難得既好天色，放工後當然要踩上山～！^^放工之後, 說實話時間並唔多, 要趕起黃昏前上到山, 遠既地方就冇辦法了
不過近近地既, 計有馬鞍山, 梅子林, 道風山等等既路, 當然亦包括今次既穗禾路
星期日既吐公
其實今次有D 早有預謀既感覺, 為左上山影夜景, 今次專登帶埋相機踩車返工
放工之後就起大埔出發, 經吐公到火炭, 星期日既吐公真係多人得誇張
左穿右插下去到火炭山尾街上山, 踩馬路一直去到穗禾路既盡頭
可能真係返左成日工既關係, 上山既路段唔算斜, 不過都踩得有d 吃力
⋯⋯ 最終起6點左右由大埔上到獅子亭, 一睹沙田既景色,
住起沙田咁耐, 第一次起呢個角度望沙田, 意想不到原來高地望沙田係咁靚呢~!
![[flowerface]](https://www.hkbf.org/images/smilies/flower.gif "丁香丹桂茉莉 都覺得可愛")
踩完吐公, 經過山尾街, 轉上穗禾路
路上其中一景
20分鐘後到達獅子亭
獅子亭
沙田景色
之後起亭旁邊影下相, 飲下水, 距離日落仲有少少時間, 影既亦影夠
睇住不斷有其他人出出入入, 一班人影完又另一班, 想不到獅子亭原來咁熱鬧
之後出返馬路邊影下樹同路牌, 影完再返去亭到等天黑同餵蚊@@
等左1 小時有多, 等到了入黑後既沙田, 景色更加突出,
萬家燈火, 閃閃生輝, 再向公路上對焦拍攝光軌, 以前從未欣賞過既景色
而家都可以慢慢細味一番, 看過沙田之後, 起程離開獅子亭了
等天黑, 出去影下牌先
入黑．沙田夜景
萬家燈火
意想不到咁靚既沙田區
離開了
落山既穗禾路, 路程唔長, 但真係好好玩~! ^^
好有大欖落山既感覺, 全程唔使收慢, 彎路都係一個個大彎
入彎速度可以好快, 最終都keep住起50km/h 左右既速度落山, 果然夠刺激
最終上山用左20分鐘, 落山相信只係3分鐘入面既事~! 真係好好玩~! XD
ＴＨＸ ＦＯＲ ＲＥＡＤＩＮＧ
![[photo]](https://www.hkbf.org/images/smilies/Photo.gif "傾偈無圖無偈傾")
