我老豆之前已經泊起頌安街場附近露天停車場成幾年
一直都相安無事
近幾個月領匯同我老豆講話唔比佢呢種中型貨櫃車泊
不過比左馬鞍山警察嗰邊既爛地佢泊
但月租貴幾舊水
我係住頌安，咁即係我老豆要行多幾個字拎車
問題黎喇...
點解淨係唔比中型貨櫃車泊而唔係堆重型貨櫃車呢?
不過我老豆見佢肯比位佢泊就算
之後今日
領匯又唔比我老豆泊嗰塊爛地
今次衰到震
連位都冇提供
結果而家我老豆焗住要泊樓下個露天停車場(又係領匯)
呢個停車場收日租，一日成七十蚊
泊一個月比之前貴成倍!!!!
我老豆當然唔服，打去問領匯
領匯話地政署唔比，叫我老豆去問
我老豆咪打去問地政署
地政署叫我老豆打去運輸署...
之後我老豆就冇再打電話去...
我想問而家點做好?
