建議目的：
有鑑於近日好多討論區都有相關唔同延長路線或者開辦新線既建議，比一條根本冇足夠道路網絡既佐敦谷（彩福／彩德區），
睇落唔單止唔能夠解決呢個地區既騎咧路況，更加可能要大幅動用他區資源先能夠放 D 線入旺區。

因此小弟以曾經實地前往當地既觀察後，作出以下建議，雖然唔一定合各位心意，
但係可以於各項先天不足情況下，得出更好既路線安排。當然有個別地區同路線可能會有影響，但願影響輕微。


（一）新線
有鑑目前當區極度騎咧既道路設計唔可能有路線作終點站，故此只可能建議以循環方式開設路線。

新線一：220M　黃大仙←→彩福（循環線）
定線：黃大仙總站->沙田拗道->彩虹道->觀塘道->彩石里->彩榮路->u-turn->彩榮路->彩雲路->天橋->觀塘道->龍翔道->蒲崗村道->彩虹道->沙田拗道->黃大仙總站
停站位置：
1.　黃大仙總站
2.　四美街
3.　彩虹邨
4.　坪石交匯處
5.　彩德商場
6.　彩禧路公園
7.　彩福總站（即現 111P 起點站）
8.　彩德邨彩賢樓
9.　啟業邨
10.　彩虹邨丹鳳樓
11.　鑽石山站
12.　黃大仙總站
中途有部分途徑車站係唔會停車既，呢個係考慮呢條線係以快速方式營運。
服務時間：黃大仙開：每日 06:00 - 00:45，每 10-15 分鐘一班（此乃初步班次）
收費：$3.7



新線二：227X　旺角東鐵路站←→彩福（循環線）
唔會呃大家，呢條真係特快線黎，請留意路線：
定線：旺角東站->聯運街->洗衣街->亞皆老街->太子道東->觀塘道->彩石里->彩榮路->u-turn->彩榮路->彩雲路->天橋->觀塘道->太子道東->太子道西->洗衣街->亞皆老街->聯運街->旺角東站
停站位置：
1.　旺角東鐵路站
2.　嘉道理道
3.　香港眼科醫院
4.　亞皆老街球場
5.　富豪東方酒店
6.　譽港灣
7.　彩德商場
8.　彩禧路公園
9.　彩福總站（即現 111P 起點站）
10.　彩德邨彩賢樓
11.　柏立基健康院
12.　富豪東方酒店
13.　侯王道
14.　伊利沙伯中學
15.　旺角東鐵路站
服務時間：旺角東站開：每日 06:30 - 20:00，每 15 分鐘一班（此乃初步班次）
另設特別班次於 20:30、21:00、21:30、22:00、22:30 及 23:30 由旺角東站開，至 10 號車站彩德邨彩賢樓止。星期五、六另設 23:00、00:00 及 00:30 特別班次。
收費：$4.4

此線大概用 5 部車，quota 會以 24 及 93K 減一車得到最少 2 部車，然後剩返 3 個 quota 由邊度 cut 可以再議


二：轉乘計劃：
1：由 220M 轉乘 3D、6D、10、11、13D、14、15、16、17、21、38、40、42C、62X、70X、74X、80、80X、89、89B、89C、89D、89X、258D、259D、268C、269C、277X、296C 往九龍西／新界方向，首程免費
2：由 220M 轉乘 1A、3D、11B、11C、14、15、16、17、26M、38、62X、259D、277X、296C 往觀塘／將軍澳，首程免費
3：由 220M／227X 轉乘 1A、5、9、95 往尖沙咀／佐敦（渡華路），首程免費（亦設相反轉乘）
4：由九龍西／新界乘搭上列各線，及 40P、258P 線乘客，可免費轉乘 220M。
5：由觀塘開出 3D、11B、11C、17、26M，可免費轉乘 220M。
6：由觀塘／將軍澳開出 1A、14、15、16、38、62X、259D、277X 及 296C 轉乘 220M，可獲回贈，兩程總車費為 $5.2（62X/259D 為 $5.7，296C 為 $6.2）
7：由 220M 轉乘 82X、85M、91、91M、92、286M，或 227X 轉乘 44、67X 往九龍西／新界方向，可以節省 $3.7
8：由青衣／兆康開 44、67X 轉乘 227X，或由沙田／西貢開 82X、85M、91、91M、92、286M 轉乘 220M，可以節省 $3.7
7：如果跨公司轉乘可行，建議由本線轉乘 E22、E23 線可獲一元優惠（如果 796B 死唔去，此建議亦適用於該線）

