熱狗巴士係5月左右就會消失於馬路之上，
好多巴迷朋友好自然會攞起相機落力影晒佢地，
不但係心靈上既滿足，亦都係送別熱狗巴士既一個方法。
但係呢個舉動自然令一班不良巴士迷(下稱"巴敗")出動，
係就係出動，不過係出動搞亂個場，
小則係車上無端白事大叫一番、係架車郁緊個陣開閃光燈影相；
中則衝出馬路影所謂既"標準相"，危害自己同其他道路使用者既安全；
大則偷行車證、偷乳豬紙甚至毀壞公物(好彩我暫時不曾見過同聽聞過)。
呢d巴敗既行為令"巴士迷“呢個名臭晒，
部份車長、巴士公司職員，甚至部份市民都已經對巴迷(唔理好定壞)既印象甚差，
覺得呢班友好地地做乜攞住部相機係個巴總度影相都已經好普通，
最慘係覺得呢班友隨時會搞事，搞到人地頭都痛埋，
甚至最近有板友話有一般街客因為一班巴迷/敗大叫話要報警。
就咁睇法，巴敗已經令整個巴迷界都已經蒙上左污點。

當我求下你地、拜下你地，影到架車係你地心目中係重要，
但係你地既行為已經係敬以"失禮街坊"四個大字，
有d車長據我所知已經對巴迷敬而遠之，費事自己惹上麻煩；
同埋你地既行為唔單止危害到自己既安全，
已經同時危害到車長同埋其他道路使用者既安全，
所謂"己所不欲，勿施於人"，你自己想出事都唔好麻煩到人地啦；
同埋你地見到架車私走，做乜好地地要爆粗、甚至剷站長呢?
站長都只不過係打份工，就算你覺得佢係有心定無意，
私走有無需要同你解釋呀?就算要解釋，一句"車務調動"已經KO你地
要人地尊重你前，你必須先尊重人，
如果連尊重人都唔識，唔該你番去讀番幾年書先啦；
再者，坐到熱狗可唔可以唔好係又叫、唔係又叫，
架車唔係只有你地一班乘客，其他人想靜靜地坐車，
你咁樣做，同剝削人地靜靜地坐車既權利有何分別?
一句到尾，係咪要老九係全港熱狗last day個日出零部熱狗，
你地先會開心?

唔好意思，可能我表達得唔係咁好，
同埋今次可能我激左少少，要扣分要插我會接納的，
但係我只係想講一句:做人唔好咁自私。
我地只係想保存追熱狗、坐熱狗既美好回憶，
而唔係比巴敗污染、破壞。好希望個班巴敗好好反省一下。

P.S.其實我係有考慮過係熱狗無晒之後淡出巴迷界，
小部分的確因為巴敗所影響，但係大部分都係因為想專注於爆GPA

頭大半段幾美好



點知睇到最尾 ......................

想淡出就自便啦

真係"淡出", 就唔好仲有咁大段"深刻"感受啦

LZ :頭大半段幾美好



點知睇到最尾 ......................

想淡出就自便啦

真係"淡出", 就唔好仲有咁大段"深刻"感受啦

考慮姐，唔使咁認真wor

不過其實"巴迷"都唔一定要影巴士

冇話過會影巴士果d先叫巴迷

影相只係大部份巴迷會做既嘢姐

我都冇影好耐，本身技術已經超超超唔好，而家仲...

對於追熱狗，我完全冇追過，大埔既暴動我都係睇板友啲相先知，41A，42C，35A，71S，仲有好多近排全泠左既線....
我完全冇影既衝動

如果要影嗰話，我只係想番到MCW，3N，坦克蘭果個時代

雖然話就話物以罕為貴，熱狗退得悅嚟悅多。不過，如果我係途人/等巴士既*客，我對巴士迷係有一種憤怒既情緒

可能無置身其境(好似41A長安巴總咁)，唔知頭唔知路，不過我相信途人眼中都唔會認同巴迷哩D既表現

我覺得巴總暴動既情況係好阻礙等車既*客

至於冇影相，得閒睇下文，開下POST，玩下MM2同OMSI，都唔錯!

個人意見咋xD

清者自清,就算無普通人既認同,只要過到自己果關問心無愧,又駛乜驚巴敗呢個身份付諸自己身上,繼而用逃避既方式去擺脫呢個其他人對你既錯誤睇法呢?

LF 5502 :清者自清,就算無普通人既認同,只要過到自己果關問心無愧,又駛乜驚巴敗呢個身份付諸自己身上,繼而用逃避既方式去擺脫呢個其他人對你既錯誤睇法呢?

我自己係絕對守規矩既人，所以做好自己有時就算數

成篇野既重點係你想讀埋個大學,咁你咪比心機讀書囉,唔洗求,唔洗拜下d巴敗,你求完拜完唔會無晒巴敗

要追嘅一早追完，所以而家一早不問世事......

