#1
包含聯營區內線的城市，感覺特別[del]熱鬧[/del]清靜
魚蛋產品：頻密 BRT，企係站即有車到
（有無位上另計）
某人的震撼 Grid lock 場面，應該會比另外個幾位恥笑一段時間
神戸站，典型的外內轉車型設計
深圳除左有華南城之外，巴士亦都特別多
東京站外的 城巴 九巴 鐵巴
仲記得當年自己仲係用住海南雞飯、Karl、Bratus、WKC 等（仲有幾位）前輩畫的車，開新 Save 第一件事一定係等到幾時先賺到回本，
見住用車一部一部咁加，當年用車選擇唔係特別多，但係城入面的車愈黎愈多元化，係件好賞心悅目的事黎
當年每一位的製作者畫車都好仔細好認真，佢地唔追求乜野互相競爭或者係角力，而係盡力畫好一部像真的車，
帶比玩家的除了係歡樂之外，亦都同時追求一份同真車一樣的性能、加速度，
雖然每一位製作者的水平、著眼點可能都有不同之處，但當中有好多都係精品黎，每一次出車都一定有一種的衝動去下載
時間流逝，自己玩了呢隻遊戲都已經六七（或甚八年），上述的前輩而家都唔係好多仲有畫車，大多都已經淡出了呢一個的遊戲之中，
取而代之係新一班的製作者上場，再次繼續為 simutrans 遊戲發放色彩，但感覺好似有些少改變
或者應該話，製作者本身對於遊戲的著眼點唔同了，製作出黎的產品亦都唔同了，令玩家亦都無形中走向呢一個的趨勢
而家潮流係咩我諗大家的知道，就係車愈出愈快，而且講求「出得多有著數」，仲喜歡同人比較，但質素反而係下降了，
因為整個過程之中，我除了見到犧牲了像真度之外，畫質其實同上一代比較的話，亦都唔見得出有特別出色之處
仲記得當年曾經為過「畫車光暗」而爭論過，有人指太陽係南面出黎呢個情況並不合理，所以認為唔應該跟隨佢的光暗，
結果就係，潮流下的車都唔興加上任何光暗
而事實係，simutrans 所有原裝新加的 pak 檔都依然係跟住南面而製作光暗
而家，到有玩家為了爭論「部巴士會唔會令到道路擠塞」而加強巴士的性能同極速，認為跟真實設定而擠車係唔妥當的事，
結果 115km/h 120km/h 好似已經成為常見之事
而事實係，simutrans 所有原裝新加的 pak 檔都依然係跟住真車調較性能
整個遊戲發展的過程，為了個一個像素而爭黎爭去，咁的確係既係無光暗的世界之下，所有車外貌相似有何出奇？
不過作為玩家，係咪應該要諗下自己係過程之中爭取了乜野，同時間你犧牲了乜野？
計我話，我玩了咁多年，塞車問題一直都係咁樣解決架啦，你拉快到部車似部法拉利咁車多依然都係會塞，咁又點解決到問題？
![[sosad]](https://www.hkbf.org/images/smilies/icon_sosad.gif "So Sad"){kind=icon}
唔係好大架ja![[banghead]](https://www.hkbf.org/images/smilies/icon_banghead.gif "我撞牆死左佢算啦！"){kind=icon}
