#16mikocycy :唔該哂咁多位先
最後想問下途中有冇咩餐廳建議
班會費俾最好有咁平得咁平
咁就要睇吓你想食咩啦…
如果話大埔市中心我就俾住大埔的人介紹啦…
而大尾篤就建議可以去交車處對出的「大尾篤茶座」(樓宇工程旁)
不過坐位有限, 三四十人應該可以包場嗰種…
而主要就係食茶餐廳啲嘢, 平日有Set lunch, 一個飯 + 一罐嘢飲就 $33(不同種類有不同, 以本人經驗) (平日)
假日無set lunch, 每樣計數 (飯$32 + 嘢飲$14, 又係嗰句 - 不同種類有不同, 以本人經驗)
又或者可以的, 去BBQ, 嗰到可以買料, 但係價錢就…睇吓班會存款有幾多啦
-------------------------------------------------------------------------------------------------------------------
《 KODA KUMI 》 :其實只須要跟住完善路左右兩旁既單車徑一直踩入去, 就可以到汀角路再入大尾篤,
雖然都要過馬路, 但至少唔使踩馬路咁危險, 尤其冇馬路經驗者, 大車經過果陣分分鐘失平衡
http://g.co/maps/cxhzf
講解一下, A點係好多單車友休息既地方，附近有座大王爺廟, 有個公園同公廁既
經完吐露港就可以起A點右轉
之後一直去唔好轉灣, 過完條橋都唔好轉右, 繼續直去, 到近B點位置會有斜路落行人隧道, 過左行人隧道之後就右轉上斜
B到C 段只得一條單車徑, 唔會行錯, 到C 果陣就有一個行人隧道(ja係地圖既虛線), 右轉入去, 之後再上斜到D
D 點就要過馬路了, 請留意交通燈號, 同埋最好落車推過馬路, 因為呢到見過有警察捉人罰錢
過左D 點馬路就沿汀角路單車徑一直入到尾, 中途都仲會有3,4個燈位, 繼續直去就對了
＊唔好盡信圖入面條藍色線, 因為條藍線拉唔到單車徑出黎, A-B係起完善路既右邊, B-C就會起完善路既左邊, C-D又會去返右邊咁
如果咁踩, 只會踩少咗一段美好的拍攝地點
![[sosad]](https://www.hkbf.org/images/smilies/icon_sosad.gif "So Sad"){kind=icon}
- 大埔海濱公園
![[photo]](https://www.hkbf.org/images/smilies/Photo.gif "傾偈無圖無偈傾")
～ 
![[flowerface]](https://www.hkbf.org/images/smilies/flower.gif "丁香丹桂茉莉 都覺得可愛")
。93A熱豪跟隨692永久停駛。 
![[banghead]](https://www.hkbf.org/images/smilies/icon_banghead.gif "我撞牆死左佢算啦！"){kind=icon}
