Greenones :我建議將十四日內沒有回覆的文章自動鎖上，會員有需要回覆時，再聯絡個別板主解鎖並回覆。

一來板主可以先衡量回覆是否「有意義」或恰當，假若認為沒有需要讓會員回覆，則只需跟會員交代一聲，無需作任何處分手續，省卻步驟；

二來會員不會因為 板管及會員之間對於文章的「意義」或「迫切」程度的不同 而受罰，避免了會員花心機回覆但最後反被處分的情況 (誠然小弟亦曾遭受如此待遇)。

希望板管認真考慮一下

OriYuen.1802 :

Greenones :我建議將十四日內沒有回覆的文章自動鎖上，會員有需要回覆時，再聯絡個別板主解鎖並回覆。

一來板主可以先衡量回覆是否「有意義」或恰當，假若認為沒有需要讓會員回覆，則只需跟會員交代一聲，無需作任何處分手續，省卻步驟；

二來會員不會因為 板管及會員之間對於文章的「意義」或「迫切」程度的不同 而受罰，避免了會員花心機回覆但最後反被處分的情況 (誠然小弟亦曾遭受如此待遇)。

希望板管認真考慮一下

此舉只會減低會員回覆之意欲，即使違反規則，如非蓄意，板管均會重輕發落，故不建議將之自動鎖上。

Greenones :

OriYuen.1802 :

Greenones :我建議將十四日內沒有回覆的文章自動鎖上，會員有需要回覆時，再聯絡個別板主解鎖並回覆。

一來板主可以先衡量回覆是否「有意義」或恰當，假若認為沒有需要讓會員回覆，則只需跟會員交代一聲，無需作任何處分手續，省卻步驟；

二來會員不會因為 板管及會員之間對於文章的「意義」或「迫切」程度的不同 而受罰，避免了會員花心機回覆但最後反被處分的情況 (誠然小弟亦曾遭受如此待遇)。

希望板管認真考慮一下

此舉只會減低會員回覆之意欲，即使違反規則，如非蓄意，板管均會重輕發落，故不建議將之自動鎖上。

咁請問有幾可會員會蓄意去推文？通常犯得呢條既，一係就係一時大意無睇最後回覆日期，一係就覺得自己係有必需/有意義去用返同一個主題去回覆

以今次呢個 case 又叫唔叫做「重輕發落」？ apparently 有關會員唔覺得係重輕發落囉

GJFT :

9.1 不得在超過 14 天沒有新回應的主題發表沒有意義的回覆

大家回望呢條版規，相信頭一半的「不得在超過 14 天沒有新回應的主題」應該無大的問題，
何為「發表沒有意義回覆」，咁就在於該回覆是否 有必要性 同埋 一定要係個篇主題回覆。

相信大家都知道咩叫「廢話」，即係講完同唔講的都無分別，
但點解講完同唔講都無乜分別？一來係因為講的野對其他人根本無幫助，或者人地對句說話根本無迫切的需要，
例如一句「我呀媽係女人」，大家日常生活一聽到咪講「鬼唔知你呀媽係女人」，即係係廢話一句，
因為大家係普通的場合跟本唔需要「我呀媽係女人」呢句話以及當中的道理，
但轉轉場合，如果係一場問答比賽入面一條問題問：「你呀媽係男人定女人？」
咁相信大家都唔會覺得「我呀媽係女人」呢句係廢話了吧，因為係比賽的場合你需要呢句說話，
但假若呢題當時唔識答的話，比賽完左先知答案，「我呀媽係女人」咪又變返做廢話。

返返轉頭，就可以正正解釋到咩為之「沒有意義回覆」。

點解求 219X 牌巴士後兩個月先回覆係沒有意義，正正因為人地要知的時候一早已經過哂，
係一個求檔區，我地都默認大家係有迫切性先會貼文，係因為論壇有佢的通訊力係度，多人睇就自然有得快，
如果無迫切性的話用左 MSN 好耐啦，係唔係先？
同十萬火急問人借三十萬，人地過左三個月先同你講我而家有十億送比你情況一樣，
人地急都急完，問大耳隆借左條數狂收息都好都還哂錢啦，過三個月後先送比我都無意義。
同時間，你可以用私人訊息同樓主講，而呢篇文本身亦無迫切要由底升返上面再通知大家，
除非你可以証明到有好多好多會員都等緊一部 219X 牌的巴士玩。

再分析一下樓主的例子，點解一篇回覆貼住「四部都得」係一篇沒有意義回覆，
係唔係真係毫無意義，我可以答你唔係，但有無必要再將篇文由底拎返上面去宣揚「四部都得」呢？
唔係話我用一個版管身份屈大家機，係用一個正常會員同正常人的角度一睇，
都可以望得出好明顯無必要係同一篇文入面將沉哂底的內容再推上頂一次。
想指正他人話「三部已經盡」的講法，大可以開一篇新的主題再討論，而唔需要推文。

「版管講哂」呢個心理你喜歡的話我自己並無所謂，
但事實上版管都係一個正常人，咩為止「有必要」咩為之「無必要」我地都係用一個正常人的角度去睇，
他日任何一位升任做版面管理員的會員都係曾係做過一個普通會員，一個無戶口的旁觀者，
而我，呢個管理層，都曾經係。

最後回一回應：點解你覺得人地篇文比你更無意義但都無作出「推文」處分，
係因為只有樓主你篇回覆同你回覆之前的一篇回覆相距十四日以上，先可以定為推文。

Francium :

GJFT :除非你可以証明到有好多好多會員都等緊一部 219X 牌的巴士玩。

在此，希望板務人員可以下一個客觀D既定義
免得大家難做