香港巴士論壇

【東方日報專訊】繼電車「港男」、巴辣「港女」後，「港孩」也誕生了。「港孩」生於九十年代中後期，父母百般寵愛，只着重子女讀書成績，令他們缺乏自理能力，甚至患上「王子、公主病」。香港教育政策關注社主席張民炳恐「港孩」質素無力接捧，政府應從速制訂方法改善。

記者近日在九龍塘小學區，就六至七歲兒童的自理能力指標（即小一至小二學生應該懂得自己做的事），訪問近二十名小四至小六（九歲至十二歲）的學生，當中約一半懂得戴錶、扣鈕拉鏈及獨自睡覺，但逾八成受訪學生不懂綁鞋帶、剪指甲及自行食有骨食物。

家長縱容銀紙當畫紙
港孩自理能力不足，與家長對此不以為然有關。女兒就讀小學五年級的朱太說：「我完全唔覺得個女唔識綁鞋帶、唔識照顧自己係大問題，讀書叻咪得囉！」

生於中產家庭的「港孩」Sylvia（假名），年僅八歲已擁有手提電話、數碼相機、遊戲機及iPod等。被問及為何讓女兒一身名牌時，Sylvia父親說：「我哋掛住做嘢，冇時間陪佢，可以嘅話都喺物質上盡量補償畀佢！」傭人表示Sylvia曾因鮑魚上有一小黑點而將之丟掉。而她也無金錢概念，曾到遊戲中心玩樂，一次過將五百元代幣玩擲彩虹遊戲，還曾用多張一百元紙幣寫字畫畫，玩完後便棄掉。

13歲自認BB唔識大
另一「港孩」Daniel（假名）十三歲仍整天嚷着自己是「BB」，閒時看幼兒節目《天線得得B》，無論他到哪裏，都一定「攬實」幾隻公仔。他現讀中一，仍不懂更換衣服，不懂自己洗澡，睡前仍要用奶瓶喝奶。Daniel用餐時，傭人要用剪刀將菜肉剪碎方能進食。

教育心理學家彭智華認為家長太注重孩子學業，為了讓子女溫書，毋須他們做日常的自理工作。香港教育政策關注社主席張民炳憂慮，若「港孩」情況延續，沒有改善，成長後會對本港社會質素有負面影響，更會拖低香港的競爭力。浸會大學幼兒及基礎教育總監李南玉建議家長及學校可於日常生活做起，鼓勵子女學習自立。

--------------------------------------------------

過份駛工人之禍？不過連食有骨食物吐骨的技能都冇我就好驚訝

文中的Daniel竟然中一都用奶瓶，佢自己唔覺得有問題的咩

NeoMan-Centro-APM1 :文中的Daniel竟然中一都用奶瓶，佢自己唔覺得有問題的咩

"另一「港孩」Daniel（假名）十三歲仍整天嚷着自己是「BB」，閒時看幼兒節目《天線得得B》"

睇 得 多 呢 套 野 唔 係 腦 殘 都 變 腦 殘

本文章評分: +2

 

評分:

會員	時間	評分	評語
巴士狂徒	2010年5月24日 00:12:05	+1
CNR4806	2010年6月5日 15:15:24	+1

B438 :

NeoMan-Centro-APM1 :文中的Daniel竟然中一都用奶瓶，佢自己唔覺得有問題的咩

"另一「港孩」Daniel（假名）十三歲仍整天嚷着自己是「BB」，閒時看幼兒節目《天線得得B》"

睇 得 多 呢 套 野 唔 係 腦 殘 都 變 腦 殘

我 Form 1 時都有同學好鍾意睇得得 B，但佢一啲都唔「低」

不過咁大個人仲用奶樽就 banghead

13 歲連換衫咁簡單既野都唔識

係真唔識定係懶 ...

NeoMan-Centro-APM1 :家長縱容銀紙當畫紙
港孩自理能力不足，與家長對此不以為然有關。女兒就讀小學五年級的朱太說：「我完全唔覺得個女唔識綁鞋帶、唔識照顧自己係大問題，讀書叻咪得囉！」

不知所謂
你第日個女俾佢個未來老細剷到上天花板果陣唔好後悔

巴士狂徒 :

NeoMan-Centro-APM1 :家長縱容銀紙當畫紙
港孩自理能力不足，與家長對此不以為然有關。女兒就讀小學五年級的朱太說：「我完全唔覺得個女唔識綁鞋帶、唔識照顧自己係大問題，讀書叻咪得囉！」

不知所謂
你第日個女俾佢個未來老細剷到上天花板果陣唔好後悔

我諗都唔會識得後悔添ar, 到時比人鬧, 佢都只係會覺得錯在人地, 而唔係自己lo
因為好多野佢由細到大都覺得係理所當然lo

所以我先成日話而家香港一代不如一代, 唔好講耐, 同自己爭3,4年果d 都已經可以好大分別

另一「港孩」Daniel（假名）十三歲仍整天嚷着自己是「BB」，閒時看幼兒節目《天線得得B》，無論他到哪裏，都一定「攬實」幾隻公仔。他現讀中一，仍不懂更換衣服，不懂自己洗澡，睡前仍要用奶瓶喝奶。Daniel用餐時，傭人要用剪刀將菜肉剪碎方能進食。

叫住自己係BB, 我可以當佢鐘意呢個稱號, 或者當係英文名.....不過如果屋企人唔係由細叫到大叫佢BB, 我諗佢自己都唔會咁叫掛
攬公仔呢樣, 我唔知佢有幾嚴重la, 不過都有d 女仔廿歲都會攬公仔lo, 呢樣我又可以當佢係興趣問題.......

