44堆都:

以前小弟成日來往綠島同西九(果陣同外公外婆住青衣)
最難忘係上北橋果種勁係而家o的熱狗都比唔上,同埋等車果陣一見到就開心到不得了
仲有係果陣經過貨櫃碼頭o既時侯會聞到一陣怪(臭)味

43B的三門s:
硬係覺得三度門好得意,
最難忘就係有次o係荃灣買左舊好大o既野然後o係荃碼等車(果陣覺得難頂到不得了)

隱約記得細個時候同阿媽坐過鐵記ge MCW

先後住過筲箕灣、大角咀、天后、則魚涌，細個久唔久又要出入瑪麗醫院，
真係去到邊都聽到雞聲
可能極速較低關系，中巴雞好似特別啄啄下同行得特別高音咁
有時顯得個司機渣車姿態好似賽馬咁
另一種極常見既雞車情景係棟高左腳、開著前門飛車 (以前過左瑪麗個站到墳場咁上下就會開翻前門飛車)，型棍至極
而且永遠高速埋站都係岩岩好停得好靚，又唔係急剎到成車人跌低晒咁


另一樣深刻既係兩巴車型分明既派車方式
例如中巴 9 19 81 永遠都係 LV 咁濟，好少 DS；82 亦好少 LV；102 只會出 DL、106 只會出 ML
601 見到通常係 DL 多；但 690 就 ML 多，九巴都係見 3BL 行 690 多，少見 3N
每次過海，一出紅隧無耐就見到 5、26，永遠係細牌箱既早期 3BL；
出到彌敦道，會見到 1A 6C 9 42A 既 3N，6C 42A 好似較常出細牌箱版早期 3N，跑起上黎特別高音；但 6 號好似係 3BL 多
11米車都差唔多，1號好似見親都係 S3BL、7 93K 見親都係都城咁濟、14 36B 見親都係吉偈 S3N
熱狗車門開閂節奏獨特
見親中巴 DM DL 之類閂到最尾就會收慢，車門差唔多咁大既九巴車同埋城巴坡柴好似好暴力咁一野掩埋黎 o彭一聲咁
而中巴電控風車門個 d 車唔知點解司機通常都會停定咁濟先開門，例如 XF、ML、DL2 等
九巴三門巴士開閂既回彈更有個性，絕對係當代巴士一大特色，次次行街有機會都會望下佢地開閂門


搭中巴熱狗通常都好有快感，好記得以前搭親 LV 或者 102 DL，轉彎時扶手會有粒珠之類係入面滾動，好得意
而後者永遠都係上層坐滿，然後司機係炮台山至彌敦道中間多個直角彎度劈到成架車內籠吱吱聲好似扯裂緊 d 野咁

搭過 LX 行 14 入赤柱，全車爆滿下好似全程連埋柴斜都行得好輕鬆咁，速度唔算特別快但一路均速咁向前衝，引擎一路咆哮

細個覺得九巴車好死板，到差唔多吉偈熱狗全退先去遊河 (吉龍已經全退)，先知道批車可以咁好玩，康偈版本更係名不虛傳
少少遺憾係第一次搭巴士行埔公回程就係 EL7853@74A，埔公南行第一段大斜全程咪錶針打直唔郁，當時覺得此表現好平常
後尾有機會搭下吉都、密龍、開龍同其他冷馬行同一段路，先驚覺當日架康都係幾咁癲


住天后個年係覺得巴士最恐怖個年，其中一個學期搭校車返學，校車車站係 5號巴士站隔離，5 號全線坡柴
呢批衰車永遠都唔夠風咁，次次等校車都聽到最少一架係度叉緊風，唔好彩會兩架車一齊合奏，嘈到拆天，把聲聽到好不安
一見到有車隊編號 1x、3x 既車黎做特見就好開心，不過同時亦諗，城巴都係派雞車同 d 衰車出黎行，何以見得服務優質可以接辦中巴路線呢？
另一個學期就搭巴士返學，通常搭 10 23 38 42 99 呢 d 北碼車，最常搭到 10 99 批珍寶
其中 10 號用圓頂寶，外表特別殘破、內籠 d 漆油都唔知第幾多浸，非常核突，停車打冷震亦最嚴重、行又唔係行得快，簡直係童年陰影


雖然細個從未搭到一架車箱乾淨既中巴，但感覺上亦唔算差得過而家新城同埋英國唔少城市既公交車箱，起碼細個未親眼目睹蛇蟲鼠蟻係車箱入面爬過......

中環港澳碼頭619 :隱約記得細個時候同阿媽坐過鐵記ge MCW

講開呢批MCW，簡直係小弟搭A59既回憶黎
最難忘係用紅色既座位，同埋指揮燈既咇咇聲
我仲要係搭10次A59有10次都係坐導航位
所以對MCW上層佈局印象比較模糊

幼稚園既時候，放學成日坐7B既細牌箱M仔，好記得當時望住1號D唔知方燈AL定係AV/3AV，就同阿媽講"我要坐冷巴"，依家回想，真不識貨
隱約記得同時期坐過雙軸熱狗行59X，大約1999年到，我諗應該係ME掛，不過M仔都有可能
跟住小學既時候每個禮拜都去尖沙咀，返屋企就坐7號D S3M

當年59A重有大量熱車嗰時真係搭到勁多熱狗車款
大細窗MCW齊晒，又有密龍又有吉龍，吉蘭又有坦克又有
再計埋60X/61X/62X，不得了，蛇龍、老虎蘭、熱豪、開龍、三波四波密龍都齊晒
重記得嗰時搭59A成日坐唔中MCW，走去搭60號一定會坐到MCW，更加深印象係佢個導航位有玻璃隔住，於是車頭點開窗都食唔到風，超級的熱
又記得有一次搭ED4333，心諗點解佢同其他MCW唔同引擎聲，車頭聽落似坐緊康偈龍，車尾直情唔知咩聲黎，咁低沉既......後來先知佢係59A唯一一架康都掛牌而且係大窗康都......

