香港巴士論壇

《 KODA KUMI 》 :
老師唔敢破口大罵....唔該, 又係繼續多謝各大過份寵愛自己子女既家長吧
以前做老師, 你做錯事佢地都會大大聲咁罵, 甚至間尺打手掌都有,
而家, 即使個細路做得有幾錯, 莫講話體罰, 就算老師係罵得岩, 有道理都分分鐘比呢d 家長投訴, 甚至係比學生投訴返轉頭
根本而家"愛"就係一切, 咩野黑白事非, 感覺上已經冇人會教佢地, 家長唔識教, 老師唔敢教........
試問起咁既環境下長大, 佢地又點會知咩野係岩, 咩野係錯?

上面講既野唔係我幻想ga, 報紙都有講ga


呢個年代你仲敢用籐條???? ok , 你用得, 又唔該唔好比人知
比人見到, 一陣又比鄰居, 甚至係你個仔報警話你虐兒

起而家咁樣打下都話係虐兒既社會風氣下, 試問d 細路仲點會驚d 父母? 仲唔到佢惡晒大晒? 個個做晒皇帝仔la

係咁仲要多謝果D所謂專家, "細路仔唔係咁樣又打又鬧就會教得好架"
"細路仔我地係要耐心D同佢地解釋等佢地知咁樣係啱定唔啱"
仲有果D諸事嘅路人鄰居甲乙丙, 人地打仔你就幫手報警拉老豆老母,
喂, 打仔教仔何其正常啦, 依家只係巴掌籐條,
又唔係拳打腳踢甚至打到佢斷手斷腳啵, 咁正義報警就唔該去幫手教埋個仔一份!
真係依家個社會完全畸哂形...

諗起以前細個比亞嫲用不求人狂 Fit 我會反抗,
甚至鬧返亞嫲轉頭話佢咁打我, 點知就打得仲勁,
"我依家教你有乜唔啱!! 叫差人嚟我都唔驚!!"
我果陣有時真係好奀皮, 真係唔比亞嫲用籐條壓制下都唔得,
換左依家? 我亞嫲拉得咯...

本文章評分: +2

 

評分:

會員	時間	評分	評語
巴士狂徒	2011年7月17日 00:51:28	+1
Hayabusa	2011年7月18日 13:38:37	+1

巴士狂徒 :而家社會風氣係鼓勵家長以勸導、鼓勵方法去教仔女，唔主張打佢o地
(o拿，係D社工同咩兒童心理學家講ga)
聽到呢D言論就知點解而家D死o靚仔可以咁有恃無恐...

做得岩既我讚同係用鼓勵既方法去教lo
但做得錯既, 唔通我又要去鼓勵佢?

如果下下做錯都真係慢慢勸, 我想知有幾多個細路係肯聽lo
我細個果陣都係癲癲地既, 勸? 我果陣都已經真係鬼聽佢up, 唔打都唔知衰既
今時今日, 同我一樣"鬼聽佢up"既細路都一樣大把, 但又唔打得, 咁仲有邊個驚同知衰?

《 KODA KUMI 》 :

巴士狂徒 :而家社會風氣係鼓勵家長以勸導、鼓勵方法去教仔女，唔主張打佢o地
(o拿，係D社工同咩兒童心理學家講ga)
聽到呢D言論就知點解而家D死o靚仔可以咁有恃無恐...

做得岩既我讚同係用鼓勵既方法去教lo
但做得錯既, 唔通我又要去鼓勵佢?

如果下下做錯都真係慢慢勸, 我想知有幾多個細路係肯聽lo
我細個果陣都係癲癲地既, 勸? 我果陣都已經真係鬼聽佢up, 唔打都唔知衰既
今時今日, 同我一樣"鬼聽佢up"既細路都一樣大把, 但又唔打得, 咁仲有邊個驚同知衰?

講真吖, 就連我細個果陣比亞嫲打都會反抗嘅時候,
如果果陣唔用體罰, 我相信我自己一定會比果條小學雞更反骨...

所以我覺得適當嘅體罰係要,
但係唔係叫D父母打到佢地D仔女斷手斷腳果隻,
用得得當, 巴掌打手板或者籐打我覺得係可以接受,
至少要比D仔女識得痛, 知道咁樣做係唔啱嘅

記得以前初中果陣見過個校長一把兩把咁掌摑D曳學生,
換左係依家? 真係分分鐘連校長個位都冇得坐,
只可以講, 依家個世界真係變哂啦...

