香港巴士論壇

依個年代八十後/九十後係社會上受長輩白眼已經唔係新鮮事，
耐不耐報章就有關於長輩投訴八十後/九十後的報導，
最近甚至有顧主話八十後/九十後係一班不負責任的人，
其實到底係新一代唔識唸，
定係大人自己矛盾在先呢？

講回根本問題，
今時今日讀完書投身社會的八十後，
好多都想有份好工，
最好朝九晚五一星期返五日，
人工有得deal有得升，
可惜社會競爭太大，
導致好多行業新入行的人人工福利都大不如前，
儘管能力上佳的人都未必搵到份荀工，
轉工潮自然出現，
但點解八十後剛搵到工又會加入轉工潮呢？
究竟係社會太將職業分開貴賤定係八十後真係眼角太高？

我會比較buy前者，
但社會有呢種分化的原因可以講係出於大人，
各位身為八十後(包括我)/九十後都會遇過父母當年問大家大過想做咩，
但佢地對這些年青人的答案通常都有好大限制，
佢地認為：人工唔好→冇前途→唔做，返工多o野做→辛苦→隨時做死一世冇得升→搵份優差，基層工作→侮辱讀書人→唔做
但其實咩叫人工唔好，咩叫辛苦，基層工作點解唔可以比讀書人做，
佢地都未必會話比年青人聽，
只會話冇前途，
其實前途又係未只靠一份工作去定斷的呢？
去黑社會打工故然冇前途，
但一份正當工作的前途唔係打工者自己爭取的嗎？

打個比喻，
一個讀完哈佛大學的人，
返到黎香港完全適應唔到香港的節奏，
完全冇領導能力、冇工作能力，
有老闆肯比十萬蚊一個月佢唔駛佢做都好，
係未代表呢位大學生會有前途呢？

當呢個社會已經被班大人搞到用錢黎斷一個人的勝負，
我覺得班大人係時候收歛一下，
好好思考佢地以前教年青人的方法有否導致今日的局面，
唔好一面倒話八十後係不負責任的人lo

不過又公道d講，
好多八十後/九十後又真係應該思考一o下自己的工作態度/能力，
唔好比人睇到太多負面的態度

歡迎討論

GZG50 :依個年代八十後/九十後係社會上受長輩白眼已經唔係新鮮事，
耐不耐報章就有關於長輩投訴八十後/九十後的報導，
最近甚至有顧主話八十後/九十後係一班不負責任的人，
其實到底係新一代唔識唸，
定係大人自己矛盾在先呢？

講回根本問題，
今時今日讀完書投身社會的八十後，
好多都想有份好工，
最好朝九晚五一星期返五日，
人工有得deal有得升，
可惜社會競爭太大，
導致好多行業新入行的人人工福利都大不如前，
儘管能力上佳的人都未必搵到份荀工，
轉工潮自然出現，
但點解八十後剛搵到工又會加入轉工潮呢？
究竟係社會太將職業分開貴賤定係八十後真係眼角太高？

我會比較buy前者，
但社會有呢種分化的原因可以講係出於大人，
各位身為八十後(包括我)/九十後都會遇過父母當年問大家大過想做咩，
但佢地對這些年青人的答案通常都有好大限制，
佢地認為：人工唔好→冇前途→唔做，返工多o野做→辛苦→隨時做死一世冇得升→搵份優差，基層工作→侮辱讀書人→唔做
但其實咩叫人工唔好，咩叫辛苦，基層工作點解唔可以比讀書人做，
佢地都未必會話比年青人聽，
只會話冇前途，
其實前途又係未只靠一份工作去定斷的呢？
去黑社會打工故然冇前途，
但一份正當工作的前途唔係打工者自己爭取的嗎？

打個比喻，
一個讀完哈佛大學的人，
返到黎香港完全適應唔到香港的節奏，
完全冇領導能力、冇工作能力，
有老闆肯比十萬蚊一個月佢唔駛佢做都好，
係未代表呢位大學生會有前途呢？

當呢個社會已經被班大人搞到用錢黎斷一個人的勝負，
我覺得班大人係時候收歛一下，
好好思考佢地以前教年青人的方法有否導致今日的局面，
唔好一面倒話八十後係不負責任的人lo

不過又公道d講，
好多八十後/九十後又真係應該思考一o下自己的工作態度/能力，
唔好比人睇到太多負面的態度

歡迎討論

有時可能係長輩自己都有錯
八九十後更加係
不過有d長輩係好鍾意逃避事實真理,求奇作故仔去話d八九十年唔岩咁
八九十後話地產霸權,果個唐英年佢都係逃避事實姐
好似俾d錢洗左腦咁,亂吠
當然,有時八九十後過激又真係唔岩既...
都係果句啦
兩者都有錯處,不過d長輩用咁既方法逃避真係好有問題

不如咁講
依家兩代之間之所以有代溝
最主要因為兩代的生活背景唔同
詳細資料性我就唔講太多，但總之 80後/ 90 後依家俾長輩既感覺係太衝動、唔識忍同埋無熱誠
而事實上的確有一班呢類人係度，但唔代表所有 80 後/90 後都係

d 長輩之所以對呢班人白眼, 係因為佢地將呢班 80/90 後同自己比較
諗返之前自己打仗、做工廠等呢 d 辛苦既經歷
睇返 80/90 後依家人工賺少左少少 , 再唔係份工辛苦 d , 就上街抗議 , 直數政府不是
自自然然就會反感