呢d文成日兜來兜去好似狗追尾巴咁，我只係覺得點解每次發生呢d事個陣就冇人即場勸阻，永遠都係返到屋企係電腦面前才敢去指責個d人？簡單d，大家又唔係警察，事後孔明有咩用？人地睇到呢d文都當睇唔到啦，呢d事情本應即場制止甚至報警，等警察利用法律去制止佢地，而且佢地一比警察捉到，就算唔係即刻落案都唔多唔少有底留係警署，到再犯警察就可以charge佢地，咁樣才有效去踢走個d人，而唔係靠係網上狗追尾巴lu

我有fd都唔再影巴士...
確實影巴士個陣總會有人以奇異眼神望住...
不過見到巴敗何解唔出言相勸??
佢地都係小學雞黎姐...洗咩驚佢地....
起碼好過而家咁做鍵盤戰士,,實在係無補於事
其實要影,早影應該要影~

算啦，興趣呢樣野隨心就可以，冇需要太介懷其他人點睇ge，尤其係香港地，咩興趣都會比人抽水架喇，比你轉去做書蟲，又會比人覺得係書呆子，轉去儲模型，又會比人覺得同巴迷一樣咁毒，轉去追科技產品，又會比人妒忌，轉去玩打扮，又會比人覺得潮、mk，所以唔會有一種興趣係全世界人都認同的

而家我睇巴士都係隨心咁睇下算，講真我而家轉去玩下科技產品，其實我覺得以前睇下巴士講下車好似比呢種新興趣更好玩，起碼冇咁多朋輩間的科技戰先啦

victorkaho :唔好意思，可能我表達得唔係咁好，
同埋今次可能我激左少少，要扣分要插我會接納的，
但係我只係想講一句:做人唔好咁自私。
我地只係想保存追熱狗、坐熱狗既美好回憶，
而唔係比巴敗污染、破壞。好希望個班巴敗好好反省一下。

P.S.其實我係有考慮過係熱狗無晒之後淡出巴迷界，
小部分的確因為巴敗所影響，但係大部分都係因為想專注於爆GPA

家豪哥，你一文兩貼都執下先啦，隔離板有得扣分，呢度無嘛。

人地衰就人地既事，你做好自己本分，唔做巴敗咩得囉。

你想俾心機讀書係好事，但點解係都要搵「巴敗」過橋呢？

雖然大家睇到好厭，但每逢有巴迷話要退出巴迷界，呢篇文永遠都係好使好用：

退出巴迷界要公開交代？從討論區貼文反思巴迷自我批判風氣。

GZG50 :我只係覺得點解每次發生呢d事個陣就冇人即場勸阻，永遠都係返到屋企係電腦面前才敢去指責個d人？

如果你因為制止呢D行為而被人圍剿，或被人起底，值唔值得先？

警察會俾好市民獎你咩？個天會跌舊錢落黎俾你？

本來貼文唔想咁消極，唔想睇住呢群人顛落去，大家都希望做D野去糾正，
但可以做既野又真係好有限，守規矩巴迷既力量太渺小。

鍵盤戰士係守規矩巴迷，唔會被人係現實世界報復之下唯一既出路。

人在江湖，身不由己！

其實當面鬧又鬧過，講又講過，都講到差唔多無氣，
但係最緊要我都係覺得係做好自己
另外各位要搞清楚既係我想淡出主要係想專心讀書，
巴敗風氣泛濫係一個好minor既factor，
今次講巴敗只不過係睇番呢一、兩個月發生既事而有感而發，
唔係打算借題發揮

BFCPY :

victorkaho :唔好意思，可能我表達得唔係咁好，
同埋今次可能我激左少少，要扣分要插我會接納的，
但係我只係想講一句:做人唔好咁自私。
我地只係想保存追熱狗、坐熱狗既美好回憶，
而唔係比巴敗污染、破壞。好希望個班巴敗好好反省一下。

P.S.其實我係有考慮過係熱狗無晒之後淡出巴迷界，
小部分的確因為巴敗所影響，但係大部分都係因為想專注於爆GPA

家豪哥，你一文兩貼都執下先啦，隔離板有得扣分，呢度無嘛。

人地衰就人地既事，你做好自己本分，唔做巴敗咩得囉。

你想俾心機讀書係好事，但點解係都要搵「巴敗」過橋呢？

雖然大家睇到好厭，但每逢有巴迷話要退出巴迷界，呢篇文永遠都係好使好用：

退出巴迷界要公開交代？從討論區貼文反思巴迷自我批判風氣。

GZG50 :我只係覺得點解每次發生呢d事個陣就冇人即場勸阻，永遠都係返到屋企係電腦面前才敢去指責個d人？

如果你因為制止呢D行為而被人圍剿，或被人起底，值唔值得先？

警察會俾好市民獎你咩？個天會跌舊錢落黎俾你？

本來貼文唔想咁消極，唔想睇住呢群人顛落去，大家都希望做D野去糾正，
但可以做既野又真係好有限，守規矩巴迷既力量太渺小。

鍵盤戰士係守規矩巴迷，唔會被人係現實世界報復之下唯一既出路。

人在江湖，身不由己！

嘩我講o下點樣勸巴敗，你都要講到我同其他人好似黑社會咁，可能係ge，呢d野唔係出自你口個陣就邊個講都唔o岩架啦

冇錢跌落黎又點？有d野當然可以勸得就勸，係未要搞到非巴迷乘客去報警，搞到同車上守規矩的巴迷都牽連你才開心？用你的logic，呢個世界冇人會做保安員啦係未先？

放且比人指責後即場圍、打人係嚴重罪行，就算比個d人打o左亦唔一定輸，比佢地打完後即刻訓低扮死或者跌多幾下等自己傷d，個班打人的已經犯嚴重傷人罪，等判監／入男童院啦

呢個世界小的力量唔等於冇，我係房署夠係o靚仔過唔o靚仔的非公務員職員，但舊年有個數百萬的project咪又係我一個人同四個判頭夾掂哂，我唔駛靠同組的大佬tim啦，所以有d野唔做過唔好話定唔得先