蘋果日報 :蘋果汁
CNNGo評選　星光大道「垃圾」景點

【本報訊】被旅遊發展局譽為本港十大景點之一的尖東星光大道，竟是外國遊客眼中的「垃圾」。美國有線新聞網旗下的 CNNGo網站，挑選出全球 12個最令人失望的著名旅遊勝地，星光大道榜上有名。
CNNGo形容，星光大道隨處可見搖着旗子的內地導遊與遊客，大道的「地標」李小龍雕像經常被他們包圍拍照，又批評缺乏休息地方，只有一大堆紀念品攤檔。旅發局主席田北俊對結果表示驚訝，指於 09及 10年的旅客調查，星光大道均是本港最多人遊覽的景點，甚少收到旅客投訴，只是去年收到一宗投訴僧侶在星光大道布施。他稍後會向星光大道管理公司反映，研究改善。

http://hk.apple.nextmedia.com/template/ ... d=15563027

CNNGo 原文： http://www.cnngo.com/explorations/life/ ... aps-077541

繼數年前某大郵輪數臭香港後，香港竟再被「垃圾」化，不過我覺得CNNGo話星光大道多大陸遊客所以垃圾又真係對香港有d唔公道，唔通我去到印度見到一街都係印度人，我就要話印度係垃圾景點嗎？反而講開休息地方，其實一個海邊長廊，點都係預o左比人行多過坐，不過加多d賣小食飲品的檔位或者長櫈可能會比較好ge，但咪又係比大陸人坐哂....

似乎班鬼佬都係唔鐘意旅行團，去旅行鐘意睇綠田園，香港真係唔適合佢地

如果比我數我去過的地方，我會覺得呢d地方先係垃圾：

1.) 新加坡烏節路：有好幾個大這商場，但商品又少款又貴，店員冇禮貌，新加坡華人圍住超市試食區餓狗搶食，真係肉酸到爆！
2.) 新加坡 Night Safari：收人成$72坡幣，唔比人影相都算，仲要加錢坐遊覽車係條完全冇燈的路上睇動物，有夜盲症的朋友敬請退票！而且乘巴士前往時一路只有公屋，如果唔係我職業上令我有興趣留意呢種東西，我覺得新加坡咁本都係一個石屎森林
3.) 新加坡 Clarke Quay：同星光大道差唔多，但仲少休息地方，四圍只得酒吧，唔飲酒的朋友覺唔覺得比星光大道更垃圾？
4.) 深圳市動物園：去親都比人捉去聽鹿*故仔先
5.) 溫哥華科學館：仲細過香港科學館，仲少o野睇....
6.) 大陸的歷史博物館：唔知有咩好睇，藏品好多都同共產黨有關，又熱又唔靚....

3.克拉碼頭我又唔係好同意,佢係一個舊倉庫改裝既酒吧區,除左酒吧之外,係外圍其實可以睇到佢既舊建築,
但同一時間又融合左現在新派既天幕,同時河畔區旁邊有d石級,好多人都會係道坐,
同埋除左酒吧之外,其實入面食肆都幾多,可以好易咁搵到區坐低食下野飲下野

香港既星光大道都係抄人地既,雖然我自己覺得夜景方面冇咩問題,但日景似乎就少左D野睇
選得出黎就實有原因既,其實今次入選都可以帶黎正面既影響,睇下旅發局果邊可以改善一下現有既缺點先會進步
同埋夜晚上面,星光大道地下既LED燈好多都係壞左,應該要改菩一下

張伯 :3.克拉碼頭我又唔係好同意,佢係一個舊倉庫改裝既酒吧區,除左酒吧之外,係外圍其實可以睇到佢既舊建築,
但同一時間又融合左現在新派既天幕,同時河畔區旁邊有d石級,好多人都會係道坐,
同埋除左酒吧之外,其實入面食肆都幾多,可以好易咁搵到區坐低食下野飲下野

香港既星光大道都係抄人地既,雖然我自己覺得夜景方面冇咩問題,但日景似乎就少左D野睇
選得出黎就實有原因既,其實今次入選都可以帶黎正面既影響,睇下旅發局果邊可以改善一下現有既缺點先會進步
同埋夜晚上面,星光大道地下既LED燈好多都係壞左,應該要改菩一下

星光大道睇的東西的確唔多，但話因大陸人多係呢個景點垃圾的原因之一我就唔太認同，香港係中國的地方，唔通會冇大陸人係香港出現？作者話東京都係垃圾景點我真係笑o左，咁講的話對於那作者來講應該只有森林先唔係垃圾景點

最不濟的CNN係FB的投票類面，竟然連觀塘都係Tourist Traps選票裡面，我想知觀塘幾時變o左旅遊景點的

我會覺得CNN呢篇文本來有可取之處，但整篇文就比唔少種族主義、無知、偏側的觀點破壞哂

GZG50 :反而講開休息地方，其實一個海邊長廊，點都係預o左比人行多過坐，不過加多d賣小食飲品的檔位或者長櫈可能會比較好ge，但咪又係比大陸人坐哂....

點解海濱長廊一定係行多過坐?
求其整D明星既手印、銅像係度就話係一個特色景點，唔好意思我諗真係得大陸人先識得欣賞囉

反而我係覺得唔清潔先係最垃圾

佢咁評姐係間接寫: 大佬人=垃圾

但呢d都係外國人既評價多