當然大西北巴士迷既另一個集體回憶就梗係鐵都

58P :

中環港澳碼頭619 :隱約記得細個時候同阿媽坐過鐵記ge MCW

講開呢批MCW，簡直係小弟搭A59既回憶黎
最難忘係用紅色既座位，同埋指揮燈既咇咇聲
我仲要係搭10次A59有10次都係坐導航位
所以對MCW上層佈局印象比較模糊

我就唔同，我次次都係坐下層車尾
但我堅係鐘意佢既偈聲，同其他Voith波箱吉偈車零舍不同
重有就係坐落特別拋，飛到五十幾六十嗰陣重好似坐過山車咁，但又未到雞車嗰個程度
我重想坐九巴啲M仔，可惜直到佢地退晒都冇機會坐到

大西北同大東北另一個集體回憶......仲使問？梗係車皇啦......
不過說來慚愧，我都係喺76K畀車皇佔領既年代先至搭過幾次車皇，但係每次都好開心，因為係總站坐到總站
但係車皇嗰個近乎平放既軚盤同埋佢獨有既引擎聲同尾擔聲真係永遠都唔會唔記得
吖，醒唔起02年嗰時59A有車皇掛牌架，但係可惜永遠都坐唔到，淨係得個望字，望望下就望到退晒

出到九龍，細個搭車去土瓜灣搭12A一定會坐到11米水塘蘭(雖然係吉偈)，搭5號仔一定會坐到三門蘭，我重記得有一次搭5號仔既三門蘭，望到有款上一代既利蘭軚盤

重有當年坐三門蘭同三門龍行城隧線一定企到爆晒，有一日企喺車頭，望到個波掣勁唔同，心諗點解冇N掣，重要係黑底白字大大粒掣咁樣，D掣隔離竟然係一粒打叉既3掣
後來玩OMSI先知原來想入返N波就咁撳多次撳凹左既掣就得

最後記得有一次竟然有幸畀我坐到雞車行60X，心諗咁都畀我遇到你
點知一上車......咦？車頭得一個單丁位，司機位嗰度又成舊黑色，又砌左咁多條柱，勁奇怪
重記得就係架車行彌敦道嗰陣震到想死
後來先知原來雞車係頭偈車，重要係好爬得既頭偈車

而家數埋數埋我嗰個年代既九巴熱狗得M仔、細窗康都、BL、DM同埋N未坐過
一黎又冇機會入將軍澳，又好日都唔入西貢
而且到我第一次坐61X嗰陣，DM已經唔再係61X掛牌......

至於對面海......好似淨係坐過一次DL，但真係冇乜印象
只係記得96同97年咁上下102同112係咁用DL同ML
中巴其他熱狗真係未親眼見過，細個甚至聽都未聽過，更加唔好講有冇聽過嗰八隻禽獸......

最後最後嗰次搭熱狗，就係搭GA5311行16由眼科醫院去旺角
唯一記得既就係佢個咪錶同車皇同款，其他回憶真係冇乜，只記得佢好似一架冇左冷氣機既歐一凍龍，同樣係少少笠
但計埋呢三四年搭埋蛇龍、老虎蘭、密龍同熱豪行66，總算幫自己搭熱狗既年代畫上句號......

順帶一提，後來諗返起用Voith波箱既熱狗停車嗰陣既behaviour，再玩返一兩轉OMSI，畀我搵到好多巴士資料網既一個大錯誤：由坦克蘭開始，用L10系列既康偈Voith波箱巴士係用DIWA863.2而唔係DIWA863......

其實坐熱狗係成日 o既事,
以前細個, 屋企樓下除左條 30X 係冷熱線之外, 全部都係熱狗線 - 30, 39A, 39M (230X 不計在內) ~

成日覺得荃灣其他屋邨線 (指灣景花園, 海濱花園)
早就全線冷氣車 (前者係因為成日起九龍坐 30X 見 234X 架架冷氣), 尤其後者 (238M, 238X)* ~
所以好羨慕人地 o既 ~

以前細個好小接觸 38A ~

以前往 30X 好討厭坐雞, 鴨,
因為又慢又唔舒服 ~

到後來轉用 S3M 之後真係爽左好多 - 記得有架掛牌 EG7754 有次起九龍飛返荃威花園只係用左半粒鐘,
又有次朝早六點幾坐中佢, 由荃威花園坐落去旺角, 二十幾分鐘就完成 ~

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

以前又記得有次坐 68M 返荃灣,
當年仲係未有大欖隧道 o既年代,
本來第一架開 o既係 ME,
但係我死都唔坐 (記得當年係夏天來的), 實在太熱, 結果坐左後面架 AL ~

去到一半, 大約起元朗公路左右啦, 前車架 ME 已經壞車,
心諗好彩冇上到架 ME (因為架 AL 其實已經頂哂閘) ~
老實講如果而家比我再揀過, 可能我會真係揀 ME 黎坐 ~