三：其他區服務更改
1.　因應到時連同轉乘計劃之實際需要，建議 1A、9、10、11、21 及 259D 各加一部巴士行走，以應付轉乘客。1A、9 會等候 6/6A 合併成功後加車。
2.　如果因為上列路線要削減其他地區路線，需要將影響減至最低，例如 58X 要囉 quota 出黎既話，258D 要加一部車作補償


計劃好處：
1.　貫徹政府最初話彩福／德／盈村乘客係要轉車為主呢個原則，但亦因為集中往九龍灣轉車會嚴重加重負擔，因此建議兩條線
2.　盡可能提供往旺角直線服務，亦令九龍城可以有間接往旺角特快（雖然去到九龍城，作用其實唔係特別大）
3.　開線初期只需要巴士公司大概 10 部車，我唔信九巴連十部車都囉唔出黎囉
4.　個人認為只係來往 2 個地鐵站既話可以唔洗上上落落，呢條線正好配合呢個原則，而服務範圍達黃大仙，可以方便居民往鑽石山及黃大仙購物及娛樂

歡迎各位狠評，我預左寫得＝比人鬧....

向 觀 塘 方 向 會 點 攪 ？

其實呢2條線..除左鑽石山,,拉條9搞掂~
而家未入哂伙既..9線的確夠用也`
客又唔係話太多..繁時就算頂閘都係耐唔耐先有~
開新線..仲要2條未必夠客

至於觀塘區番學番工..搵14B比較好?

CentralHongKongRailwayStation. :向 觀 塘 方 向 會 點 攪 ？

考慮左現時呢個咁騎咧既道路設計唔可能開任何路線係經晒咁多條街
觀塘方向我傾向係用 3D、11C、259D、277X 四條路線作為主力

乘搭 220M 乘客於彩虹邨丹鳳樓站下車後約 5 分鐘可以到達彩虹邨站
（如果大家認為兜埋彩虹總站都係唔洗加車，我亦贊成呢個建議）

我目的係分流乘客去呢四條線：
往牛頭角／觀塘：3D
往藍田／藍田北：277X
往油塘：259D
往秀茂坪：11C
而點解用兩條屯門同北區線黎解決區內問題呢
係考慮 14、15 既高通勤量，以及 15A 兜偉業街並不方便乘客呢個因素

而且 3D、277X 既班次之密我係好放心作為呢個轉乘用途既。

咁點解唔拉 14B 呢，就係因為我上到去彩福我都嚇到傻左，個度係唔可能擺巴士，擺親真係塞一條行車線之餘，
亦對附近居民有影響，因為所謂彩福總站既位置係過份接近民居，現今冇一個屋苑有個咁近距離既總站（你同我拉條 273C 計我就無話可說）
講緊近 10 年既新巴士總站，大部分位於室內，只有清河，洪元路、田心路、渡華路、錦上路西鐵站係室外
（大家可能話 D 咩落馬洲鐵路站等等，下，呢個民居附近黎架？！）
但係前者都與民居有一定距離，後面幾個更加唔涉及咩民居因素，因此拉 14B 上去仲要做終點站係唔可行，
咁同時將 14B 先兜彩福再返牛頭角總站既話，行車時間會起碼多 10 分鐘，
里數我就唔識計唔知會唔會涉及加價，咁仲死。


呢個寫法可能大家會覺得唔係掛，不過大家真係上一上去，就知道呢個係一個戇居既設計，
見到條 83A 咁既行法，真係點可能觀塘拉到條線呢...

