是這樣的...此建議基本上係「青衣線轉特快」一 post 啟發, 近日路線發展計劃既消息就將呢個想法再拎翻出來.

青衣去西九龍基本上係以一條旺角線一條佐敦線既格局, 而去南九龍就主要係山上一條 41A, 山下一條 42A,
中間仲有一條41號同時服務山上與山下-旺角至美孚, 可視為執雞線.
今次重點主要集中在尖沙咀, 事關青衣山上一直沒有來往尖沙咀既任何交通路線, 而山下 41A 又要經長沙灣道、彌敦道後方至尖沙咀, 因此建議炮製一條「青衣-尖沙咀」特快線.

建議以41線擔此重任.
41號客量係一批青衣線入面唔係太差, 根據RDP入面既統計, 其最繁忙一小時載客率達 65%, 高於同一份文件出現之 43C, 及接近另一條路線 42A. 不過, 該批乘客當中有多少必須乘搭 41 線則成疑, 根據2011年RDP資料, 「涌美路-美孚至太子」每天乘客約150名, 而「佛光街及何文田山上-青衣」乘客量不詳.

具體詳情如下:
41 長青至九龍城碼頭

由長青開出往九龍城碼頭
沿原線至荃灣路後，改經西九龍公路、廣東道、九龍公園徑、梳士巴利道、漆咸道及蕪湖街後返回原線續往九龍城碼頭。
新增車站位置:
廣東道, 匯翔道/柯士甸站
九龍公園徑, 北京道
梳士巴利道, 新世界中心/尖東站
漆咸道南, 麼地道
漆咸道南, 金德大廈/香港科學館
蕪湖街, 觀音街
馬頭圍道, 家維邨
取消車站:
美孚-信用街 沿途車站

由九龍城碼頭開往長青
沿原線至孖庶街後，左轉蕪湖街並經漆咸道、梳士巴利道、九龍公園徑、廣東道、佐敦道及西九龍公路至北橋後返回原線。
新增車站位置:
蕪湖街, 獲嘉道
漆咸道南, 理工大學
漆咸道南, 香港科學館
漆咸道南, 麼地道
梳士巴利道, 新世界中心/尖東站
九龍公園徑, 北京道
廣東道, 中港城
廣東道, 政府合署/柯士甸站
取消車站:
信用街-美孚沿途車站

全程收費 $7.6
北行分段收費
1. 理工大學往長青 $6.6
2. 過北橋後往長青 $3.9
南行分段收費
1. 過西九龍公路往九龍城碼頭 $5.2

巴士轉乘優惠:
41 往九龍城碼頭 -> 41A/44往九龍: 總車資 $7.6
41 往長青 -> 42A/43C往九龍: 總車資 $6.1
41 <--> 7B/8/45: 總車資 $7.6
41A/42A/43C/44/44P <--> 18/45: 總車資 $7.6
41A/42A/43C/44/44P <--> 43B/43M/243M/249M: 總車資 $6.1

減車1部, 繁忙時間每15分鐘一班車.

41 號特別班次, 另設編號
241X 長安往漆咸道南(香港科學館)分站 (經青衣邨, 青衣碼頭及南橋)
長安開出 7:55, 8:15, 全程收費 $7.1
用車由263M線抽調單層巴士

41A 長安至佐敦(渡華路) - 縮短至佐敦, 不經尖沙咀, 取消尖沙咀所有車站.
巴士轉乘優惠:
41A 往九龍 -> 41 往九龍城碼頭: 總車資 $7.1
41A 往九龍 -> 35A, 81C, 87D, 203, 208 往尖沙咀東或紅磡車站: 總車資 $7.1
35A, 203, 208 往安蔭、又一村或廣播道 -> 41A 往長安: 總車資 $7.1
2, 6, 7, 8, 9 彌敦道北行 -> 41A 往長安: 總車資 $7.1

減車1部, 繁忙時間每8-9分鐘一班車.

全程收費減至 $6.1 (如仍設有普通巴士服務, 則加設$4.7非空調巴士車資)
南行分段收費調整:
美孚 $5.0 (如仍設有普通巴士服務, 則加設$3.8非空調巴士車資)

42A 長亨至佐敦(渡華路)、43C 長康至維港灣、44 青衣邨至旺角東、44P 青衣碼頭至旺角東
維持不變, 惟增設與 18 及 45 兩線之巴士轉乘優惠, 總車資為 $7.6.

