teddybus :

avbe28 :呢到唔係一言堂,我唔係好同意佢o既講法於是開post以友善o既語氣表達自己o既立場有咩問題?
好啦,你咁鐘意用埋呢招,咁我順下你意對號啦,我幾時有話唔俾先?
我只係覺得咁樣唔係咁好同人講下自己o既睇法姐,你o係邊句得知我唔比呢?
係唔關我事架,不過呢到係一個論壇,個個開親post都係得同一個立場就唔洗討論啦


(睇黎你都幾關心我o既發文,不過你可唔可以停一停俾我玩番轉OMSI 73 呢? 前輩 )

首先, 你玩乜野遊戲唔使同我交代, 亦同呢篇文主旨無關
"鍵盤戰士", "正義之士", "恃住自己年資高就針住班新一代巴迷黎插",原來係非常友善
咁我真係唔多覺我好唔友善囉, 起碼我唔會咁無自知之名囉...

well,呢個對我黎講係事實,
有時我真係唔明o的後生o既得罪左o的老o既乜野?
踩親條尾?放下身段會死?係都要針住黎話

學人話齋,同你地咁講法真係幫我賺左唔少明彩
本來我都諗住一post起,兩post止架啦...

仲有,你咁關心我o既發文,咁我咪唔爭在爆埋俾你聽囉

avbe28 :師兄你講得冇錯,的確有o的老一輩的巴迷係想教好新一代巴迷,
但係都係果句,唔知點解好多人都標籤晒新一代巴迷=巴敗/不良巴士迷/錯
呢樣野真係對班好守規o既新一代巴迷好唔公平,
而且有部份人都係一味鬧鬧鬧,話人地抵死,根本咩point都冇提出過,
只係發晒癲咁嘈嘈嘈,唔知係想上位定發泄.

有時中國人會以呢樣野為榮,就係長幼有序,但係就係呢樣野,
令部分較年長o既人就恃老賣老,睇唔起後輩,其實都好唔要得下
忠言唔一定要逆耳,既然班新一代巴迷俾父母種慣o既,又點會受你地果o的逆耳o既忠言呢?

人地點樣還人地,我覺得我地係唔係唔應該一味將自己o既身價抬高呢?

上面 highlight 左個句, 唔 like 唔得;
事先講明我唔係想拉埋隔離板 o既野黎講, 但係唔題唔得就係因為個邊自己拎黎衰搞左個所謂評分系統,
完全係笑大人個口.

由一開始佢地話要 set 呢個系統出黎 o既時候, 我已經係反對, 因為肯定有人會濫用呢樣野,
結果比我估中哂啦. 而家一有新板友貼文唔合所謂個種 "長輩" 意, 長輩們會即時扣分, 扣到人地.....

問題來了, 究竟係有人恃老賣老定係新人有問題 ?
我自己覺得有 D 人根本就因為持住自己年資高就起度牙文牙武, 明明自己錯就死唔認, 咬住人地唔放...
實情我非常反感呢種行為...


至於所謂退出唔退出又係哂氣
你退出與否關人何事 ? 家陣個 D 所謂退出會員只係 small potato, 就算比你係[巴迷界]大人物又如何 ? 有人會 care 嗎 ?
定係有人想以 "退出" 兩字出位又係一個問題 ...

即係咁, 人就好應該成熟小小,
我唔理小學生好中學生好大學生好甚至出黎做野 o既朋友都好,
真係唔好睇得自己咁重要; 宣佈退出唔係我地去講... 係公眾人物先會做 o既事來的....

全屬個人意見而已 ~

AVD1 :由一開始佢地話要 set 呢個系統出黎 o既時候, 我已經係反對, 因為肯定有人會濫用呢樣野,
結果比我估中哂啦. 而家一有新板友貼文唔合所謂個種 "長輩" 意, 長輩們會即時扣分, 扣到人地.....

問題來了, 究竟係有人恃老賣老定係新人有問題 ?
我自己覺得有 D 人根本就因為持住自己年資高就起度牙文牙武, 明明自己錯就死唔認, 咬住人地唔放...
實情我非常反感呢種行為...

但呢個系統的確有助大家聲討劣質貼文，改善貼文質素，
呢個系統就將「海恰工貿」同佢既分身驅逐出友板，
同埋原本BF係想行友板個套。

如果你話扣分有「長輩驅逐晚輩」既成分，
我可以肯定答係有，但唔係唯一既原因。

另一方面，BF雖然係行正評分制度，
但亦可以做到令「晚輩受害」既效果。

如果某位「長輩」反對「晚輩」既聲音係「符合巴迷界核心價值」，
咁呢位長輩會收到大量「讚好」，令被排擠既「晚輩」形式強烈對比，
從而達到「晚輩」被「羞辱」同「傷害」既效果。

其實新一代巴迷既公德問題，未必同巴迷存在已久既不良風氣有關，
因為巴迷自身教育水平同父母管教都有密切關係。

而一般紀實攝影 (巴士其實係紀實攝影)唔會特別為攝影道德獨立成科，
主要靠龍友自律，令新一代巴迷較難係正統渠道接受道德教育。

根治巴敗問題，教育比鬧人更重要，只可以講身為「長輩」，
要令晚輩信服，就要「行得正、企得正」。

AVD1 :真係唔好睇得自己咁重要; 宣佈退出唔係我地去講... 係公眾人物先會做 o既事來的....

仲記得年幾前大家樂扣飯鐘錢事件嗎？

有網民話要杯葛大家樂，之後唔少人跟風，最後逼使大家樂收番決定。

「退出」、「杯葛」要睇呢種行動會唔會涉及經濟利益，
因為唔影巴士唔會令社會有顯著既經濟損失，
所以一個普通巴迷退出係唔會有人重視，甚至被人恥笑。

當然正如#1所講，佢既「退出」，
可能只係由巴迷改做「鍵盤戰士」或者「道德佬」，
佢甚至買入大量花生，而唔係完全抽身退出。

另外，重新翻查AS中化指定課文中既金耀基《中國的傳統社會》內容，
「重視面子」係屬於中國人性格既「一般性觀察」既內容
而唔係「權威性人格」既一部分，「權威性人格」係指中國人
服從權威同長上（父子關係既擴大），藉此更正。