等左咁多年，終於再有以車型作為題材的書藉出版
睇返英國果邊，Ian Allen都有為各經典車型出書
而令我聯想起除左MCW Metrobus之外，其實香港都仲有好多經典車型可以出專門書藉的

例子一
Leyland/Volvo Olympian到B10TL/B9TL
這車型絕對比MCW Metrobus更有代表性
打從BL1-3到AV531，中間經歷了17年，很少有車型可以連續出產了17年，而底盤基本結構沒有大改動
這17年間中間經歷了利蘭改朝換代成為富豪，見證了80年代巴士三軸化、90年代巴士空調化、吉偈到康偈再到豪偈年代、城巴N26、中城大戰、青嶼幹線通車、中巴被收回專營權、八達通年代、路線牌電子化、新城大戰...
而Olympian更曾有多間公司使用, 包括九巴、新巴、城巴、鐵巴、中電、空運貨站、龍運、中巴、風彩、百勝
九巴的AL1是全港首架成功的雙層空調巴士，而全盛時期有超過1700部各款Olympian在一線上服役
城巴更是靠著空調化的Olympian發跡，從而建立其非專利王國，再衝出沙田第一城成為專利巴士公司
中巴的VA更是中巴歷史上最後一批新巴士，而龍運既創業車型也就是Olympian
而且還可以略略介紹其接班車種B10TL和B9TL....
因此，對於寫作者來說不愁沒有題材，隨便選一些都能大書特書
更重要是，Olympian相對比較近代，而且生產商還在世上，加上相當大部份Olympian還在一線上服役，搜集資料和圖片會相對較容易
也因為Olympian比較近代，對於一眾七十後、八十後、九十後讀者而言，對比珍寶和雞車，Olympian更是陪伴他們成長，他們更熟悉Olympian，較容易有共鳴感覺。
以筆者為例，Olympian帶給好多回憶、經歷過很多難忘既事.....
因此筆者相信，如果有專門介紹Olympian+B10TL/B9TL既書藉多數能賣得很好，甚至比當年既雞車、珍寶書藉賣得更好！

例子二
Dennie Dominator/Dragon/Condor-->Tridnet/E500歷程—從敗部復活到反敗為勝的歷程
Dominator系列車型既代表性雖略略不及Olympian系列
但從DD1到3AD170，歷時19年，比Olympian還長2年，很少有車型可以連續出產了19年，而底盤基本結構沒有大改動
這19年間，經歷過山頂珍寶換Dominator再換回珍寶、見證了80年代巴士三軸化、90年代巴士空調化、吉偈到康偈年代、中巴第一款空調巴士、中城初次交手、城巴N26、中城大戰、青嶼幹線通車、中巴被收回專營權、八達通年代、路線牌電子化、新城大戰、因應九巴要求特別重開已停產既生產線...
從訂單上看，Dominator系列在80、90年代一直輸給Olympian系列，使用者也只有九巴、中巴、城巴、中巴、空運貨站、雅高。
然而，Dominator系列卻有著不少紀錄
Dominator出現前，不管在英國、還是在香港，Dennis的名字是寂寂無名的
然而Dominator系列卻為Dennis帶上前所未有的新高峰，在港英兩地成為了第二大雙層巴士供應商
從而發展出後繼者Trident和Enviro 500系列，更在香港英國兩地超越了富豪成為雙層巴士供應商老大
DD1是中巴首架"正式"的Dennis巴士(Lolina是Bristol產品發展出來的)
3N/DL更一度是全港載客量最高既車型，AD1是全港第二架成功的空調雙層巴士，中巴DA更是中城初次互鬥時中巴用以對付城巴的武器
而從DA開始，Dennis一直沒有被中巴、九巴冷落過，城巴既Dragon今日既王牌隧巴線118既象徵，當年曾經有118既廣告。而後來九巴照板煮碗設計了935, 960既Route Branding 廣告並上在AD上，九巴後期更要求Dennis重開Dragon既生產線生產3AD和ADS，而尾批ADS更是全港最後的非低地台雙層巴士。
有著Dominator系列成功的基礎，Dennis發展出劃時代車型首架低地台雙層巴士Trident，以較佳時程奪下了新機場啟用、新巴取替中巴所帶來的大筆訂單，九巴、新巴、城巴都大舉引進Trident，讓Dennis超越Volvo成為香港最大雙層巴士供應商，而後來者B10TL卻失去了有利時間，而錯失大好江山，當中城巴更連一架B10TL都沒有引入過。
後來Dennis、Duple、Alexander、Plaxton一家親成為Transbus，再解體變成ADL。有著Trident的基礎，後繼者Enviro 500更先聲奪人地奪下九巴、新巴、城巴、龍運既大筆訂單，而港鐵、中電也引入Enviro 500取代Olympian系列。Enviro 500更打開了北美市場，成為了拉斯維加斯既標誌之一。
同時Dennis Trident和其後繼者E500更成為了新巴、龍運、九巴既主要車型，亞記殼Trident更成為龍運和新巴既象徵。而九、新、城、龍運、港鐵巴士也屬意E500為下一代既主力車種。
因此，對於寫作者來說也不愁沒有題材，隨便選一些題材都能大書特書
而Dennis從靠Dominator咸魚番生到Trient/E500年代反敗為勝既故事亦相當吸引。
更重要是，Dominator系列相對比較近代，而且生產商還在世上，加上相當大部份Dominator和後繼者Tridnet/E500還在一線上服役，搜集資料和圖片會相對較容易
也因為Dominator系列以至Trient/E500比較近代，對於一眾七十後、八十後、九十後讀者而言，對比珍寶和雞車更有陪伴他們成長的感覺，較容易有熟悉和共鳴感覺。
以筆者為例，Dominator系列帶給好多回憶、經歷過很多難忘既事.....當中筆者多年前的荳芽夢初戀更在九巴青衣廠某架熱狗Dragon開始的.......
因此筆者相信，如果有專門介紹Dennis Dominato系列引申到Trident+E500發展歷程既書藉多數能賣得很好，甚至比當年既雞車、珍寶書藉賣得更好！

