瘋波裡的大班 :你一味將所有野講成我「攻擊」你, 已經冇野好同你講, 你有冇對我地作出「無理攻擊」, 相信版主同其他有睇過你留言0既人已經清楚一二, 到討論後期, 邊個繼續作出挑釁行為, 大家亦都睇到, 我講過好多次, 如果你認為我「攻擊」「詆譭」「貶低」你, 點解你唔向版主投訴, 而係0係呢度繼續不斷發言挑釁????? 別忘記, 先前已經有其中一位版主話過你, 但你亦視若無賭, 繼續放肆. 我再三呼籲你, 你可以向版主投訴我「攻擊」「詆譭」「貶低」你, 呢個先係正確做法

kalon :一、對於你一而再再而三出爾反爾, 真係沒話好說, 最明顯說了不會再回應, 卻一直回應... 二是講了的東西, 發出了說講錯就隨意修改 (ref: p#1859180, p#1855828)... 我真係唔明白唔知道到底你想點的呢?

kalon :二、我沒有一味所謂「只講你攻擊我」, 我只是一直強調我的觀點, 如果咁樣叫做挑釁, 咁假若你係男仔, 有人質疑或者講你唔係幾次, 咁你係唔係就要向人講你係一個女仔? 否則你係挑釁緊對方?

kalon :三、我只係討論港人與澳人問題, 注意, 係「討論」, 不是小學生鬥氣. 唔係話有人打人就告比老師知, 叫老師去罰同學. 我只係針對你的回應作出更進一步回應, 我上一個回覆已經強調多次, 版主出現都無助得出這個港澳人問題的結論. 如果你有理我會聽, 不過到目前為止, 我認為你提及的都只是你個人理解, 而我每一個你的回應我都已經詳細講出我的觀點, 你聽不入耳不代表這是歪理/挑釁, 如果係咁, 我一直認為你的觀點與我相背, 我係唔係要講你那些話是歪理/挑釁?

kalon :四、我有感閣下提及的該版主只係路過參與討論, 而非版務忠告, 閣下請不要將是是非非混為一談.

kalon :五、我向你再清楚簡單說明我的觀點:
> 港人文化方式不同, 澳人對於港人找事比較, 感到反感, 對於善意的比較, 諸如香港認為某方面不及澳門, 引用澳門例子尋求改善, 這是良好的; 可是, 若惡意的比較, 例如說澳門某方面不及香港, 這是不可取的.
>另外, 港澳兩地居民長期不滿, 我認為, 澳人不會無故地對港人反感, 其實基於長久以來一個隱藏的大香港小澳門心態, 加上港人說話及評價時, 帶有港人本身認為沒有攻擊性可是其實傷害及看不起澳人的言論, 故此, 在現時澳門經濟開始發展之時, 澳人開始反抗, 出現所謂絕地反擊的情況.
>還有, 政府派錢不會改變居民的對民主、政府的訴求, that's all.

瘋波裡的大班 :你依家根本就擺到明係因為我話不再回應就乘機再三挑釁, 該兩篇文章我用錯字眼, 已清楚講你知. 再一次表明, 你永遠唔會知道自己0係度誤會左人, 我累你白費左彈藥, 真係要講聲唔好意思啦.

瘋波裡的大班 :係咪係挑釁, 交俾版主裁決

瘋波裡的大班 :我講左n咁多次, 如果你覺得我有「攻擊」「詆譭」「貶低」你, 甚至乎加多一樣, 「挑釁」你, 你可以光明正大地向版主投訴. 我對於你d回應, 已多次清楚表明港人亦需要檢討. 我求助於版主並非要得到港澳問題結論, 而係你言論太過偏激, 歪曲事實, 並引起數位版友及一名版主(不是官方)不滿你的言論

