近日轉o左工作地點後有"合約車"坐，以我所見那些"合約車"有Serena、NOAH、05-09年Stepwgn，這些車接近全部有"環保私家車"認證，我唔敢肯定呢d車攞"環保私家車"認證後係未唔再係性能最高的型號，但我坐過Serena同NOAH的經歷各有不同

性能：
Serena同NOAH都係用2.0L引擎CVT波箱，雖然好多車書都寫Serena引擎力水不足，但我覺得Serena用的CVT可以講係反應最好的，我第一次坐時唔知呢部車用CVT，但我覺得完全冇一般CVT個種起步遲緩的感覺，甚至上斜起步都完全冇遲緩，同一般有波段的自動波箱反應差唔多，而T車起步就真的比較遲緩，而且就算大油起步都冇推背，反而T車的中段加速比較凌厲，坐滿八人都係用3,000 rpm以下加速，而且好快就上到60km/h，Serena就需要保持近4,000 rpm來加速，反而佢起步的推背感就大得多，可能Serena個種「有頭威冇尾陣」的性能帶比好多人"冇力水"的印象

噪音：
八人車始終唔係跑車，所以我唔會要求佢有好靚的引擎聲，但因為我每次坐呢d車的路程都幾遠，而且行駛不同的路面，如果路噪、胎噪過大的話真係好難頂，NOAH係減少路噪、胎噪方面就比Serena出息，Serena唔算太嘈但每次被震一有反應時就有好大"boom boom"聲，而且連車尾門都會有嘈音，可能日產的裝工仍然係差少少。引擎聲就兩者都係好細，NOAH一到三千轉引擎聲浪就較大，但比到我一種引擎不斷發力的感覺。

舒適性：
Serena同NOAH係設計時唔知係未目標顧客唔同，所以車廂空間都差唔少，Serena比較高大同長，但坐墊同椅背都較薄，所以even佢座椅吸震唔及NOAH強，但腳位比NOAH好好多，NOAH的座椅坐墊同椅背都相當厚，坐落去好有坐梳化的舒適，但NOAH車身始終短d，令中排同後排的腳位都較差，我今日坐尾排，腳位不足，仲要係中排已向前移，中排乘客的腳位都唔多得好多。

不過NOAH的座墊厚度可以補償呢樣不足，而且吸震比Serena好，NOAH一過較大的凹位時，車會沿凹位跌落去，但好快就平返，反而Serena過凹位後部車會彈一彈先平返，再加上Serena被震的噪音，坐長途爛路的話可能冇NOAH咁平順

Serena唯一係呢方面好的係轉彎時抵抗車身傾側的能力較強，只係坐中間先要找扶手，NOAH轉彎就好側o下，如果要長時間行彎路的話我唸會幾易暈浪

總結：
呢兩部車的優點同缺點都同對方完全相反，所以我覺得呢兩部車商用的話係唔錯，自用的話我覺得麻麻，但如果比我買車時二選一的話，我仍然會選Serena，始終腳位對於我來講係好重要，而且香港的駕駛環境來計，Serena的起步性能較為可取。

THX FOR READING 歡迎討論

自用當然選 Serena，但商用車而言，Noah 較保值。

另問 Serena 是 Green 版還是 HighwayStar版？前者的舒適感較高，後者的避震較硬。而且家庭車是 Serena 賣點，地台底；相反，Noah、Wish 只是互補不足去取代 Picnic。

PS.名下公司而家有 Alphard350 同 Vellfire，每三年便換車，由司機打理。

龍 :自用當然選 Serena，但商用車而言，Noah 較保值。

另問 Serena 是 Green 版還是 HighwayStar版？前者的舒適感較高，後者的避震較硬。而且家庭車是 Serena 賣點，地台底；相反，Noah、Wish 只是互補不足去取代 Picnic。

PS.名下公司而家有 Alphard350 同 Vellfire，每三年便換車，由司機打理。

我坐個架係Green版，不過以前Picnic好似都唔算細，而家的Wish同Noah感覺上愈整愈細

GZG50 :

龍 :自用當然選 Serena，但商用車而言，Noah 較保值。

另問 Serena 是 Green 版還是 HighwayStar版？前者的舒適感較高，後者的避震較硬。而且家庭車是 Serena 賣點，地台底；相反，Noah、Wish 只是互補不足去取代 Picnic。

PS.名下公司而家有 Alphard350 同 Vellfire，每三年便換車，由司機打理。

我坐個架係Green版，不過以前Picnic好似都唔算細，而家的Wish同Noah感覺上愈整愈細

Picnic 中排對比 Alphard MS/G 中排真係差唔多…對比 Wish/Noah，Picnic 都叫做中型車，2.0。Wish 針對Stream，Noah 針對 Stepwgn；前者旅行車，後車 Slide-door MPV，已經好大分別。如果講 MPV，可以考慮一下 M5 同 M8，其實老鼠頭之外係唔錯。

我唯獨比較鍾意 Alphard 350 冷光燈，另外 GS300/LS460Lh/Prius250 都係好選擇。

以我所見所有SERENA合約車都係GREEN版...冇天窗果隻.....攪到我成日影錯車....