唔知大家又點睇呢

巴士書...十分好...
有創作力...起碼好過Y80巴士連環畫

我都覺得下一次可以出olympian的書,淨係呢個系列都好多題材可以寫。
另一個我最想出係講香港利蘭,因為過多幾年利蘭呢個老牌子就會係香港專利巴士上消失。

反而我想問,如果出本教人改巴模的書,你地會唔會買呢??

光是樓主既分享都已經甚有觀看價值

我希望出兩本：
- ME
- Olym (要是有專題介紹大埔74X及75X當年大量引進TD豪更佳！)

對於我黎講, 買一本擁有豐富資料0既巴士車型書籍, 總有價值過去盲目支持買一d質素其低0既模型...

ME 多年前陳老闆...話會出平治..但最後冇出

其實D巴士書可多讀巴士機械-車身設計...因為香港較小一些工程書刊

其實車型書之前都出過啦...
好像 勝利2型出過2本... 丹拿珍竇又出過....樓主提議既DENNIS已經出過本「香港丹尼士巴士全集」只係好早出而一些近年資料未補充
不過家陣仲有貨...令人感覺車型書無年鑑一類甘好賣.....

如果出Olympian書我第一個飛去買

巴士狂徒 :如果出Olympian書我第一個飛去買

如果佢係由BL講到AV再到超豪,中間加少少B7,之後講埋B9TL到兩軸版既話,唔理我有無錢都要即刻入佢返黎

NE2059 :

巴士狂徒 :如果出Olympian書我第一個飛去買

如果佢係由BL講到AV再到超豪,中間加少少B7,之後講埋B9TL到兩軸版既話,唔理我有無錢都要即刻入佢返黎

B7不是Olympian..

吳啟華 :

NE2059 :

巴士狂徒 :如果出Olympian書我第一個飛去買

如果佢係由BL講到AV再到超豪,中間加少少B7,之後講埋B9TL到兩軸版既話,唔理我有無錢都要即刻入佢返黎

B7不是Olympian..

係喎,記錯野..
不過我都想如果佢出既話都提小小,因為呢款車無咩機會會出書。

不過唔知你地有無誤會,其實我講得唔係太清楚,我指既B7係B7TL(而加比兩軸B9TL取代已經停左產)。

雖然我都認同樓主咁講,但係請唔好忘本~
三軸巴士既始祖可以話係MCW(至少香港係先)
當然佢仲為香港整左唔同款式既巴士..
點解佢可以咁快成功咁整到部三軸出黎同引起之後既轉變
我覺得都應該要拎出黎提下...

olympian車系來講我覺得B9TL已經另一個故事。
反而B10TL仲係屬於初化olympian底盤+B10BLE頭擔，
B9TL係由B7TL底盤發展出來。

有關Olympian為題材既書藉
英國既Ian Allen會有一本專門介紹Olympian，從Bristol到Leyland到Volvo既歷程既書
http://www.ianallanpublishing.com/olymp ... volvo.html

唔知幾時會有本主力介紹香港既Olympian既書呢?