瘋波裡的大班 :我只係話有版主睇唔過眼向你作出責備, 我從來冇話過佢係乜野官方忠忠, 閣下請不要斷章取義扣人帽子乘機又屈人

瘋波裡的大班 :我再次重申一次, 唔係所有港人都有心向你地「攻擊」「詆譭」「貶低」, 當然有個別人士別有用心, 不出為奇, 但並非個個如是, 我只係想話你知, 由頭到尾都係, 我之前已經講過, 要消除爭拗, 除左係港人要檢討之外, 講多次, 港人要檢討之外(費事有人睇唔到), 要一人行一步, 澳人都要思考, 係咪應該都要用另一個方法去同人溝通, 由頭到尾, 你只會覺得你完全冇責任, 冇任何必要做任何野, 我想話知, 要達到互相尊重, 兩方都要做野, 港人要做, 你地都要做, 唔係一味係咁不停找借口話人.

kalon :

瘋波裡的大班 :好啦, 去到呢個地步, 呢位版友已經失去理性, 我由開頭討論, 至到呢位版友借故不斷誣蔑港人, 不斷以自己的歪理講成永恒的道理, 而別人的就永遠是歪理, 我最後已多番表示港人都有責任, 而佢地亦同樣地有責任, 點知, 到樓上呢個post, 大家已可以看清一切, 我在上一個post所講0既野, 有人竟然可以當冇睇到, 再次發呢個post話港人, 我先前本來一直忍耐, 但係去到咁多版之後, 呢個人已經過份到極點, 我迫不得已現在正式申請向版主投訴, 作出仲裁, 我相信, 只有交俾版主作出公平判決, 先至係最佳解決方法.

每每發現自己理據不夠於人時, 就大量使用攻擊性字眼責罵對方 (單單閣下這個回覆, 失去理性等等)... 如果有理據, 點解不以理服人, 只係一味講別人不講理? 說甚麼過份. 我一直講, 港澳人問題根本係無答案, 然而, 閣下一直只係非黑即白, 只係想得一個結論就係港人對還是澳人錯... 我睇即使版主架入, 版主都不會有能力找出這個相信上天都不會知道的答案, 這個討論話題, 最多只係可以大家用大家的道理讓對方認同自己的觀點而已.

另外, 當自己一直表示有人不斷誣蔑港人時, 其實自己一樣在不斷誣蔑對方. 其實一直你都無視我所講, 如果港人唔出聲"抨"澳人時, 澳人會唔會主動去"挑釁"港人. 事實就係唔會. 可惜, 你一直只係指責澳人不去了解你的講說話的意義, 根本就係無理將責任推卸到澳人身上.

再者, 我一直講, 請你看東西不要非黑就是白, 沒有提及部分港人善意的表現時, 不代表我沒有這想法. 不過, 我現在在討論港人對澳人問題, 我當然找出例証去支持我的說法, 可惜閣下一貫想法, 就是指責我全面地批評港人, 更不要說你有一直忍耐...

NeoMan-Centro-APM1 :算啦，個位澳門同胞當得個六千蚊天上有地下無架啦，個六千蚊對於佢來講係澳門可以收買人心之餘仲可以提升澳門人的品行，所以佢覺得香港因唔派呢六千蚊而搞到香港人好鐘意投訴云云，誰不知原來六千蚊可能甚至對於BF唔少版友來講係好少錢架ja，可能唔駛半個月都抓到六千蚊，BF的香港版友係想討論民生多過咩香港人投訴澳門人，所以我地由得佢攞住個六千蚊繼續幻想啦！

香港唔駛向六百萬人派錢都可以維持原有的生活方式，Kalon你唔羨慕的咩

閣下一直表現出我所講出的那部分港人, 自以為是, 無中生有. 我自己沒有為澳門政府派發6000元而驕傲或者因為這6000元而不理會政府如何對待居民, 閣下不要再砌詞, 生安白做!