魔法先生 Super Bus :記得以前初中果陣見過個校長一把兩把咁掌摑D曳學生,
換左係依家? 真係分分鐘連校長個位都冇得坐,
只可以講, 依家個世界真係變哂啦...

未打你已經唔洗做

另一人既觀點

我又覺得佢講得幾有道理
第一, 只係睇條片或者唔係事實既全部
第二...細路仔係街到扭計其實係件好普通既事

地方情報屋的日向博臣 :

另一人既觀點

我又覺得佢講得幾有道理
第一, 只係睇條片或者唔係事實既全部
第二...細路仔係街到扭計其實係件好普通既事

就算拍片的人都睇唔到成件事的來龍去脈都好，個細路仔係街咁失禮街坊法點都講唔過去啦

個細路的父母可能係因為見到人拍片先咁克制，否則個細路可能比佢老豆一拳打爆o左，扭計都唔應該扭到咁失禮街坊，而且個細路所讀學校的校譽亦會受影響，牽連甚廣

咁的確, 短短果三分鐘短片的確好難講誰對誰錯,
同埋細路仔扭計的確係好平常, 試問有邊個未試過細個果陣喺父母面前扭計漯呢樣漯果樣?
不過好似片入面個死細路咁嘅行為又會唔會太過出位?
我甚至反而會覺得佢唔似扭計, 直頭係以下犯上對父母嚴罵, 訓示,
點講都講唔通啦...

魔法先生 Super Bus :咁的確, 短短果三分鐘短片的確好難講誰對誰錯,
同埋細路仔扭計的確係好平常, 試問有邊個未試過細個果陣喺父母面前扭計漯呢樣漯果樣?
不過好似片入面個死細路咁嘅行為又會唔會太過出位?
我甚至反而會覺得佢唔似扭計, 直頭係以下犯上對父母嚴罵, 訓示,
點講都講唔通啦...

當然, 我本身都唔應同個細路既行為
不過其實拍片比人擺上網跟住全民公審咁樣係唔係小題大做左di

魔法先生 Super Bus :咁的確, 短短果三分鐘短片的確好難講誰對誰錯,
同埋細路仔扭計的確係好平常, 試問有邊個未試過細個果陣喺父母面前扭計漯呢樣漯果樣?
不過好似片入面個死細路咁嘅行為又會唔會太過出位?
我甚至反而會覺得佢唔似扭計, 直頭係以下犯上對父母嚴罵, 訓示,
點講都講唔通啦...

我個人就咁睇依家的父母同子女的關係，
其實好多時睇返六、七十年代的街童同依家的細路，
點解有咁大分別，
隨o左父母之外同社會本身都有好大關連。

以前六、七十年代的街童好多都係飢餓同危難中長大，
佢地如果冇同人搶、爭食的獨立生存技巧，
咁本唔會生存到，
而且以前的人邊會同你斯文，
串的實比人打，
變相當時好多街童唔使阿媽教都識做人，
再者當時的父母邊得閒理細路仔，
個班細路仔係不斷嘗試的過程中必定搵到成功的出路。

可能去到八、九十年代因為生活質素開始改善，
八、九十後細路的父母唔想仔女再淪落做街童，
有部份父母開始過度管束細路仔的行為，
管束的過程中缺乏灌輸細路仔「自古成功再嘗試」的哲學，
變成部份八、九十後的年青人遇上問題就開始退縮或者陣亡，
或者遇到困局就用抗爭或者強他人所難去解決問題，
漸漸變成父母教導仔女的困局，
亦可能因為呢個困局令專家開始灌輸父母要有愛心令仔女唔會受傷害。

咁以以上的改變黎睇，
到部份八、九十後年青人為人父母時，
唔再打細路可能係承傳佢地父母以前對佢地的愛心，
亦因為唔少年青人對事物的獨立分析能力愈來愈低又冇o左做人的哲學，
變相唔敢比細路仔作更多的嘗試，
咩都以物質補償，
又睇唔到極端的約束/放縱會造成的後果，
到細路仔扭計時父母一時間都制止唔到細路的行為，
或者用o左錯的方法去指責細路(例如係細路面前爆粗)，
造成今日的局面。

但究竟八十後的方法會成功，
定係返去六、七十年代的方法去教導細路仔會成功，
仍需時間去驗證。

本文章評分: +1

 

評分:

會員	時間	評分	評語
巴士狂徒	2011年7月19日 23:53:41	+1	不能同意更多