45 麗瑤至九龍城碼頭
加車3部, 繁忙時間每10-12分鐘一班車.

263M 富泰至青衣
配合改動, 上午往富泰將減班至35-40分鐘一班車, 往青衣則減班至25分鐘一班車.

建議的好處：
1. 青衣山下, 尤其長安, 前往尖沙咀車程大幅減少. 由此預計可略為減低地鐵東涌線及荃灣線之負荷.
2. 青衣山上終得來往尖沙咀之直接服務. 縱使要遊綠島, 且行北橋後displacement接近=0, 但由冇變有而且未必慢過地鐵.
3. 紅磡及土瓜灣車程亦輕微加快, 且獲得5C以外由尖沙咀至土瓜灣之替代服務.
4. 尖沙咀區車站西移, 方便廣東道一帶乘客.

建議的缺點：
1. 來往何文田山上服務減少. 因此需建議改善45號服務以盡量維持服務水平, 在其他路線減車空間不大的情況下, 整體用車需增加1部. 為此, 同時建議加設青衣對外線與 18 及 45 號之轉乘優惠, 及 41 號本身與 7B, 8, 45 之轉乘優惠, 基本上已盡力覆蓋何文田區可轉乘的路線. 可惜無論青衣一方的offer如何賣大包也好, 何文田山上各線班次始終未如理想, 不能對整體候車時間減少有太大期望.
2. 太子至美孚失去執雞線, 沿線尤其44號負荷加重.
3. 尖沙咀區車站遠離彌敦道, 不便該區乘客.
4. 青衣至尖沙咀加價, 為此建議增設尖沙咀單向往青衣之特價分段收費, 使來回兩程平均車資維持在$7.1.
5. 原41A途經之青衣邨及青衣碼頭失去來往尖沙咀的服務, 為此建議增設名為241X之特別車經此兩地特快前往尖沙咀,同時增設41A與多條尖東線之賣大包轉乘優惠, 盡量減少額外候車時間, 並希望減少了的候車時間能抵得上原41惡劣之班次.
6. 青衣涌美路至美孚-太子出現真空, 為了該150名乘客, 建議增設多條途經涌美路短途線與青衣對外路線包括 41A, 42A, 43C 及 44 號之巴士轉乘優惠, 減低候車時間及總車資, 並希望減少了的候車時間能抵得上原41惡劣之班次.

謝

尖沙嘴特快線吾使去到九龍城，系尖沙嘴做循環線會好 d

去青衣方向建議經紅磡鐵路站出尖沙咀, 唔駛塞車
同埋如果跟269b行彌敦道上公路好似好d, 話晒41a縮短左, 尖沙咀既彌敦道真空左

nathannc :去青衣方向建議經紅磡鐵路站出尖沙咀, 唔駛塞車
同埋如果跟269b行彌敦道上公路好似好d, 話晒41a縮短左, 尖沙咀既彌敦道真空左

珍惜下 d quota，開新線就唔好入彌敦道喇

順帶一問：其實所謂既Quota係咪真係有計住? 九巴偷偷地開多架會點？

回下post先

尖沙嘴特快線吾使去到九龍城，系尖沙嘴做循環線會好 d

呢條線由於用41去改, 所以都希望盡量減少受影響既人數,
行西九龍公路無可避免飛起要美孚至何文田, 如果連紅磡土瓜灣都唔要, 其實都同取消41開過條新線無乜分別...(雖然冇左何文田同長沙灣道既41仲係唔係41都好值得懷疑...)

去青衣方向建議經紅磡鐵路站出尖沙咀, 唔駛塞車
同埋如果跟269b行彌敦道上公路好似好d, 話晒41a縮短左, 尖沙咀既彌敦道真空左

建議經紅磡站出值得考慮, 畢竟經漆咸道北行車時間真係唔多穩定...

