「拍片用 Fraps 啦」呢句話相信大家都明白，因為 Fraps 的應用範圍相當之廣泛，而且相當實用又簡單易用，係唔少人的首選，
但係 Fraps 究竟真正使用的方法，或者係功能有幾多大家又有無深入的研究呢？
係呢篇文章入面，我將會帶大家進入 Fraps 的世界
（被拖走），並以以下幾點作為教學的焦點：- 程式背景
- 程式外觀
- 常見問題
一、 程式背景
呢一部份用簡單的對答模式去令大家對 Fraps 有基本的了解
- 問：Fraps 是甚麼程式？
答：Fraps 是一種半免費的攝錄程式，主要功能分別為顯示畫面 fps（每秒顯示幀數）的數值、畫面擷圖 以及 錄製短片 三大功能。
- 問：Fraps 註冊版 與 非註冊版 有甚麼分別？
答：非註冊版：攝錄片段時畫面上方將會加上 Fraps 以及其網址之水印，每段片段長度亦限於三十秒以內，同時間擷圖只能夠以 .bmp 格式儲存；
註冊版 ：攝錄片段時畫面不會有任何額外的水印，以原畫面儲存及不設任何攝錄長度限制，同時間擷圖能夠以 .bmp .jpg .png .tga 儲存。
- 問：Fraps 適用於甚麼電腦系統？
答：根據官方網站指出，Fraps 可用於 Windows 2000，XP，2003，Vista 及 Windows 7 共五種 Windows 作業系統之中，唯以外的不確保可適當運作。
- 問：Fraps 的官方網站為？
答：http://www.fraps.com/，網站內設有非註冊版 及 註冊版（需登入有關資料） 下載
二、 程式外觀
（請留意以下部份設定只適合於個別電腦系統，而解說將以 Windows 7 作準，故此可能與非 Windows 7 的設定有差別，敬請留意）
各位當安裝好 Fraps 之後進入的畫面應該就是這樣，唔會有很大的分別
以下為程式外觀解說部份，敬請留意：
A : 一般設定部份
1 : Start Fraps minimized
呢一項指當啟動程式時視窗會否自動打開，如果無選呢一格的話當程式啟動時只會以最小化形式出現
2 : Fraps window always on top 常用功能
當選取的時候，Fraps 的程式視窗會長期處於最前端，在其他視窗打開的時候都唔會遮蓋程式視窗
3 : Run Fraps when Windows starts
字面上都明白，指於啟動電腦後是否讓 fraps 程式自動啟動
4 : Monitor Aero desktop (DWM)
呢一個選項係用作攝錄桌面時用的，想知道點樣用的板友們可以上 google 尋找一下，係度因為同遊戲無乜關係所以唔多解釋
5 : Minimize to system tray only
呢項指於最小化的時候，Fraps 會於下面的工具列中間「程式」一行度出現，定還是於右下角的「通知區域」度出現，
如果無選取的話，最小化的時候就只會同其他普通程式係中間縮成一格；有選取的話，最小化的時候就會於右下角以圖示出現
6 : Registration Details
下面的綠色框就會寫住你的程式究竟註冊左未，未註冊當然會寫「unregistered」，右手邊亦會有個制推銷你去註冊
B : fps（每秒顯示幀數）設定
7 : Folder to save benchmarks in ...
Benchmarks 直譯就指 標準檢查程式，呢一度就指緊 程式 為你檢查事項之後的數據，
按 Change 就可以轉換你儲存數據的資料夾，View 就指緊檢視你儲存的資料夾
8 : Benchmarking Hotkey
好簡單，即係指緊 開始紀錄數據 同 結束紀錄數據 的快速鍵，
當想開始使用的時候，按 Enable 之後只要按係想設定的制就可以，之後想修改就直接按到輸入空格再接新制，
有設定的時候「Enable」制會自動轉為「Disable」，唔想用的時候按返「Disable」即可
9 : Benchmark Settings : FPS
10 : Benchmark Settings : Frametimes
11 : Benchmark Settings : MinMaxAvg
呢三個係指緊當開始紀錄 Benchmark 的時候會紀錄的數據，
第一個為每秒顯示幀數，第二個為每個幀所出現的時間（以 ms 為單位），第三個係於整個紀錄時段入面以上兩項拉出黎的平均數
如果三個都有選的時候，結果之後就會出現三個 excel file，如果三個都無選的時候，結束之後係會乜都無
12 : Stop benchmark after __ seconds
呢個係當你開始左之後幾多時強制停止紀錄，以免程式負荷過大
12 : Overlay Hotkey
Overlay 呢度係指 fps 數值的顯示，而 Overlay 就係指 fps 數值 轉換位置 以及 隱藏 的快速鍵（預設為 F12），
所有 Hotkey 的設定方法都係一樣，當想開始使用的時候，按 Enable 之後只要按係想設定的制就可以，之後想修改就直接按到輸入空格再接新制，
有設定的時候「Enable」制會自動轉為「Disable」，唔想用的時候按返「Disable」即可
13 : Overlay Corner 常用功能
呢度指 fps 數值出現的位置，分別係左上角、右上角、左下角、右下角，
如果想永遠都唔顯示 fps 的數值，可以選擇右手邊的 Hide overlay，咁就會無論咩情況都會顯示
14 : Only update overlay once a second
字面已經可以解釋到，即係當選取左之後， fps 的數值只會每秒更新一次，唔選取的話就係每當 fps 數值改變的時候就即時改動
C : Movies Setting 短片設定
15 : Folder to save movie in
