問下唔係唔得
只不過問問題之前可唔可以動一動腦筋呢
或者睇一睇回文理解下呢
例如樓主係消防員坐升降機上去救火就諗到
"火警發生時, 消防員又點知道火警係咪發生於升降機旁邊呢?
仲會唔會或者消防員黎到, 火勢已經蔓延到升降機旁邊, 消防員都未必知"

係呢條問題之前，我回文都講到消防員唔會停係著火個層
亦有板友回文話升降機道門有一定既耐火能力
再加上消防員上去之前一定會係下面理解一下情況(觀察，甚或乎已經有保安嘗試救火而可以知道情況)

咁唔知大家認為呢條問題會唔會出現?

如果好學自己SEARCH埋資料
亦會知道消防升降機開門係要咁實開門制
度門慢慢開，一有事鬆手部升降機會即刻關門

所以如果樓主有細心睇回文
根本唔會問到呢條問題
(係而家我暫時既形容詞係亂問一通，毫無思考)

我諗樓主#1既問題係值得答
但如果大家答完，樓主完全無思考
而只係不斷問問題，甚或乎拎哂極端情況出黎
咁大家點討論?
唔通又叫板友舉世一百個無事既極端例子
例如"場火根本好細"，"場火無可能燒到咁"...
咁根本無得討論
呢度係一個討論區
討論既只係一般情況
唔係話無極端情況
而係 係現行既科技，標準之下
會唔會有咁多極端情況?
而且就算有極端情況
咁就可已經可以唔使討論
因為人類可以不斷製造唔識解既難題
好似上文咁，樓主已經可以話埋燒到好大火
連層樓都倒塌埋
咁全部人係部升降機咪會死哂
咁試問板友點討論?
如果叫板友唔好答，呢度叫唔叫討論區?
可能板友態度唔太好，只不過樓主咁問問題法，如何討論已經成疑....

樓主講到消防員唔知XX情況會點會點，試問消防員都唔知的東西，一個普通人又點解釋得到？

亦可以咁講，如果消防員見到火警蔓延到升降機門口就企係度的話，咁佢地唔使進入火場救火啦，全部消防員企哂係地下等d火自己熄就得啦

有時唔係話唔想答樓主，而係樓主永遠只忠於佢自己設定的model answer，而且佢的model answer毫無sense可言，答佢都哂氣

成單野根本就係有人為問而問
甚至可以講係冇腦去諗過

連消防升降機係咩都未知就學人問
返去讀多幾年書先啦

海生冇睇過電梯資料網果篇文章?