國家能夠俾我安定嘅生活就夠，我勁唔喜歡啲九十後嘅人成日係度話平反六四，佢哋都冇親眼睇到呢件事。

冇親眼睇到件事就唔可以評論?
咁香港以至中國大部份人都唔應該再叫日本就侵華暴行賠償同道歉啦, 對嗎?

仲有, 部份民選政府固然係有貪污問題
但係好似中共呢個獨裁政權, 貪污問題肯定比大部分民選政府嚴重
樓主以陳水扁案論據否定民主, 觀點頗為狹隘... 你都係返屋企計數罷啦~

將民主同打劫相提並論, 恐怖也... sosad

中國大陸呢十年係發展得好勁，冇錯深圳十年前通街都係爛樓爛地，依家多o左好多有牌子的舖頭，但共產黨好多o野都仲係好冇人性，今次劉曉波事件我最初都係中立，但知道判決後我覺得共產黨仍然同以前一樣咁冇人性，08憲章係未100%對大陸好我唔敢講，但一篇文字就判十一年的話，咁以後有大反應的人咪坐一世都唔夠？

*大陸仲有好多人比共產黨或者其他人欺壓但得唔到解決，因為共產黨理得佢地死，共產黨最緊要有污水錢濕腳

**校長係未被共產黨買起o左？

睇完樓主篇野, 本質上係尊重(啦...係尊重, 唔好當左係認同)佢既意見
亦反映返呢度係有言論自由既地方

但係對樓主所講"民主"一事, 小弟就略有意見
第一, "民主"唔係一件完全係好既事, 呢點我係認同
民主亦可能會造就分爭或者兩極化

但係, 一個無民主既社會所造就既係
一個極權既政府
就係因為無民主, 政府就變成一個無市民監察
一個政府獨大, 政府想做咩就做咩既社會
咩你都比唔到意見, 政府將你既所有搶走你都求助無門
一個咁既社會, 樓主會唔會樂意生活其中?

HX273 :宣揚極端政治，嚴重影響國家安定與繁榮。

本人好奇想詢問樓主，請問零八憲章的內容為何被形容為"極端政治"？ 就閣下而言，"極端政治"的定義為何？
as reference: http://fitzwilliam.pixnet.net/blog/post/22708104

而對閣下聲稱"冇親眼睇到呢件事"便不能評論事件的說法，版友gj5069 已有提及本人觀點，本人對此深表遺憾...

北河楓 :睇完樓主篇野, 本質上係尊重(啦...係尊重, 唔好當左係認同)佢既意見
亦反映返呢度係有言論自由既地方

但係對樓主所講"民主"一事, 小弟就略有意見
第一, "民主"唔係一件完全係好既事, 呢點我係認同
民主亦可能會造就分爭或者兩極化

但係, 一個無民主既社會所造就既係
一個極權既政府
就係因為無民主, 政府就變成一個無市民監察
一個政府獨大, 政府想做咩就做咩既社會
咩你都比唔到意見, 政府將你既所有搶走你都求助無門
一個咁既社會, 樓主會唔會樂意生活其中?

認同，同埋我覺得對政府施政比唔到意見唔係最緊要，但有時大陸人有錢買起某d施法的人再去謀財害命等等呢d先最恐怖，打個比喻，我比錢買起大陸的法官，之後去打劫樓主間屋，打劫完我可以無罪大搖大擺再去打劫，唔知樓主又接唔接受到？大陸今次咁搞都係體現緊呢樣野，就好似大陸政府去打劫就必定冇罪，受害的就一世都唔使翻身

HX273 :我覺得普選其實係一件極之無謂嘅事，特首梗係由國家選出，如果唔係嘅話香港市民會作反。其實，立法會有一半議席是市民票選已經好夠，仲嫌三嫌四。劉曉波佢想搞騷動，中國政府都係防止佢亂嚟先的佢走。比如話你有意圖行劫，俾警察發現，唔通佢地唔拉你？


p.s:我差不多二十歲，但是沒有登記做選民，因不想涉及政治，只要國家能夠俾我安定嘅生活就夠，我勁唔喜歡啲九十後嘅人成日係度話平反六四，佢哋都冇親眼睇到呢件事。

你係巴勒斯坦都可以有安定生活ga，你即刻搬去巴勒斯坦住呀笨