[路過]
用靚機唔會送技術,用DC仔亦唔代表映唔到靚相

但係我想問下話個投票唔公平既人,你自問你參選既相係咪真係好靚,

靚到D票非你莫屬?
[/路過]

nwfb94A :[小弟角度]有技術又如何？畫質唔掂一樣說再見。因為靚相包含左畫質+技術。
始終DC泊埋DSLR比一定差別。(當我發up瘋便可以)

不喜勿群插

相機畢竟係相機, 死物黎, 部部都係出廠預設設定,
落到你手你就要將你既 style 加入去 D 相道,
fine tune 機身 setting, 後期再執手尾, 呢 D 都係技術既一種
你要明白, 即使 D3 同 1Ds 系列都唔係原相直出就一定靚晒

而家既 DC, 功能/設定/像素都多左咁多,
要影靚相比以前易得多, 如果連自己部 DC 都未能 maximize,
點解要走去同 DSLR 比, 我送我 set 器材俾你你都舞唔掂啦

用DC影唔好就話部機唔掂,
用DSLR影得差又話浪費部機,
用DSLR影得好又話靠部機,
用DSLR影相而贏大相就話投票個位盲目.
即係影相就是錯?!

唔怪得成村人影完唔相貼相俾大家睇啦......
有眼睇呢道既質素插水下降
單單埋怨, 唔做好本份, 我覺得做人唔應該噤

OT: 夜相唔一定係pan相, 夜相可以係部機定定set腳架影個d夜相
好好善用部機, 明知影出黎係唔好睇咪唔好影, 做咩要強行夜pan
影巴士又無時間限制, 今日唔影咪聽日影

我無心得罪任何人, 只係我的想法, 唔岩既可以話返俾我知

希望各位可以冷靜下
我並非影相之人，我姑且不理會技術與相機質素
比我投票咁，我絕對唔會因為 DC 仔而貶低自己既眼光
但同時我唔會因為你影相影得靚、色調好，就投你
相反拍攝者的心機、構圖相會覺得都好重要

或者人人對相片好既定義不同，其實投票既人大多數都係只要心目中覺得張相靚先會去投佢姐
我基本上，投每週大相完全係睇邊張靚，邊張有特別意思，而唔係只著重相片質素同你係咪用 dc 仔

最後，我希望用 DC 既人唔好再因為用機問題發生爭執，而係拍攝更多美麗既相片俾我地版友睇
多言了

張伯 :以下2張上過大相

一張用50MM定焦影既菲林相

另外都唔係用特別高像素既相機影既相

我記得你張 76K

其實，唔知係咪我自己隻眼有問題
我覺得樓主除左技術,構圖,取景,光源等等方面之外，有 d 應該仲有後期加工
如果我睇錯我抱歉，但如果我無錯既話，咁我覺得樓主都無需要洋洋灑灑講呢番話

雖然如此，我覺得相片質素除左要有咁上下，構圖的確好重要
雖然樓主第一張圖我覺得改左圖，但我覺得構圖非常之唔錯，所以我都覺得整體黎講樓主張相係好
而張伯影既個幅 76K 都係

我份人要睇既唔係相片有幾靚 , 係拍攝者既心思
老實講，千千萬萬張標準相，就算幾靚，我都覺得毫無新意
反而我覺得用 DC 的各位，可以嘗試執著於構圖而並非相片質素，我相信比起怨黎得更有意義

對不起，又一舊一舊了

其實睇睇下大家係到不停咁討論依個問題(我自已有份討論),
我自己都開始問自己(講俗丁)其實有咩咁好嘈呢?

冇錯依到係有好多影相之人,
勁嘅都有某數量,而冇咁勁/普普通通亦都有某數量
我明白贏出大相並吾係只靠投稿者,同時都要靠一眾嘅投票者
雖然可能係某丁人眼中贏吾贏出大相並吾重要,根本冇所謂.

但同時亦都有一班人覺得贏出大相可能係一種榮譽...
我亦都好明白某一部份人認為大相經常都被某幾位會員贏出...變相好似隴斷左咁
搞到好似冇得玩或者比佢地玩哂咁.依樣我冇可否認可能有時我都會覺得係.
雖然大家持嘅觀點並吾一樣,但我覺得貼相出黎都只不過係同大家分享自己嘅成果
葡萄人地我覺得係正常.換另一個角度去睇其實即係有人欣賞你嘅相希望可以做到你咁樣
所以大家其實根本冇需要再係依個問題到爭論.
人地葡萄你又好吾葡萄你都好只要自己做好本份就夠.