當然 , 唔可以話長輩岩哂 , 佢地其實都屬於自私既一群
總係想拎哂所有野 , 又成日放心唔落之類
其實說到底 , 佢地係因為已經有一定競爭力 , 既然有得賺咁多 , 做咩要退落黎 ?
我相信有部分係咁諗
不過我會覺得有時長輩所講既野都會係正確
而且係好正確既人生觀
所以其實 80/90 後同長輩無話邊個絕對錯

或者咁啦 , 我 out track 講下

我地成日講大人唔好 , 我會覺得有 2 個原因
第一 , 大人話我地唔好 , 我地有種自尊既心態 , 心諗 :「你憑咩話我?」就會話大人唔好
第二 , 從旁觀角度覺得 , 大人總要犯上同樣的錯誤 , 然之後就會諗 :「我地做得比佢地好好多啦」
講還講 , 但其實我地又係得個講字
做呢 ? 唔知 , 因為無機會 , 或者會好過班大人 , 但大部分都未必會好過
生活上每件事考慮既因素太多 , 有時呢班成年人明知要錯都要錯 , 係迫不得意 , 我地睇佢地錯 , 未必真係佢傻到明知要錯走去錯
而係可以佢考慮過好多因素 , 平衡返各方面之後所作的決定
其實諗深層 , 我地何嘗唔係咁 ?
我相信個個都講過大話
我地講大話明知係錯 , 但都要做 , 點解 ?
因為我地唔可以失去某 d 野 , 好似面咁

所以我會覺得 , 我地 80/90 後同班長輩最唔同既地方係咩 ?
大家都係人 , 性格或多或少都係咁 , 都係自私
考慮既野其實有時都幾相似
但係唯一唔同 , 就係生長環境

我地生活係和平年代 , 長輩生活係戰亂時代 , 或者係比較複雜既社會
長輩習慣左諗野諗得全面、複雜 d ; 我地諗野就習慣快、直接
咁自自然然長輩就會覺得我地諗野太單純
相對地 , 長輩可能會諗好多野 , 做任何野都小心翼翼
但我地 , 可能諗都無諗得咁多 , 覺得班長輩杞人憂天
有時的確係
但有時呢班長輩講既野的確有道理
所以你話是非黑白 , 兩者(80/90年代同長輩)係無衝突
無話邊個真係唔好邊個真係好

不過我會肯定的是 , 其實 80 後同 90 後之間你話有無衝突
其實都有架喎!
例如有 d 80 後老師 , 可能會俾班 90 後話教得唔認真 , 或者諗野唔夠全面
所以 , 或者真係有 d 係唔好 , 但都係各花入各眼而已

小小意見~

認同樓上兩位所講，
依家八九十後經過香港教育的洗禮後，
可以講思想真係可以變得好單純又好直接，
其實好多八九十後都喜歡模仿一d社會知名人士的行為，
例如班社運人士就鐘意模仿長毛個d激進行為，
你問佢地咁樣做適唔適合佢地，
佢地多數都會覺得：「人地做得咁樣又可以變名人，點解我唔可以？仲諗咁多中間的o野做咩？」

依家八十後可以分成兩個極端，
一種就係好似上面所講只走直線完全唔轉彎的激進人士，
另一個極端就係好怕事寧願係起點就調頭走的人，
能夠係兩者取到平衡的八十後唔係冇，但相信比兩者少，
我識有些八十後出黎做o野真係咩都只係識避，
有d o野比佢去跟去睇，跟足半年有多都唔知有些系統應該從邊個源頭開始睇起，
有時交流時只係識講：「咁辛苦，唔通我去咁深入睇呀，求其睇d表面o野就算啦，你搵自己辛苦睇咁深入托咩？」

可能因為我最初加入依家個部門的頭一年真係跌過好多次，
導致我依家返工好似有OCD咁，
有時變得比較緊張覺得有好多o野唔問過唔知個道理係唔得，
但我覺得主動同上司交流困難同自己唔明的地方，
縱使上司未必完全認同呢種方法都好，
唔係總比自己盲摸更好嗎？

所以我覺得長輩錯中有o岩的地方，
就係話八十後好多都冇o左深度，
其實呢樣唔係錯，
的確愈來愈多後生係自己最有精力的時候放棄o左自己
但我始終堅持社會依家的極端分化，
大人係有責任去解決

本文章評分: +1

 

評分:

會員	時間	評分	評語
Motorfore	2011年6月19日 02:12:01	+1	likes "有好多o野唔問過唔知個道理係唔得"

(off topic)李卓人叫激真係不安到爆......咁搞法社運界唔多駛做嘢啦......
其實根本唔應該用年齡層級去睇今日青年們同現時主流社會嘅衝突，年齡本身代表唔到乜嘢，衝突嘅產生係由本身社會地位的高低而嚟，仲有就係教育制度同實際社會嚴重脱節

va53 :(off topic)李卓人叫激真係不安到爆......咁搞法社運界唔多駛做嘢啦......
其實根本唔應該用年齡層級去睇今日青年們同現時主流社會嘅衝突，年齡本身代表唔到乜嘢，衝突嘅產生係由本身社會地位的高低而嚟，仲有就係教育制度同實際社會嚴重脱節

如果閣下覺得不安我就刪除佢個名吧，無謂引起罵戰

依家香港的集體智慧喪失
人人單信政黨/傳媒的言論
不願思考
又過分排斥對立的觀點
個個人云亦云
亦為今日社會咁多衡突的原因

亦係太多人在看一件事情的時候
只歸究於單一的原因/看到單一的結果
最後自己經驗不足
自我埋下陷阱

別人因此得益,但自己受損
對立衝突自然多