37B :

NA :我又唔係咁睇，其實係呢度講就易，要你行咁遠，你都未必肯啦！
加上返中環既通常係要著西裝，要身水身汗行咁遠，真係冇咩人肯，尤其係女士，著高踭鞋仲惡頂
得番接駁車/隧巴同的士揀，我相信冇打工仔會為遲到而俾咁貴錢打的過海掛，隧巴又係咁多人，仲要收錢
接駁巴又唔駛錢，你又預左遲，咁唯有迫下啦
以香港人特性，迫係冇乜所謂，你睇下FOOD EXPO個D人都係咁迫下迫下之嘛

純粹睇客觀環境及乘客反應, 現場擠迫程度不比行15分鐘舒服(加上昨天尚不算熱)
但或者事實的確如你粗字所述, 並非純粹客觀環境可推測

尋日聽到一句說話, 我明白o左
「每個人都有自由選擇和期望, 只要選擇o既結果無令自己後悔, 咁就無問題」
呢句說話至少形容今次係岩o既

MM@! :唔係掛住鬧啦
其實一早有晒contingency plan

如果IMT有咩事，要閂flood gate嘅話，一早有過唔到海嘅contingency plan
當年起九龍南線，西鐵隧道經過荃灣綫隧道上面有咩差池，令荃灣綫過唔到海嘅話，又有接駁巴士嘅contingency plan帶大家去東涌綫過海

鬧嘅時候，不如稔清楚個問題核心響邊道好啦
乜起左南北綫會幫到今次件事咩？到時南北綫有事你又話只靠鐵路過海係唔啱嫁啦WOO
講咁巨論野話人地應變不足，咁請問大大有咩高見可以完美解決今次事件呢？
我地坐低學野呀..

首先對自己燥o左底向大家講返聲唔好...呀唔係, 對唔住先

我及後看過相關消息, 得知油麻地以北車站, 或其他線路線均有廣播指示乘客改用東涌線、將軍澳線及東鐵線+西鐵線
我承認港鐵在該些地方所行的後備方案是好的, 主要問題是出於滯留在油麻地站的乘客
對於油麻地站乘客, 港鐵以路面shuttle bus接駁往佐敦/尖沙咀為主要方案, 而一般該站乘客都會跟從
但問題是人流根本太大, 道面交通疏導到的機會接近零(但沒有完全不開shuttle的意思, 只是想問究竟主開shuttle是否最佳)
而鐵路交通的alternatives的確有
但港鐵似乎不願, 乘客也不願
不過, 既然人群湧上道面的情況有幾差是可想像到, 我認為呼籲乘客盡量經觀塘線離開油麻地站先 理論上較好
我問荃灣線可否於不影響觀塘線下掉頭, 其實就是想知道有沒有可能令觀塘線繼續維持頻密, 保持觀塘線疏導能力
完美解決問題, 我不敢說, 但至少還可減少人群擠出道面、險象環生的情況
(若閣下也有好提議, 不妨與大家一起討論 )

至於南北線問題, 我不知為甚麼令閣下覺得沒有疏導作用
但以小弟愚見, 若有南北線存在, 乘客至少會覺得有一條就近的過海鐵路作替代, 上地面的人會較少
另外我亦不知為甚麼令閣下覺得我往後會說「只靠鐵路過海係唔啱」
我說不應該依賴的意思, 僅指不應該要九龍最繁忙地區如此依賴一條線路過海, 而非 不應該著重以鐵路過海
(若前文表達有不清, 小弟再次致歉 )
我並非恨港鐵, 只恨其短視
若起了南北線後, 南北線與荃灣線一同「掛掉」, 我也心甘命抵, 因為應該起的已起了, 那時再罵應有第五條過海鐵路便是真正無理