離島之旅．橋咀

獨特的連島沙洲．富挑戰性的旅程．這就是橋咀～！ #good#

放假日，好高興一早計劃好既行程可以如期出發，
雖然早上有煙霞，但天色尚算唔錯，心情就如天氣一樣開朗～！
神咁早起身，食埋早餐，十點左右就到達西貢碼頭，
迎接今日第一個挑戰．搵船！其實之前已經起網上搵到去橋咀既船家電話
傾過價錢，時間等等，都同我本身既行程唔太夾，唯有到西貢碼頭碰運氣
幸好咁岩有船家黎拉客，我地就二話不說，直接登船了，
＄４０來回既價錢比預算中貴左少少，但總算合理，第一個挑戰成功解決！ :smile:

DSC06306.jpg

船起碼頭等左１０分鐘左右就出發，經西貢海，先到橋咀碼頭，
再到廈門灣沿途都幾風平浪靜，經過２０分鐘船程，我地起廈門灣碼頭落船，
觀賞有十大最美泳灘之稱既廈門灣，呢到既海水真係好清，見晒底咁
海浪聲寧靜地拍岸，海岸既風景總是令人心曠神怡 #love#

DSC06336.jpg

DSC06341.jpg

接住就係第２個挑戰．搵路到達摩洞
不過未搵到路，已經比大群蚊子強勢襲擊，最終惡鬥左一陣就放棄
再黎就係第３個挑戰．登上橋咀最高處～黑山頂，起燒烤場後搵到上山既路
輕鬆咁上到一個開揚處，山上望到既廈門灣，配上早上好天色
海水顯得藍藍綠綠咁，真係好靚，大家都不禁起到影相，之後呢．．．．． [flowerface]

DSC06365.jpg

DSC06369.jpg

全日最有挑戰性，最辛苦既山路就起後面，烈日當空下行走，
山雖然只有136m高，路程亦唔長，但係最終竟然行左３小時先落到橋咀泳灘
路途中間大部份時間都起到攀爬緊，連第４個挑戰．搵易行分支路落橋咀
最終亦搵唔到路，要強行登上黑山頂最高處，上同落都好有難度，
連中途休息都不斷地流汗流過不停，真係極辛苦極難受既感覺 xx(

自己都好似有ｄ中暑既感覺，大熱天時鼻水卻未停過咁流，呢一段路，
即使山頂可以望到連島沙洲，我同朋友連影相既衝動都冇了，
最終最後一段爬落山既路，用意志黎走，到達泳灘後亦急急腳到買可樂消暑 #ng#

DSC06370.jpg

落到沙灘，天色突然昏暗了．．．．． :sad:

起橋咀泳灘邊休息過，回過氣，出發往連島沙洲觀海弄潮～！
連島沙洲，係呢一個島上面最有特色既一個景點，潮漲時並冇路往橋頭小島
但等到潮退後，便會出現一個天然沙堤，連接橋咀同橋頭小島～！
不過我地等唔切了，未等到完全潮退就已經衝出連島沙洲玩水同影相
站起海中間，感覺自己就似輕功水上飄一樣，好有趣，
唔覺唔覺就起海中間玩左半小時了，之後就踏上橋頭小島，
行到島既另一邊近岸睇燈塔，可惜既係去燈塔既路就只有水路，
最終只可以望一望，未能一上燈塔！ :oops: