如果大家記得我既《熱狗倒數系列》而有睇過五月一號出既第五十八集，相信大家應該已經知道「跟住一齊收亞洲亞洲」呢隻歌。

尋晚我阿媽無意中晌深夜轉左過亞視，佢話好驚嚇，亞視用左隻 1981 呢電視劇主題曲做台歌.......
今日下午我趁食飯時間終於了解左發生乜事，原來尋日係亞視台慶（下？乜有人記得架）
搞左個啟動節目，開頭仲要升埋國旗，唱埋國歌（亞視痴線架 ），跟手升台旗，吹埋台歌....

再之後一節犀利啦，全台人員（唔止藝員）唱台歌，原來係《大俠霍元甲》主題曲《萬里長城永不倒》....
比我搵到葉振棠個原裝版本.....


有關節目版本，請去 youtube 自行搜尋亞洲電視，好快會睇得到.......

我以為「跟住一齊收亞洲亞洲」已經夠晒驚嚇，而家呢隻「昏睡百年」，真係大吉利是，亞視真係早執早著......

其實的確啲歌詞去為左對抗人地台係好有振奮作用
但係亞視不斷搵舊貨再攞出黎
得把口咩都唔做, 日日做微博呀把酒當歌為左一點嘅話
真係執都唔出奇