至於DC 同DSLR依個問題我覺得DC有DC好處DSLR亦有DSLR嘅好處
雖然可能一手好技術係需要有一丁好器材.
但係技術都係要一日一日練出黎..冇人可以話一步登天...
今時今日某丁會員可以做到咁嘅成果都係靠以前嘅努力.
其實DC 同 DSLR 都係相機一部..
不過我覺得想有好技術其實好器材亦都可能係一個不可缺少嘅因素

另外,一張好相我覺得吾係話咩所謂"閃卡" 或者咩 特見 就叫好相..
即使係一張影到一架掛牌車行掛牌線嘅相亦都可以係一張好相
但其實好相吾好相又相對地好主觀.
即係好似一件藝術品咁,可能有人睇完覺得好怪又可能有人覺得好搞笑
其實問心覺得靚就已經ok
當然 時間 地點 光線 背景 依丁原素都係吾不可缺少

最後, 都係個句: 大家嘈落去都吾係辦法, 你又係出黎分享我又係出黎分享.
有時搞到大家大庭廣眾係到嘈又係為乜..有時葡萄下亦有乜所謂甚至正常.
適當嘅宣洩我覺得是應該的,吾好過火就可以了=]

小弟今天多言了...請各位多多包涵.

好直接 ,輸唔起就唔好玩啦

話人地器材先決 ,不如諗下自己既相係咪真係咁有資格做大相.
定或係你地對自己既相信心高左D啊 ?

技不如人 ,不如先自我檢討
而唔係一囗就話比人壟斷左先啦

唔知仲有無人記得 Nikon 一句宣傳口號……「影像．從心」

如果你唔記得 le 樣o野o既，算啦，當我無講過。

KZ4977 :唔知仲有無人記得 Nikon 一句宣傳口號……「影像．從心」

如果你唔記得 le 樣o野o既，算啦，當我無講過。

呢句OUT晒啦
「影像．從PS」

２7３B :好直接 ,輸唔起就唔好玩啦

話人地器材先決 ,不如諗下自己既相係咪真係咁有資格做大相.
定或係你地對自己既相信心高左D啊 ?

技不如人 ,不如先自我檢討
而唔係一囗就話比人壟斷左先啦

最唔明點解一張普通既GK8843@39A都做到大相
上面張Lance+AVC同下面張蝶蘭都遠遠有意義啦
Whatup兄講得好，丁人真係見人/機見智

kmb_68x :

KZ4977 :唔知仲有無人記得 Nikon 一句宣傳口號……「影像．從心」

如果你唔記得 le 樣o野o既，算啦，當我無講過。

呢句OUT晒啦
「影像．從PS」

２7３B :好直接 ,輸唔起就唔好玩啦

話人地器材先決 ,不如諗下自己既相係咪真係咁有資格做大相.
定或係你地對自己既相信心高左D啊 ?

技不如人 ,不如先自我檢討
而唔係一囗就話比人壟斷左先啦

最唔明點解一張普通既GK8843@39A都做到大相
上面張Lance+AVC同下面張蝶蘭都遠遠有意義啦
Whatup兄講得好，丁人真係見人/機見智

我意思係投選應該見仁見智去揀張合心水ge相 ..
唔係見人見智去針對, 就算張相真係好都唔投 ..

誰知被扭曲到咁 sosad

話明每週大相, 一張有意義有代表性既相除左係舊相外,
亦可以代表 around 個個星期發生既事, 39A 加冷甩 GK8843,
所以我貼 8843, 都係個句, 你覺得唔特別/冇意義你咪唔好投
你投票就係表達左你意見, 但係如果投票結果唔合你心水就嘈,
要全個壇有份參與投票既人都要同你一樣看法, 駛乜公開投票,
叫壇主開個每週大相挑選員俾你做咪得

再者你覺得張相平平無奇, 我真係唔介意,
你話我地班人經常當選每週大相係因為機身差別, 我都唔介意,
我地唔係一朝得志, 我地有既係經驗,
聰明既人, 會留意到我地 D 相經常當選要具備咩元素, 默默去自己練習,
出文發牢騷既人, 歡迎期期單反機中大相都開文嘈

我地班人唔會再留係呢個圈子好耐, 到我地走左,
又會有一班後起之秀, 個班人一定係而家努力去累積經驗既人,
得個嘈既人, 到時咪又係望住自己張相落選

我地由一開始冇講過話你地影出嘅相毫無意義，毫無技術。
姑且唔講有冇意義同技術，集中講返DC同DSRL嘅分別。

大家撫手自問，大家去投票每週大相，有幾多個會認認真真花15分鐘去詳細觀看參選相片，去詳細諗吓佢嘅意義，先決定投邊幅相？
定係一次過看曬咁多幅相，以你自己第一眼認為最靚，就選果幅相？

有某幾位「認真」嘅前輩，相信會係前者。
但更多嘅係後者。

當大多數人都係後者時，相嘅質素就變成決定成敗嘅關鍵。
例如有兩幅同一位置分別由DC同DSRL影嘅249X沙市首航，兩位拍攝者嘅技術都差唔多。
DSRL影出嘅相當然比DC影出嘅為出色，例如﹕噪點多少，色彩方面。

以下呢段文字原本係響群組度講既, 不過響度講埋都無妨
純粹自己意見

有人話我地有 "DC vs DSLR 就贏唔到大相" 呢個諗法, 簡直侮辱緊 DC 用家
咪講笑啦, 我地呢班 "有聲音" 既人都係用緊 DC, 唔通侮辱緊自己咩