中1....唔識換衫, 有幾難換我想知, 如果屋企人唔幫佢既話, 我唔信佢唔會死死氣咁自己換lo.......雖然我覺得到時呢個人又會扭計
唔識自己洗澡.....中1應該12, 13歲, 青春期都黎la, 仲比屋企人望住晒, 佢自己覺唔覺得醜?........雖然我又覺得佢慣晒
奶呢樣飲下都算係健康, 但又使唔使用到奶瓶? 要剪細d 野先食, 自己唔通冇牙?

總結一樣野, 有呢d 行為某程度上都唔係所謂「港孩」既錯
屋企人/監護人既責任真係大好多lo, 完全係過份寵愛lo, 上面咁多樣野, 好多根本都唔肯放手比佢試下/ 迫下佢自己
咩都順晒佢意, 呢d 人第時出黎工作, 遇到少少風浪都可以一野打沉佢lo

將來既香港, 靠呢一班人.....可以講玩完

家長縱容銀紙當畫紙
港孩自理能力不足，與家長對此不以為然有關。女兒就讀小學五年級的朱太說：「我完全唔覺得個女唔識綁鞋帶、唔識照顧自己係大問題，讀書叻咪得囉！」

我覺得啲細路應該知道佢地大個時老竇老母唔幫得佢幾多。仲有一樣野，就係老竇老母過份溺愛子女，佢地目光太過短淺，不懂得看得長遠一些，就是估計子女在二三十年後的情況。我覺得朱太正人渣，根本不是真正的愛子女。呢個世界唔係剩係得讀書，有很多其他的事，包括但不限於︰工作、照顧自己，除非你真係叻到好似Paul Erdos、Leonhard Euler就唔同講法。

好似我啲同學咁，好多都唔係太識做家務，同埋一身名牌。我雖然為「九十後」（1990年5月2日出生），但係細個係大陸時，父母已經叫我要去照顧一對孖生細佬妹，來香港不久後，父母已經叫我和弟妹輪流做家務（包括去街市買餸）。父母從來不以物質來犒賞，一來浪費金錢，二來令我們覺得不能自動自覺去做事，只為得到讚賞而做。我四歲已經唔用奶瓶！

三分天註定；七分靠打拼，佢地連基本野都唔識，我真係唔知將來佢地點去打拼、做社會的棟樑。

HX273 :

家長縱容銀紙當畫紙
港孩自理能力不足，與家長對此不以為然有關。女兒就讀小學五年級的朱太說：「我完全唔覺得個女唔識綁鞋帶、唔識照顧自己係大問題，讀書叻咪得囉！」

我覺得啲細路應該知道佢地大個時老竇老母唔幫得佢幾多。仲有一樣野，就係老竇老母過份溺愛子女，佢地目光太過短淺，不懂得看得長遠一些，就是估計子女在二三十年後的情況。我覺得朱太正人渣，根本不是真正的愛子女。呢個世界唔係剩係得讀書，有很多其他的事，包括但不限於︰工作、照顧自己，除非你真係叻到好似Paul Erdos、Leonhard Euler就唔同講法。

好似我啲同學咁，好多都唔係太識做家務，同埋一身名牌。我雖然為「九十後」（1990年5月2日出生），但係細個係大陸時，父母已經叫我要去照顧一對孖生細佬妹，來香港不久後，父母已經叫我和弟妹輪流做家務（包括去街市買餸）。父母從來不以物質來犒賞，一來浪費金錢，二來令我們覺得不能自動自覺去做事，只為得到讚賞而做。我四歲已經唔用奶瓶！

三分天註定；七分靠打拼，佢地連基本野都唔識，我真係唔知將來佢地點去打拼、做社會的棟樑。

總於睇到你可以寫得出一段正路的回應，其實原文中帶出了物極必反，父母過度唔比細路作任何嘗試，一味只識叫佢地跟學校個套去做功課、讀書的話，最終只會變成無能，我覺得比細路做家務唔只幫手咁簡單，更加重要的係比細路仔作一個嘗試，睇o下佢地有冇自己的方法去做家務，呢d對建立第日讀大學、工作時的problem solving skills有好大幫助，無奈而家唔少父母都唔知點解變成弱智，可能係唔想理d細路，而點解朱太會覺得佢個女讀書叻，只不過係因為有老師日日指指點點佢個女去讀書之o麻，試下她第日要自修個陣，我寫包單佢個女實企o左係度咩都做唔到