儲存短片的資料夾位置，按 Change 就可以轉換你儲存數據的資料夾，View 就指緊檢視你儲存的資料夾
16 : Video Capture Hotkey 常用功能
開始 以及 停止 攝錄短片的快速鍵，預設鍵為 F9
當想開始使用的時候，按 Enable 之後只要按係想設定的制就可以，之後想修改就直接按到輸入空格再接新制，
有設定的時候「Enable」制會自動轉為「Disable」，唔想用的時候按返「Disable」即可
17 : Video Capture Settings (fps) 常用功能
呢度係指緊 fraps 程式攝錄影片時的最高 每秒顯示幀數，即是當選擇了 60fps 的時候，你的短片最高的 fps 就係 60，
請留意：１，短片 fps 的數值愈高，畫面將會愈順暢；
２，有關數值只為最高值，但拍攝的程式 fps 未達到之時，將會以該程式當時的 fps 作為匯出後的 fps 數值
18 : Video Capture Settings (size) 常用功能
呢度係設定緊匯出的短片的畫面大小，Full size 固之然就係原裝大小出爐，Half size 就係畫面以高度闊度一半大小（即面積 25% 計算）出爐
請留意 Full size 以及 Half size 都好，於攝錄時程式對於被拍攝程式的 fps 影響度（即係窒唔窒）之間的分別都唔大，較少會因為係 Half size 而無咁窒
19 : Loop buffer length _ seconds
聽閒呢個功能係用黎定時重覆重錄的時候用，但係點用同埋實際功能如何唔太清楚
20 : Sound Capture Settings 常用功能
呢個係短片錄聲功能的設定，因為呢度係會直接影響到段片會收到咩聲音輸出返黎
如果係用 Window7 的板友，恭喜哂只需要選擇 Record Window7 sound 就可以錄電腦同時輸出的聲
如果唔打算錄電腦聲而選擇用其他外來聲源的板友，請選擇下面的 record external input，再選擇正確的聲源裝置，
而當係使用外來聲源的時候，亦都可以揀選下面 only capture while pushing （快速鍵）的功能，就可以選擇幾時錄幾時唔錄（但畫面會照錄）
右手邊的 Stereo 係指立體聲，Multichannel 係指多聲道立體聲，
多聲道立體聲可能指緊同一時間可以融納到由不同裝置匯入到 Windows 後出黎的聲，但實際上我未嘗試過使用
21 : Hide mouse cursor in video 常用功能
即當攝錄時隱藏滑鼠浮標與否
22 : Lock framerate while recording
當攝錄時如果遊戲程式畫面的順暢度係高過預設攝錄的畫面順暢度，遊戲程式畫面會否跟隨預設的順暢度上限而被鎖定上限，
即係假設係設定短片的順暢度係 5 fps，但遊戲畫面係有 60 fps，當係選取之後錄影時遊戲畫面會跟隨設定跌到落 5 fps，否則就唔會跟隨
（但請留意，無論跟隨與否匯出後的畫面順暢度都係會跟隨設定，即是如果唔選取的話畫，個畫面係 60fps 佢匯出後都係會得 5fps）
23 : Force lossless RGB capture
呢項功能係指加強減少色差功能，但因為會導致程式負荷加重，故此可能會減低攝錄時的順暢度
D : Screenshots Setting 擷圖設定
24 : Folder to save screenshots in
儲存擷圖的資料夾位置，按 Change 就可以轉換你儲存數據的資料夾，View 就指緊檢視你儲存的資料夾
25 : Screen Capture Hotkey 常用功能
即時擷圖、定時擷圖開始 或 停止 的快速鍵（預設為 F10）
當想開始使用的時候，按 Enable 之後只要按係想設定的制就可以，之後想修改就直接按到輸入空格再接新制，
有設定的時候「Enable」制會自動轉為「Disable」，唔想用的時候按返「Disable」即可
26 : Image Format
請留意本功能只限註冊版使用：儲存擷圖的格式
27 : Include frame rate overlay on screenshots
即擷圖時截圖內會有埋 fps 數值的顯示，亦即是於左上／下或右上／下角的數字會原封不動影埋出黎
28 : Repeat screen capture every _ seconds ( until hotkey pressed again ) 常用功能
定時擷圖功能，於按快速鍵後每隔某某秒就會進行自動擷圖，直至到再按快速鍵為止
E : HELP [del]救命[/del] 求助，F : [del]底線[/del] 最小化，G : 關閉[del]（如果唔係仲會係咩）[/del]
三、 常見問題
以下將會以幾個常用的動作作為例子，程序上教授點樣使用 Fraps
- 問：點解拍片的時候有畫無聲？
答：請留意閣下程式中，C20 Sound Capture Settings 的設定，有關的設定必須要與閣下電腦的主音效輸出裝置配合，
如果有關裝置已經正確設置但依然未能夠錄出聲來，可能係閣下的電腦音效裝置（即立體聲混音）未有正確配置好
而有關裝置好立體聲混合的問題，可以到 有關網站 細閱
- 問：Mac 電腦系統 能否支援 Fraps ？
答：請恕 Fraps 並不支援任何非 Windows 的作業系統，唯 Mac 現時已內設有類似 fraps 的程式 或 其他類似的程式以供使用
- 問：點解截截下圖，或者拍拍下片的時候，畫面出現亂碼或雪花？
答：可能因為 正進行 或 已進行 拍攝或截圖工作的程式相對於系統有負荷過重的問題，導致顯示出現問題，解決方法通常重開有關程式即可
如有任何問題或補充，歡迎回覆
