不知大家有沒有去尖沙咀海港城個多拉A夢展覽呢？
有既話，不坊去試埋入面既一間有關多拉A夢的主題餐廳吧！

間野位於海港城2樓LCX果頭（隨意門對出），去到發覺都好多人幫襯，要係出面排好長既隊先入到去食
小弟就排左四個字左右啦


門口都有放左一隻多拉A夢公仔


All about 100


入到去坐，見到窗上都有個多拉A夢公仔，用黎襯維港海景一流！！


建議入去食前可以先睇下餐牌，以免中伏


餐墊都好精美


小弟就叫左個多拉A夢漢堡包餐，入面包薯菜、一塊多拉A夢樣既紫菜包、多拉A夢Tiramisu：共$128
漢堡包內涵夠多，不過就多得濟，拎唔起成隻黎食
隻太陽蛋仲要比我整爛


多拉A夢Tiramisu

食完個餐之後，你會見到其實隻碟都好靚下（食得唔好sorry ）
如果你好鐘意隻碟，你可以用$120買左佢～（當然係新的）


之後就叫左杯Cappuccino，個Cappuccino 設有十二款不同角色圖案，可惜無得自行選擇圖案
好彩佢比左大雄樣我


最後叫左塊「記憶麵包」，「記憶麵包」不設堂食，只供食客選購
$15 個人覺得係唔抵架

不過至少有賣相，個樣幾得意
D皮食落好有牛角包味，入面好甜，幾好味下

最後送上餐廳佈置



後感：
或者呢間野係sale個主題啦，D野食認真幾貴下 ...
個人覺得都夠飽，不過以上加埋就洗左我$205

但如果真係多拉A夢迷既，入去試下都無坊（見入面九成九都係渣相機影相，野食都影 ）
再唔係係門口幫襯佢地個多拉A夢豆沙餅囉


但唔知閣下見到咁可愛既多拉A夢、大雄樣，會唔會唔捨得食呢？
第一次係呢區 post 野，謝謝點閱