§※寂寞之子※§ :其實呢2條線..除左鑽石山,,拉條9搞掂~
而家未入哂伙既..9線的確夠用也`
客又唔係話太多..繁時就算頂閘都係耐唔耐先有~
開新線..仲要2條未必夠客

至於觀塘區番學番工..搵14B比較好?

急既係 220M。
227X 係唔急既，可以下一步黎。

順帶一提，227X 呢個行法唔經九龍醫院，
係真係希望可以減少等窩打老道個燈位既時間，其他路線亦可以參考。

§※寂寞之子※§ :其實呢2條線..除左鑽石山,,拉條9搞掂~
而家未入哂伙既..9線的確夠用也`
客又唔係話太多..繁時就算頂閘都係耐唔耐先有~
開新線..仲要2條未必夠客

至於觀塘區番學番工..搵14B比較好?

彩福無位做總站
14B 又做唔到循環線

方案一：１４Ｂ
14B 牛頭角開先上彩福兜個圈落番o黎
返牛頭角就先兜上彩福後再番落o黎
唔擺彩虹因為我覺得太遠
可以因應路程增加而加一兩架車落去

方案二：１３Ｄ
拉 13D 兜上去
出大角咀放棄啟業同麗晶分站, 經新清水灣道果邊走 (因為彩德落山方向係兜唔到落下面條行車天橋)
返寶達就可以經彩石里入去 (但十二米車夠唔夠位入? 唔夠就由新清水灣道入去)
可以因應路程增加而加一架車落去

我諗過延長２３
去彩福就無咩問題（我估）
但去觀塘就要落番去坪石Ｕ番上山
因為彩石果度唔可以右轉新清水灣道（好似）
兜遠左兼同２６Ｍ重疊
所以放棄呢個諗法

另外我唔知以下呢個建議可不可行
１０１去港島方向兜彩盈村（彩霞道＋彩雲道，不兜上彩德／福）然後經天橋落番去返回原線
如果十二米車可以觀塘道東行兜入彩石里東行
返觀塘可以兜一兜彩石里上去，然後經天橋落去彩雲道直出觀塘道返回原線（不兜上彩德／福）

我一直覺得改６Ｄ兜上去彩霞／德／福仲好
放棄啟業分站，來回改經新清水灣道出入

另外仲有我一直覺得延長９號就最好
但礙於彩福總站問題
如果擺唔到全日線總站
可以擺牛頭角做總站，來回兜彩盈／德／福
兜出兜入可以同樣由新清水灣道入
返牛頭角不停坪石總站
改停觀塘道坪石村分站
不過咁改法唔知坪石人會唔會反對？

但咁改法太多路線上去
所以部份建議不能全部實行


　２

如果格硬真係要用舊線拉
我會建議用一條根本對現有乘客毫無影響
甚至極之歡迎既 14C

車呢，加多兩部 ASC／AVC 就夠
實際點做呢，我唔寫住，睇下大家覺得點先...

說起來奇怪
究竟運輸署有無計劃過彩福去觀塘市中心的路線?
去 APM 要轉車, 或者搭港鐵都唔合理
(行20分鐘落去觀塘道搭兩個站咩?)

224X :說起來奇怪
究竟運輸署有無計劃過彩福去觀塘市中心的路線?
去 APM 要轉車, 或者搭港鐵都唔合理
(行20分鐘落去觀塘道搭兩個站咩?)

可能佢係想你搭小巴再轉三個站地鐵

224X :說起來奇怪
究竟運輸署有無計劃過彩福去觀塘市中心的路線?
去 APM 要轉車, 或者搭港鐵都唔合理
(行20分鐘落去觀塘道搭兩個站咩?)

專登山長水遠起條行人天橋由九龍灣站起過去彩雲道
根本佢想你去邊都去搭地鐵左轉右轉

司馬昭之心，路人皆見

有無諗過 83M 延長去觀塘市中心?

224X :有無諗過 83M 延長去觀塘市中心?

人地條線用作短途駁地鐵，拉到觀塘咁遠做乜？