阿翹仔 :以我所見所有SERENA合約車都係GREEN版...冇天窗果隻.....攪到我成日影錯車....

而家新落車既 2010年車 Green 版都有雙天窗三電門架喎…

我公司都有呢三款車
我通常會渣Serena HWS
性能方面Serena真係唔錯
又易睇位相比其餘兩款

今日有幸坐到Mazda 8，最初上車時唔對Mazda有好大期望，但呢部車完全令我對Mazda刮目相看

今日同平時一樣係由觀塘經東隧去愛秩，以往坐Serena係觀塘道Chok已經到肺到甩，但M8係觀塘道係只有被震不斷工作，而車身係可以完全保持水平，就算係坪石邨出面龍翔接駁去觀塘道個條橋，M8都係四平八穩，但Serena同NOAH就係個段路左搖加擺，兩者令乘客完全感覺到個條橋的彎度，出東隧後去愛秩的一段路質素較差，以往坐Serena係個段路就同坐ADL差唔多，但M8竟然可以將個段路的凹凸過濾，車身只係龜背位先有擺動。

雖然行車平穩，但M8一直都冇令我覺得悶，因為佢的被震容許更多高速過彎，整程車的動感仍被保留，同埋佢的平穩同安全感，令我回程時累氣全消

車廂裝飾M8就不及NOAH同Serena，但設備不差，中排獨立椅更有兩邊armrest，唯一要批評的係後排同行李箱的空間，係M8的車長來講，後排同行李箱的空間真係笑話

性能方面，M8用五前速自動波，起步反應比CVT自然，加速十分柔順，感覺唔到轉波，力水都唔算太差，而且M8的隔音非常好，胎噪、被震同車身組件的噪音接近零，我近期坐了好幾款大路的日本車，有Jazz、Noah、Serena同Tillda，呢幾款車其實都好好，但M8就真係一次已經令我心動，更令我將佢排係個四部車之上。以前認為Mazda代表差的人，坐一次M8就可以知咩叫好咩叫唔好。

可是佢始終係Mazda，我想買M8時都唔知買唔買一手好

M8唔係NOAH同Serena個級，所以有咁既表現我覺得係理所當然
當年Mazda加左zoom zoom元素之後，幾款車系整體表現都有所上升，尤其係操控

NA :M8唔係NOAH同Serena個級，所以有咁既表現我覺得係理所當然
當年Mazda加左zoom zoom元素之後，幾款車系整體表現都有所上升，尤其係操控

點解 M8 同 Noah / Serena 唔同級…？大家既定位都係雙趟門掀背既 MPV，主打都係家庭車同埋公司外勤車，真皮位，價格又相近，唔同點解係唔同級。定係香港人已經漸漸忘記萬事得既存在？

是日參考豪華版價格：
Noah 豪華版：$ 299,949（Ref）
Serena Green S-Dynamic：$ 278,800（Ref）
Mazda 8 2.3 Deluxe：$ 299,990（Ref）

當然，Mazda 8 係舒服，只不過佢個老鼠頭係好難睇位，對比 Stepwgn 都叫易D既…白花油王子都係用緊 M8，同時都有唔有人拎 M8 上路。不過我可以肯定，M8 係最食油果架，再加上同三菱一樣，「落地唔見一半」先令家庭用家卻步。最保值既，一定係 Noah；公司用車用到殘唔介意二手價同折舊率既就一定係 Serena。

不過咪話我話，而家Mazda的車係香港真係好罕見，聽人講中電雖然以前用開Mazda的貨van，但因為耐用性太低而轉哂用Hiace

終歸日本車始終係要靠耐用性來贏

龍 :

NA :M8唔係NOAH同Serena個級，所以有咁既表現我覺得係理所當然
當年Mazda加左zoom zoom元素之後，幾款車系整體表現都有所上升，尤其係操控

點解 M8 同 Noah / Serena 唔同級…？大家既定位都係雙趟門掀背既 MPV，主打都係家庭車同埋公司外勤車，真皮位，價格又相近，唔同點解係唔同級。定係香港人已經漸漸忘記萬事得既存在？

是日參考豪華版價格：
Noah 豪華版：$ 299,949（Ref）
Serena Green S-Dynamic：$ 278,800（Ref）
Mazda 8 2.3 Deluxe：$ 299,990（Ref）

當然，Mazda 8 係舒服，只不過佢個老鼠頭係好難睇位，對比 Stepwgn 都叫易D既…白花油王子都係用緊 M8，同時都有唔有人拎 M8 上路。不過我可以肯定，M8 係最食油果架，再加上同三菱一樣，「落地唔見一半」先令家庭用家卻步。最保值既，一定係 Noah；公司用車用到殘唔介意二手價同折舊率既就一定係 Serena。

咁M5又係咩級？
M8一直以黎我當成佢係上到odessey同previa個級...