至於彌敦道方面, 的確係對最多人搭車既彌敦道唔方便
但係考慮到彌敦道轉入佐敦道既話就要跟260X 268B 269B咁樣行, 感覺上比經九龍公園徑直出慢
如果尖沙咀客唔係完全集中在彌敦道, 而係冇左彌敦道客可以係九龍公園徑同中港城執得返, 咁我覺得可以考慮建議行條快少少既路線

當然我無做過有關既調查, 唔知道41A沿線係彌敦道尖沙咀段各站落車既乘客既最終目的地會唔會都係彌敦道, 抑或可以以合理步程行去九龍公園徑或漆咸道車站
如果唔係為左漆咸道原41A既車站, 我會建議呢條41線經海皮去紅磡的(不過咁樣更難搶到客就真)

珍惜下 d quota，開新線就唔好入彌敦道喇
------------------------------------------------------
順帶一問：其實所謂既Quota係咪真係有計住? 九巴偷偷地開多架會點？

我覺得是沒有的, 而且應該唔係計得咁死...再者, 一路聽聞車務調動係唔計配額的, 最經典例子就係曾經有架車(好似係98A)「全日支援95號」
換言之即使唔夠配額, 都總有辦法加到車, 中間既問題只餘下值唔值得加而已
而且, 如果以尖沙咀計, 咁多年來尖沙咀(同中環)通過減班同縮線踢走既巴士都騰出唔少路面配額了, 彌敦道就唔敢包

所謂車務調動唔計只係唔計蛇車/攝車。類似例子：112北行每日都多南行60班，但你唔可以話呢條線無quota限制，可以無限加車......
何況你推條線入去唔可能唔過老運一關，老運一計數就會話你多咗車，麻煩找數丫......你交上去份文件又唔可以車大炮話我只開30分一架，實際就開15分咁樣的嘛
所以quota係有漏洞，但唔好以為可以漏到條線出嚟。

先講收費 特快路線仲要去到九龍城仲想收返而家 41個價?
根本就天方夜譚

我都知 263M 客量唔掂
但向佢埋手又係荒唐 大西北根本唔會睬你
再講 263M 服務對象亦係大西北
資源全部留返俾大西北用亦好合理


當你搞得 41 特快 根本都同取消41 無乜兩樣
因為 41 主力做流水 只係呢d 流水都有其他線可以做到
點解會無青衣至九龍城既受影響人數 我相信咁坐既人數係好少
特快仲要又入到九龍城 個邊客量又唔係多 行車時間又長左 結果班次疏左
為咁少人唔值 所以九龍城個邊 都係尖咀搞個轉乘過去就算啦


九龍區行車路線
北行跟大西北線咁行 除左唔知去邊搵彌敦道 quota 外
最煩係要上到眾坊街先可以離開彌敦道
更慘係又要兜返轉頭落佐敦道先走到 費時失事

至於樓主最初主張用九龍公園徑北上三幹
咁即係放棄晒佐敦一帶既客
所以我先會係另一篇文建議九龍區路線採用循環線方式
除左慳到行車時間 班次無咁疏
行車路線覆蓋地方較廣(尖咀 尖東 佐敦)
又不失行車路線最為直接

以路線客源及取代性黎睇，如果用41去改，我認為去到九碼（做尖沙咀+土瓜灣）係合理
之不過以九巴作風，做特快應該唔會唔加價，新線收費好可能去到42C水平
呢個價錢值唔值係另一件事，但我相信未必得到各方支持

另外，行尖東海皮往來紅磡係快
但變相尖東只係得永安一個站，較遠離客源區，仲要條線經彌敦道，我覺得會幾唔方便

ck38 :以路線客源及取代性黎睇，如果用41去改，我認為去到九碼（做尖沙咀+土瓜灣）係合理
之不過以九巴作風，做特快應該唔會唔加價，新線收費好可能去到42C水平
呢個價錢值唔值係另一件事，但我相信未必得到各方支持

另外，行尖東海皮往來紅磡係快
但變相尖東只係得永安一個站，較遠離客源區，仲要條線經彌敦道，我覺得會幾唔方便

去九碼我覺得就無乜運行
索性拎個 5c 頻密轉乘最實際

特快線不論只到尖咀 定 土瓜灣 都一定收貴
但如果特快係用西九龍快速直達廣東道
青衣去尖咀時間講緊三個字左右
$8.2 我覺得相當合理

ck38 :之不過以九巴作風，做特快應該唔會唔加價，新線收費好可能去到42C水平
呢個價錢值唔值係另一件事，但我相信未必得到各方支持

NR41 $9.0
NR43 $10.0
仲有其他 NR4_系比 42C 貴

反而要擔心既係條青尖特快(開得成既話)成日脫班，整臭個名