唔知係我地簽名檔既含意太多想像空間, 抑或佢地自己諗錯方向
我地根本要針住黎講既唔係投稿班人, 而係投票果班友
而且尤其係某d 人見到某d 人投稿, 唔理三七廿一就投左佢先

呢個問題要追溯返去某幾位投稿人士既器材
佢地因為可以玩器材先決, 所以張相會比普通既好, 如果有返少少技術既話張相仲掂
但係唔知係咪日積月累咁形成左一種 "名牌效應", 好簡單一個例子
譬如我同小峰峰響同一個位影同一部蚊豪, 角度, 光暗都同佢差唔多
咁你地又估下究竟係我贏定佢贏?

再次重申, 我 / 我地絕對無針對投稿人士黎講 (假如佢地無友情票 / 拉票的話)
只係有投票既人越黎越唔公平, 成為左器材先決既相既打手, 難聽d 講係「奴隸」
相反無理會過張相既價值, 內容, 從此亦令某d 人士長期壟斷左每週大相

你 地 與 期 話 人 靠 大 機 先 贏 到
點 解 唔 話 自 已 唔 參 與 投 稿 ?
你 地 睇 番 投 稿 記 錄
由 04 年 開 始 到 08 年 o既 上 期
投 稿 個 篇 文 大 部 份 都 過 4 版 或 以 上
但 而 家 ? 有 幾 可 過 4 版 ? 頂 盡 先 得 3 版 .
小 左 人 投 稿 , 版 友 選 擇 o既 機 會 小 左
對 啲 影 岀 嚟 質 素 靚 , 構 圖 靚 o既 相 確 實 有 小 小 幫 助 .
唔 想 比 單 反 人 壟 斷 大 相 選 舉
用 DC o既 版 友 咪 多 D 投 稿
等 其 他 人 有 多 D 選 擇 o既 機 會
而 唔 係 係 度 嘈 嘈 閉 搞 分 化 ( DSLR / DC ) .

但 諗 深 一 層
難 道 用 親 DSLR o既 人 就 等 於 識 o既 相 ?
講 到 呢 度 ,我 諗 有 唔 小 版 友 一 定 見 過 D 用 DSLR 影 出 嚟
但 質 素 同 用 DC 影 差 唔 多 o既 相 . 呢 一 點 又 代 表 D 咩 ?
我 唔 係 話 歧 視 人 唔 識 o既 相
我 只 想 帶 出 影 相 係 靠 經 驗 累 積
器 材 只 係 輔 助 工 具

大 家 與 期 係 度 嘈
點 解 唔 出 去 影 下 相 提 升 下 自 己 影 相 o既 技 術 ?
當 然 , 除 左 影 巴 士 之 外
仲 可 以 嘗 試 影 一 D 風 景 或 人 像 相

~p.s
多 言 了 & 小 弟 用 開 DC

KR 3941．KG 4055 :以下呢段文字原本係響群組度講既, 不過響度講埋都無妨
純粹自己意見

有人話我地有 "DC vs DSLR 就贏唔到大相" 呢個諗法, 簡直侮辱緊 DC 用家
咪講笑啦, 我地呢班 "有聲音" 既人都係用緊 DC, 唔通侮辱緊自己咩

唔知係我地簽名檔既含意太多想像空間, 抑或佢地自己諗錯方向
我地根本要針住黎講既唔係投稿班人, 而係投票果班友
而且尤其係某d 人見到某d 人投稿, 唔理三七廿一就投左佢先

呢個問題要追溯返去某幾位投稿人士既器材
佢地因為可以玩器材先決, 所以張相會比普通既好, 如果有返少少技術既話張相仲掂
但係唔知係咪日積月累咁形成左一種 "名牌效應", 好簡單一個例子
譬如我同小峰峰響同一個位影同一部蚊豪, 角度, 光暗都同佢差唔多
咁你地又估下究竟係我贏定佢贏?

再次重申, 我 / 我地絕對無針對投稿人士黎講 (假如佢地無友情票 / 拉票的話)
只係有投票既人越黎越唔公平, 成為左器材先決既相既打手, 難聽d 講係「奴隸」
相反無理會過張相既價值, 內容, 從此亦令某d 人士長期壟斷左每週大相

其實引身出黎可能根本係投票者嘅態度問題
有一部份投票者可能就根本都好認真咁睇過丁相,冇諗過張相背後真正嘅意義
只不過係可能見到張相影得比其他候選相片較靚就是但係咁依投左佢算數
我吾排除可能更加有人吾洗睇就一定係投比個丁人,變左好似係到追趕潮流咁
就係因為上述(當然仲有其他)原因導致到某幾位投稿者經常都贏出大相
長此以往就變相好似係比人壟斷左咁樣.

其實我 / 我地 一開始係個group到大家所發嘅聲音只不過係 諷 刺 有丁投票者
而吾係大家以為好似表面上講緊投稿者..睇黎大家都有點誤會了.