有時Ｄ野真係好搞笑

繼呢個繼開爐開到漏煤氣都未開到、
電器用緊但永遠插唔實、
電話差電要用萬能插蘇插萬能插蘇插電排仲要個差電器係兩頭；
是日又一玩命巨獻：煲湯滾到成爐都係，SISISASA都冇人識熜火


我想提出既係，唔知大家屋企成員又會唔會好似我屋企成員咁咁無家居安全意識？
又有冇試過差Ｄ就火燒屋企？
老老實實，差電果次我發現果陣係見到火光的



最後，其實我到今日終於發現自己命運真係好到不得了：

：隱藏內容，按一下這裏顯示

係咁既環境住左咁耐都未燒死！

講起呢d situation,我老豆就試過一次勁牙煙
咁佢果晚好夜收工,又未食野,返到泥就煮丁丁食啦
點知佢煮完食完之後,都仲未閂左個爐就走左去訓教
好彩個爐d火夠勁無熄到
到第二朝起身阿媽先去熄番個爐
當然燒左成晚個爐梗係勁熱啦

cy_EZ147 :我想提出既係，唔知大家屋企成員又會唔會好似我屋企成員咁咁無家居安全意識？
又有冇試過差Ｄ就火燒屋企？
老老實實，差電果次我發現果陣係見到火光的

我自己係屋企都算係一個幾緊張呢類野的人

如果係自己煲野，一定會睇個火睇到實一實（有排煲的野例外），
如果係其他人煲野，聽到沙沙聲就會即刻自己去禁低個火，
電制見太多會拎走其他無用的插頭，用完亦會有其他人拎走，
聞到有異味（無論係咪自己屋企傳出）都會即刻馬上檢查一下周圍

所以，我諗我地屋企都算幾安全呱