M8應該同Previa同級，只係Previa豪好多，但同Odyssey係未同級就難講，因Odessey冇躺門

M8係咪同Odessey係咪同級，可以咁睇

千禧年之前，三間車廠分別有既係Previa, Odessey同MPV(即係依家既M8)，到今時今日，三款車既定位其實都係冇變，係一部FULL SIZE既MPV。由始至終Odessey都係冇趟門，但呢樣唔係計算同唔同級既因素，你只可以話佢冇左趟門呢樣設備。另外，日產既Pressage都係呢個level，某程度上係填補Elgrand同Serena中間個一層

至於Noah個級既MPV，好似Stepwgn, Serena, M5(Premacy), Voxy等等，其實都係九十年代尾千禧年倒彈出黎(Serena本身唔係一部家用既MPV，我好記得有本雜誌講過呢部車係前三代係一部客貨車佈局既物體，patpat坐住引擎個種)，呢類車大約都係用圍住2.0L既引擎既MPV，原因係本身FULL SIZE既MPV太大食...

Wish, Picnic同Stream係載七個人但部車係想加強操控性，所以捨棄趟門而去降低車身同做得比較流線型

而Alphard同Elgrand，Alphard係比Previa升格為更豪既MPV，而Elgrand就係因為要對抗Alphard所以升一個grade，未升grade既Elgrand可以話係同Previa同一個級


M8得番2.3L，係因為MPV被評為大食又冇力(九十年代頭個代最嚴重)，所以降低引擎耗油黎洗脫呢個標籤

萬事得車，我屋企咪用緊，D大病都係十年之後先彈出黎，耐唔耐用就睇你點睇...

NA :M8係咪同Odessey係咪同級，可以咁睇

千禧年之前，三間車廠分別有既係Previa, Odessey同MPV(即係依家既M8)，到今時今日，三款車既定位其實都係冇變，係一部FULL SIZE既MPV。由始至終Odessey都係冇趟門，但呢樣唔係計算同唔同級既因素，你只可以話佢冇左趟門呢樣設備。另外，日產既Pressage都係呢個level，某程度上係填補Elgrand同Serena中間個一層

至於Noah個級既MPV，好似Stepwgn, Serena, M5(Premacy), Voxy等等，其實都係九十年代尾千禧年倒彈出黎(Serena本身唔係一部家用既MPV，我好記得有本雜誌講過呢部車係前三代係一部客貨車佈局既物體，patpat坐住引擎個種)，呢類車大約都係用圍住2.0L既引擎既MPV，原因係本身FULL SIZE既MPV太大食...

Wish, Picnic同Stream係載七個人但部車係想加強操控性，所以捨棄趟門而去降低車身同做得比較流線型

而Alphard同Elgrand，Alphard係比Previa升格為更豪既MPV，而Elgrand就係因為要對抗Alphard所以升一個grade，未升grade既Elgrand可以話係同Previa同一個級


M8得番2.3L，係因為MPV被評為大食又冇力(九十年代頭個代最嚴重)，所以降低引擎耗油黎洗脫呢個標籤

萬事得車，我屋企咪用緊，D大病都係十年之後先彈出黎，耐唔耐用就睇你點睇...

講起 Serena 既歴史 1992 年版既 Serena 仲係貨Van，到 93 年開始成為八座位車，到 97 年Facelift，代號 C23，99 年由新版 C24 取代。07 年合誠引入 C25，無天窗，08 年加入電鍍鬼面罩，雙天窗，09 年Facelift 加入電尾門（Green版），到 11 年初應該 C26 新款 Serena。

2005 年係一條好好既分界線…粗字代表 2005 年前既車款。
Wish(Picnic) vs Stream vs Grandis vs Premacy
（五門掀背旅行車）

Madza 5 vs Prairie/Presage（好明顯又唔記得左佢）vs Odessey
（五門掀背家庭車）

Noah(Voxy) vs Stepwgn vs Serena vs Madza 8
（雙趟門掀背）

Previa(Estima) 當時真係可以話係雙趟豪華七人車獨市…

Alphard(Vellfire) vs Elgrand（vs H1 9座位版本 vs Viano 8座長陣版）

其實唔係 Elgrand 升grade，因為 E50 時代既 Elgrand 已經係單電趟門…反而 Estima 係連電索門都冇…03 年 Alphard MS 只係手動電索，要數到 04 年 Alphard G 先用到雙電趟門…去到 Alphard 240/350 先至有電尾門…