澳門人只求穩定生活, 不希望在風浪及是非中活著, 更不需要外人參與管治. 就係咁簡單. 澳門人想東西都係好簡單, 派錢就係派錢, 23條就係23條, 請不要在沒有事實根據的情況下, 強行將6000元與基本法23條合併.

瘋波裡的大班 :版友, 你愈係回覆, 呢個人就愈係得戚, 繼續借機鬧港人, 「表揚」自己點樣被「攻擊」, 俾人「打」, 有幾「可憐」, 冇錯, 我地香港人成人「打」佢, 但係就引來佢「亂槍掃射」.
事件已交俾版主處理及仲裁, 各位可以唔使再理佢, 相信睇晒咁多版, 都知呢位版友係一個點樣0既人

到底點解閣下不希望這位版友發言, 有沒有發現當閣下一直強調港人如何善意對待澳人時, 這版友一直以閣下相反的本意回應, 將你所講的善意一次又一次反過來, 將閣下指沒有發生的事, 光明正大, 赤裸裸地暴露出來.

看看第2個quote, 這是港人善意, 友善, 完全根本沒有惡意的態度嗎?

NeoMan-Centro-APM1 :

JU2541．FD5520 :

NeoMan-Centro-APM1 :簡單d講，澳門人反港人之餘，有冇唸過澳門的賭場可以講係靠香港人起家，做人飲水思源啦

如果香港人以前到而家都唔賭的話，澳門人可能仲拉緊牛牛ja

做人就唔好太看得自已咁高
兩個地方根本個重點支柱都唔同
一個係賭一個玩金融

同埋...現在賭場並不主要以港人為主

而家你可以話唔係以港人為主je，但起家個陣呢？

正如阿媽生你比錢你使個陣你當然要尊重阿媽，但到你大個可以有錢養起阿媽個陣又係未代表你可以完全唔尊重阿媽講的野呢？咁本呢篇文點解搞成咁，其實我最初想討論派錢係未解決到大部份社會問題，但係就有人無端端嘹香港人打交，又話香港人點批評大陸人、澳門人云云，呢d野唔起罵戰就假ge

有些人唔識分析社會問題，見到人講佢兩句就話"大香港、小澳門"的話，咁本同佢理性討論係冇可能，亦冇必要。我相信個位人兄都會批評大陸的問題，其實大陸正正就係反映咩都用錢解決時的利弊，點解某人係都唔識分析呢d問題，係都要話"大香港、小澳門"的呢？澳門派錢可以絕對冇弊端？冇人信啦

衰d講，如果唔係香港回歸前已經有錢，大陸想係呢十年發展得咁勁絕對有難道， 大家唸下如果港資企業冇錢的點搬返大陸？我唔係話睇到香港點大，而係中港澳咁本係相輔相成，而唔應該因為香港人的缺點某些人就一定要睇到香港人對大陸唔好又要睇到澳門人一定大過香港人咁，老實講有人鐘意講澳門人大過香港人的，香港人一樣可以講自己大過澳門人，從來人對人的鬥爭都係咁架啦

K :不明白為何一個「派錢」能夠回覆達到七頁
兩地的同胞要互殘至十年甚至百年嗎
一個是靠賭博一個是靠巿場
難道真的唔可以互惠互利
為何澳門可以派錢香港唔可以
相信人口既關係..
我深信如果澳門有七百萬人口
人人派六千元政府可能會破產
我相信只有部份香港人同部份澳門人「互殘」
每一個人總是會有一個咁既心
你們這樣豈不是口與鼻一起互相批評 這只會加深誤會，並不能帶來好處
放鬆點吧，朋友，互相發掘好處才能夠進步的

SIBAS32 :May you guys kindly STICK BACK TO THE TOPIC?

SIBAS32 :無記錯香港係其它福利相對比較多,而且有其它福利

派錢係行政上係用少左時間同人手,亦係程序上相對簡單,不過又係咪真正幫到有需要的人,而唔係浪費納稅人的錢呢?