![[flowerface]](https://www.hkbf.org/images/smilies/flower.gif "丁香丹桂茉莉 都覺得可愛")
我都等左一排了, 每逢放假都話會落雨, 今日終於好天了
因為遲左出門口, 中午先到朗屏, 食埋個晏, 又話咁快一點了,
之後就出馬路, 原來踩馬路並非想像之中咁恐佈吧~! 沿公庵路一直踩到去大棠, 就黎到越野單車徑既入口
大棠荔枝園
起大棠既燒烤場之下
越野單車徑, 正式出發
起大棠既山路上, 有路牌指示田夫仔既方向
到達大欖涌水塘了~! 下面既"洪水"係東江水既出口
之後經過大欖涌水塘, 田夫仔, 荃錦坳, 一直上到大帽山頂,
某d 路段用盡10飛上斜都唔夠力要推, 加埋休息, 用左4個鐘先上到去山頂,
咁就大獲la, 我開始驚唔夠時間落山
過左水塘, 開始向田夫仔同大帽山進發
田夫仔
之後就有一個練習場, 起到休息左一陣, 又玩左一陣, 再向山頂進發
第2個休息處
荃錦營地, 呢到好近荃錦公路了
前面既閘, 入黎既話要出示越野單車証登記
黎到荃錦公路了~!
![[sosad]](https://www.hkbf.org/images/smilies/icon_sosad.gif "So Sad"){kind=icon}
踩一少段馬路, 黎到呢個牌之後就再上山頂
上山頂既路, 開始大霧了
麥理浩徑第8段
另一個閘, 呢個閘係為左唔比車入而設, 而單車呢, 佢就有告示講到明有乜事唔會負責
入唔入得就真係唔知la, 不過我照入就都冇比人話既
巧合地黎到呢到霧氣消散左, 於是就拍下了閘前面既景色
估唔到大霧山既景係咁靚既
再經過一大段既長命斜+髮夾彎, 終於黎到尾站~! 大帽山上的波兒
山頂亦有勁人車友一早上到黎, 感覺上摺車踩山唔係一件容易事黎
山上的波兒, 呢到亦係今日想到既目的地, 亦係大帽山既最高處
上到山頂, 又休息一陣, 之後就原路落山了
由山頂到大棠荔枝園, 只係一個鐘既事, 好多景色轉個眼已經過左...
落山既路唔使自己踩, 碌架車落山都可以碌到40-50km/h, 上山就腳攰, 落山就手攰, 但係d 風迎面撞埋黎, 個感覺就真係好正
最後都好彩趕得切天黑之前出到元朗!!
大棠山上的日落
其實大欖郊野公園, 我一直都冇乜動力去呢到行山
只因路程長, 景色少, 大部份既路都係起密林裡面走過
但踩單車既話, 上山係辛苦, 但上到山頂既滿足感, 比行山上到去仲要大~! 而且落山亦比行山刺激好玩好多倍!
今次就只行左On road 既路段, 下次再黎呢到, 相信我會玩"環塘", 順便玩埋Off road 既路!~!
至於大帽山頂呢...我就第一次黎
可惜山頂上好多地方都好大霧, 好多景色都消失左起霧既入面, 雖然咁樣又有另一番感覺, 不過有機會都係要再黎多次^^
ＴＨＸ ＦＯＲ ＲＥＡＤＩＮＧ
![[photo]](https://www.hkbf.org/images/smilies/Photo.gif "傾偈無圖無偈傾")
